Posts Tagged ‘nepal police’

काठमाडाैं– प्रहरी नायब महानिरीक्षकबाट अतिरिक्त महानिरीक्षकमा बढुवा भएका चारजना डिअाइजीकाे काँधमा अहिले केहीबेरमा एउटा तारा थपिदैछ ।
प्रहरी प्रधान कार्यालयमा अहिले १० बजे प्रहरी महानिरीक्षक प्रकाश अर्यालले बढुवा भएका चारजना डिअाइजीलाइ दर्ज्यानी चिन्ह लगाइिदने कार्यक्रम रहेकाे छ ।
सरकारकाे कार्तिक २८ काे मन्त्रीपरिषदकाे बैठकले दुईजना प्रहरी अतिरिक्त महानिरीक्षकको दरबन्दी थप्दै चारजना नायब महानिरीक्षकलाई बढुवा सिफारिस गरेकाे हाे ।
प्रहरी नायव महानिरीक्षकहरु हेमन्त बहादुर पाल, मधु प्रसाद पुडासैनी,माधव प्रसाद नेपाल र पंकज श्रेष्ठ प्रहरी अतिरिक्त महानिरीक्षक पदमा बढुवा सिफारिस भएका थिए।
सरकारकाे मंसिर ४ काे निर्णयले उनीहरूकाे बढुवा सिफारिस सदरगर्दै चारै जनालाइ बढुवा र पदस्थापन गरेकाे हाे ।
नेपाल प्रहरीमा २०४४ चैत्र २९ मा सेवा प्रवेश गरेको यो समुह पुडासैनी, श्रेष्ठ र नेपाल २०७१ असोज ६ मा डिआइजीमा बढुवा भएको थियो । पाल भने २०७१ माघ २ मा डिआइजीमा बढुवा भएका थिए ।

Advertisements

 

काठमाडौं– अमेरिका जाने सजिलो र सुरक्षित अवसर मानिने डिभी लोटरी परेका दुईजना युवा नक्कली कागजपत्रको भरपर्दा अमेरिका त जान पाएन्न, श्रृण काढेको नगद समेत गुमाएर अहिले प्रहरी कार्यालयको हिरासतमा पुगेका छन।
सन २०१७ का लागि डिभी लोटरी परेका रुद्रबहादुर मोक्तान र सन २०१८ डिभी लोटरी परेका भुवानी प्रसाद भट्टराई नक्कली कागजपत्र बनाएर अमेरिका उडने सपना त सपना नै रहयो । अहिले उनी आफुले गरेको गल्तीको प्रायश्चित गर्दै आफुले दिएको पैसा समेत गुमाएर प्रहरी हिरासतमा पुगेका छन ।
अमेरिकाको डिर्पाटमेन्ट अफ स्टेटले प्लस टु पास गरेको युवा युवतीको योग्यतालाईमात्र आधार मानेर हरेर वर्ष डिभी लोटरी खोल्ने गर्छ । प्लस टु पास नभएका रुद्रबहादुर र भुवानीप्रसादले समेत डिभी भरेका थिए । उनको भाग्य बलियो डिभी त प¥यो । तर साथमा प्लस टु पासको सर्टिफिकेट थिएन ।
भुवानीप्रसादले सन्तोष तिवारीसँग सर्टिफिकेट बनाउनको लागी सम्पर्क गर्छन। रुद्रबहादुरले सर्टिफिकेट बनाईदिन देवराज तामाङसँग सम्पर्क गर्छन । देवराजले साढे तीनलाखमा सर्टिफिकेट बनाउने ठेक्का लिन्छन । सन्तोष तिवारीले नक्कली सर्टिफिकेट बनाउनको लागी भुवानीप्रसाद र अभय पोख्रेलको भेट गराई ९० हजारमा डिल भई सर्टिफिकेट बनाई लेनदेन कारोबार हुन्छ । अभय पोख्रेल किर्तेमा बदनाम र कुख्यात पटके थिए । उनी २०६९ मंसिर १३ मो सरकारी छाप दस्तखत किर्ते मुद्दामा पक्राउ परी कारवाही भोगेका थिए।
यता देवराजले सर्टिफिकेटका लागि सेक्योर्ड लाइफ कन्स्लटेन्सीमामा काम गर्ने अनिल श्रेष्ठलाई सर्टिफिकेट बनाउनको लागी सम्पर्क गर्छन । यसका लागि ४५ हजार श्रेष्ठलाई भुक्तान हुन्छ ।
यसपछि श्रेष्ठले ३० हजारमा सत्य बिनायक कम्युनिकेशन संचालक बिशालजंग शाहीलाई सर्टिफिकेट बनाउने जिम्मा दिन्छन । र बिशालले पनि सुरेश शाहीलाई १२ हजारमा सर्टिफिकेट बनाउन दिएको जिम्मेबारी पुरा नहुदै प्रहरीले घटनामा संलग्न ८ जनालाई पक्रेको हो ।
महानगरीय अपराध महाशाखाले पक्राउ परेको गिरोहले विदेश जाने युवायुवतीका लागि आवश्यक शैक्षिक प्रमाणपत्र नक्कली बनाउने गरेको जनाएको छ । महाशाखाले प्लस टु को माइग्रेसन, एसएलसीको मार्कसिट बिएडको मार्कसिट, नेपाली नागरिकताजस्ता नक्कली कागजपत्र बरामद गरेको छ ।
महाशाखाले कथित पीडित रुद्रबहादर मोक्तान र भुवानीप्रसाद सहित अन्य ६ जनालाई पक्रेर किर्ते मुद्दामा कारवाही थालेको हो। पक्राउपर्ने अन्यमा बिशाल जंग शाही, सुरेसबहादुर शाही,अभय पोख्रेल, अनिल श्रेष्ठ, देवराज तामाङ र सन्तोष कुमार तिवारी रहेका छन।

  • सरकारले थप्याे  दुइ एअाइजीकाे दरबन्दी
  • प्रदेशपछि महानगरमा समेत एअाइजी राख्ने तयारी
  • मधु पुडासैनी, पंकज श्रेष्ठ, माधवप्रसाद नेपाल र हेमन्त पाल बढुवाका प्रत्यासी

काठमाडाैं– सरकारले दुईजना प्रहरी अतिरिक्त महानिरीक्षकको सोमबार दरबन्दी थप्दै चारजना नायब महानिरीक्षकलाई बढुवाको तयारी थालेको छ । विश्वस्त स्रोतका अनुसार सोमबार बसेको मन्त्रीपरिषदले राजनीतिक भागबण्डा मिलाउन थप दुई एआइजीको दरबन्दी थपेको हो । हाल नेपाल प्रहरीमा १२ जना एआइजी कार्यरत रहेका छन ।
प्रहरीको संघिय संरचना अनुसार सातजना एआइजी सातवटा प्रदेशमा खटिने छन । प्रहरी प्रधान कार्यालयमा रहेको कार्य, मानव स्रोत, प्रशासन, अपराध अनुसन्धान विभागमा एआइजीको दरबन्दी छ । यस्तै प्रहरी प्रशिक्षण प्रतिष्ठान र महानगरीय प्रहरीमा समेत एआइजीको दरबन्दी रहेको छ ।
प्रहरी प्रधान कार्यालयले थप गरिएको दरबन्दीसँगै एआईजीको सख्या १६ पुग्ने जनाएको छ।
बढुवाका मुख्य प्रत्यासीमा डिआइजी मधुप्रसाद पुडासैनी, पकंज श्रेष्ठ,माधवप्रसाद नेपाल र हेमन्त पाल रहेका छन । अघिल्लो बढुवामा बरियतामा अघि रहेपनि चारैजनाभन्दा बरियतामा तल रहेका डिआइजीको बढुवा भएको थियो ।
नेपाल प्रहरीमा २०४४ चैत्र २९ मा सेवा प्रवेश गरेको यो समुह पुडासैनी, श्रेष्ठ र नेपाल २०७१ असोज ६ मा डिआइजीमा बढुवा भएको थियो । पाल भने २०७१ माघ २ मा डिआइजीमा बढुवा भएका थिए ।

सांकेितक तस्विर

  • काठमाडौं र पोखरामा विदेशी एटिएम डाटा चोर सक्रिय
  • एक बुल्गेरियन सीआइबीको फन्दामा
  • १८ विदेशी नागरिक ब्युराेकाे फन्दामा 
  • एक कराेड ७५ लाख भन्दा बढि  विदेशी तथा नेपाली रूपैयाँ बरामद 

काठमाडौं– पर्यटन भिषामा आएर विदेशी तथा नेपालीहरुले प्रयोग गर्ने एटिएम मेशिनमा स्किमर मेशिन राखेर डाटा चोर्ने कार्यमा संलग्न एक विदेशी नागरिक केन्द्रीय अनुसन्धान ब्युरो (सीआइबी) को फन्दामा परेका छन ।
ब्युरोले एटीएमबाट अनाधिकृत रुपमा रकम निकाल्ने कार्यमा संलग्न राहदानी नम्वर ३८३१७३२०० बाहक बुल्गेरियन नागरिक भिटालीय भासिलीभिच नेकिटलाई पक्रेको हो । काठमाडौँ महानगरपालिका–२६ ठमेल नरसिंहचोकस्थित होटल डिस्कभरीको कोठा नम्बर ३०४ बाट नेकिटलाई शुक्रबार पक्राउ गरेको हो ।
ब्युरोका अनुसार नेकिटका साथबाट विभिन्न कार्ड १८ थान, ग्लोबल आइएमई बैंक, सानिमा बैंक तथा नबिल बैंकको एटीएम मेसिनबाट रकम निकालेको स्लिप ३ थान बरामद गरेको हो । यस्तै बिद्युतीय उपकरणहरु खोल्न प्रयोग हुने विभिन्न प्रकारका औजारहरू ५ थान लगायतका सामाग्रीहरु सहित नेकिट ब्युरोका फन्दामा परेका हुन।
ब्युरोमा अपरिचित पुरुषले विभिन्न बैंकका एटीएमबाट अनधिकृत रुपमा रकम निकाल्न प्रयास गरिरहेको सूचना आएपछि ब्युरोको पिलर टु सक्रिय भएको थियो । आर्थिक अपराध हेर्ने ब्युरोको पिलर टुको अनुसन्धानमा नेकिटले नेपाल इन्भेष्टमेन्ट बैंकको ठमेलस्थित एटीएम मेसिनमा स्किमर मेसिन जडान गरेको भेटिएको हो।
‘काठमाडौंका एटीएममा गोप्य निगरानी तथा अनुसन्धान गदै जाँदा एटिएम कार्डको डाटा चोरी विदेश लैजाने तथा अनधिकृत रुपमा रकम निकाल्ने कार्यमा निजको संलग्नता रहेको खुलेको छ, थप अनुसन्धान भै रहेको छ,’ ब्युरोका निर्देशक प्रहरी नायब महानिरीक्षक पुष्कर कार्कीले पर्दाफासलाई बताए ।
ब्यूरोले एटिएम ठगी सम्बन्धी विभिन्न समयमा गरेको कारवाहीमा ४ रोमानियन, ४ टर्कीस, ४ बुल्गेरियन, ४ मोल्दोभियन र २ भारतीय गरी जम्मा १८ जना विदेशी नागरिकहरु पक्राउ गरिसकेको छ । ब्युरोका अनुसार उनीहरुबाट नेपाली ८८ लाख ६८ हजार ८ सय ५० रुपैयाँ, अमेरिकी डलर ७३ हजार ५ सय ८०, युरो ६४ हजार १ सय ७५ र विभिन्न एटीएम कार्ड १ हजार ३ सय २६ थान बरामद गरेको छ ।
पक्राउ नेकिटलाई बैंकिङ कसूर तथा सजाय ऐन २०६४ बमोजिम आवश्यक अनुसन्धान कार्य भइरहेको व्यूरोले जनाएको छ ।

काठमाडौं–प्रहरी महानिरीक्षक प्रकाश अर्यालको सोमबार प्रहरी मुख्यालयमा बेग्लै रुप र ब्यवहार देखेर उनी निकट प्रहरी अधिकारी समेत तर्सिए । निर्वाचन सुरक्षा सहित विविध बिषयमा प्रहरी अधिकारी ब्रिफिङका लागि महानिरीक्षक सचिवालयले बोलाएको थियो । सबै समयमै मुख्यालय पुगे ।
निर्वाचन सुरक्षाका बिषयमा आफु मातहतका अधिकारीलाई सुरक्षा ब्यवस्था चुस्त दुरुस्त राख्न निर्देशन दिदैं आवश्यक साथ र सहयोगका लागि प्रहरी प्रधान कार्यालय र गृह मन्त्रालयले पूर्ण सहयोग गर्ने बताएपछि सबैले अब चिफ सापको ब्रिफिङ सकिएको ठाने । तर बोल्दा बोल्दै एकाएक महानिरीक्षक अर्याल जंगिए ।
‘आफुले काम के ग¥यो भन्दा बताउन नसक्ने, सरुवा र बढुवामा आफुलाई अब्बल भन्दै हिडने’ अर्यालको भनाई उद्दृतगर्दै ब्रिफिङमा सहभागी एक अधिकारीले भने । महानिरीक्षक अर्यालले थपे ‘काम छैन, प्रहरीमा गुटबन्दी ग¥यो, नचाहिने अफवाह फैलायो अनि आईजीपी परिवर्तन गर्ने भन्दै हिडनेको रेर्कड छ, कानुन अनुसार कारवाही थालौं’ । ती अधिकारीले पर्दाफासलाइ भने ।
प्रहरी महानिरीक्षक अर्याल कम बोल्ने तर बोल्दा हाँसेर बोल्ने सहनशील अधिकारीका रुपमा परिचित छन । तर सोमबार उनको यो रुप देखेपछि धेरै प्रहरी अधिकारी भन्दै थिए ‘आइजीपी साप त कडा पो रहेछन, अफवाह गर्नेको अब खैरियत भएन’।

megha

KATHMANDU : प्रहरीले चर्चित मेघा बैंक ठगी प्रकरणमा उक्त बैंककै दुईजना ब्रान्च म्यानेजरको संलग्नता रहेको पुष्टि सहित अनुसन्धान प्रतिवेदन सार्वजनिक गरेको छ । महानगरीय प्रहरी अपराध महाशाखाले धादिङ्ग. स्थित मेगा बैंकका ब्रान्च मेनेजर राजेन्द्र पाण्डे र विगत ४ बर्ष देखि कान्तिपथ स्थित मेगा बैंकका ब्रान्च म्यानेजर शम्भु बहादुर थापाको योजना अनुसार ठगी भएको अनुसन्धानमा खुलासा गरेको हो । प्रहरीले थापा सहित घटनामा संलग्न शिक्षण पेशामा रहेका प्रविण पाण्डे र प्रदिप पाण्डेलाई पक्राउ गरेको हो । घटनाका मुख्य योजनाकार तथा कार्यन्वयनकर्ता पाण्डे भने फरार रहेका छन । चर्चित तथा बैंकिङ सेलिब्रेटी अनिल शाह मुख्य भुमिका रहेको मेघा बैंककै कर्मचारीको मुख्य योजना र भुमिकामा ठगी काण्ड भएको हो । घटना लगत्तै टुरिज्म बैंकका अधिकारीलाई नै दोषी देखाएर आफु पानी माथिको ओभानो हुन खोजेको मेघा बैंक प्रहरी अनुसन्धान पछि चुपचाप रहेको छ । महाशाखा प्रमुख पुष्कर कार्कीले बित्तिय अपराध अनुसन्धानमा प्रहरीले सफल अनुसन्धान गरेको बताए ।

megha b

ठगी प्रकरण
घटना बिवरण :
टुरिज्म डभलपमेन्ट बैंक लिमिटेडकोे मेगा बैकमा रहेको खाता नं. ००१००६०३५८३८६ बाट मिति २०७०।१०।१२ गते मेगा बैकको नयाँ सडक शाखाबाट रु ९,९०,०००।– (नौ लाख नब्बे हजार रुपैया) र मिति २०७०।१०।१३ गते राष्ट्रिय वाणिज्य बैंक भोटाहिटी शाखाबाट रु २,००,००,०००।– (दुई करोड रुपैया) चेक क्लियरिङको माध्यमबाट गरी जम्मा रु २०९,९०,००० (दुई करोड नौ लाख नब्बे हजार) ठगी भएको ।

बैंकिङ्ग कसुर तथा ठगी कसरी भयो ?
२०७०।८।९ गते मेगा बैंक कान्तिपथ शाखाबाट अनाधिकृत ढंगबाट टुरिज्म डभलपमेन्ट बैंक लिमिटेडको नामको १० थान चेक जारी गरिएको
चेक जारी गर्दा चेक रिक्वजेसन फर्ममा प्रयोग भएको टुरिज्म डभलपमेन्ट बैंक लिमिटेडको छाप, बैंकले प्रदान गरेको खातावालाको दस्तखत नमुना नियमानुसार सनाखत नगरिएको । सम्बन्धित कर्मचारीले चेक रिक्वजेसन फर्म भेरिफाई नगरेको साथै उक्त फर्ममा दस्तखत समेत नगरेको ।
तत्कालीन अवस्थामा चेक लिन आउने ब्यक्ति अल्फा बिटा कलेजको स्टुडेन्ट परिचयपत्र लिई आएका हाल खुल्न आएको प्रविण पाण्डे भएको । साथै निज प्रविण पाण्डे तत्कालिन मेगा बैंक शाखा कार्यालय धादिङका मेनेजर राजेन्द्र पाण्डेका सहोदर भाई भएको ।
चेक रिक्वजेसन फर्म रजत तोदीको नामको भएको तर चेक बुझिलिंदा राकेश सिलवालको नक्कली परिचयपत्र र नाम राखि राकेश सिलवाल लेखि दस्तखत गरी चेक बुझि लगेको ।
प्रविण पाण्डेलाई उक्त चेक रिक्वजेसन फर्म निजका दाजु राजेन्द्र पाण्डेले उपलब्ध गराएकोमा कस्टमर सर्विस सेन्टरका कर्मचारीले उक्त फर्म माथी शंका लागी चेक इस्यु गर्न आनाकानी गर्दा उक्त बैंकका मेनेजर शम्भु बहादुर थापाले निज कर्मचारीलाई आदेश दिए पश्चात इस्यु भएकोे खुल्न आएको ।
मिति २०७०।०९।०९ गते रा.वा.बैंक शाखा कार्यालय टेकुमा रजत तोदीको नामबाट १७०००१२६३८१० नं. को खाता खोलिएको तथा उक्त खाता खोल्दा पेश गरिएका कागजातहरु नक्कली रहेको पाईएको । उक्त खाता हाल फरार राजेन्द्र पाण्डेले खोलेको भन्ने खुल्न आएको । रा.वा.बैंक शाखा कार्यालय टेकुको सिसिटिभी फुटेजबाट समेत उक्त कुरा पुष्ट्याँई हुन आएको ।
मिति २०७०।१०।१२ गते रा.वा.बैंक शाखा कार्यालय भोटाहिटीमा संजय ढकालको नामबाट खाता नं १३६००३०७५२१० खोलिएको तथा उक्त खाता खोल्दा पेश गरिएका सम्पुर्ण कागजातहरु नक्कली रहेको पाईएको । उक्त खाता प्रविण पाण्डेले खोलेको भन्ने खुल्न आएको
मिति २०७०।१०।१२ गते संजय ढकालको नामबाट प्रविण पाण्डेले मेगा बैंकको न्युरोड शाखाबाट टुरिज्म बैंकका तत्कालिन २ जना सिईओ मनोज खड्का र मोहन प्रसाद पाण्डेकोे दस्तखत गरि रु. ९ लाख ९० हजार भुक्तानी लिएको ।
मिति २०७०।१०।१३ गते प्रविण पाण्डेले संजय ढकालको रा.बा.बैक भोटाहीटी शाखाको खातामा चेक क्लिएरिङ्गको माध्यमबाट रु. २०००००००। (दुई करोड) जम्मा गरेको ।
सबिना खनालको नाममा रा.बा.बैंक महाराजगंज शाखाबाट रु ३५ लाख काटीएको जस मध्ये रु ४ लाखको भुत्तानी लिई बाकी ३१ लाख रजत तोदीको नाममा ट्रान्सफर गरीएको र आयुष झाको नाममा रु ३५ लाख काटीएको जसमध्ये रु ५ लाखको भुत्तानी लिई बाकी ३० लाख रजत तोदीको नाममा ट्रान्सफर गरीएको । उक्त रकम भुक्तानी लिदा पेश गरेको राम प्रसाद वम्जन, एक बहादुर थापाको नामको नागरिकताको प्रतिलिपी अनाधिकृत रुपमा प्रयोग भएको पाईएको ।
बिभिन्न मितिमा बिभिन्न ब्यक्तिहरुको नामबाट संजय ढकालको नाममा काटिएको राष्ट्रिय बाणिज्य बैंकको चेकबाट जम्मा रु. १ करोड ४१ लाख ९० हजार रकम निकाल्न सफल भएको । रा.बा.बैक महाराजगन्ज शाखाबाट मिति २०७०।१०।१९ र २० गते क्रमशः रु ३०,००,०००।– (तीस लाख) र रु ३१,००,०००।– (एकतीस लाख) गरी जम्मा रु ६१,०१,०००।–(एकसठृी लाख एक हजार) रजत तोदीको खाता नं. १७००१२६३८१० जम्मा भएको र हाल सम्म पनि उक्त रकमको भुक्तानी लिन कोही ब्यक्ती नआएको ।
सन्जय ढकालको खाता न. १३६००३०७५२१० मा रु ७,०१,०००।–(सातलाख एकहजार) मौज्दात रहेको ।
संजय ढकालको नाममा रा.बा.बैंक भोटाहिटीशाखामा खाता खोल्दा खातावालाको नाम संजय ढकाल, बुुबाको नाम श्यामकृष्ण ढकाल, ना.प्र.नं. ६२५२३, ठेगाना ठमेल १६ काठमाण्डौ लेखिएकोमा उक्त नाम र नागरीकता नम्वर मिल्ने ब्यक्ति सौरपानी ३, गोरखाको रहेको तथा निजको नाम समेत संजय ढकाल तथा ना.प्र.नं. ६२५२३ भएकोे खुल्न आएको ।
निज संजय ढकालको मेगा बैंक कान्तिपथमा खाता रहेको भन्ने खुल्न आएको ।
रजत तोदीको नाममा रा.बा.बैंक, शाखा कार्यालय टेकुमा खाता खोल्दाको बखत खातावालाको नाम रजत तोदी, बुवा रतन तोदी, ना.प्र.नं. ७४३३७, ठेगाना जि.मोरङ बिराटनगर उ.न.पा. ६ लेखिएकोमा उक्त नाम र नागरीकता नम्वर मिल्ने ब्यक्ति नाम रजत तोदी, ना.प्र.नं. ७४३३७, ठेगाना जि.मोरङ बिराटनगर उ.न.पा. ६, बुवाको नाम रमेश कुमार तोदी भन्ने खुल्न आएको ।
निज रजत तोदीको समेत बिराटनगर स्थित मेगा बैंकमा खाता रहेको खुल्न आएको ।
काम बिशेषले यस महाशाखाका प्रहरी अधिकृत बैंककमा पुग्दा निज संजय ढकालको वारेमा बुझ्दा निजले आफ्नै च्भउयचतभम यिकत तचबखभ िमयअगmभलत प्रयोग गरेको भन्ने बुझिएको र सोहि आधारमा थाईल्याण्डको क्ष्mmष्नचबतष्यल बअत, कभअतष्यल ज्ञद्द अनुसार त्यस्तो किसिमको म्यअगmभलत भएको ब्यक्ति थाईल्याण्डमा बस्न नदिने ब्यवस्था अनुसार म्भउयचत गरेकोले निजलाई त्रिभुवन बिमानस्थलबाट पक्राउ गरि अनुसन्धानको लागि यस कार्यालयमा ल्याईएको ।
निजलाई यस महाशाखामा ल्याई थप अनुसन्धान गर्दा उक्त ठगि कार्यमा निजको संलग्नता नभई मेगा बैंककै अन्य कर्मचारीको संलग्नता हुनसक्ने बलियो आधारका साथ थप अनुसन्धान गर्दा राष्ट्रिय बाणिज्य बैंक टेकु शाखाको ऋऋत्ख् ँययतबनभ मा देखिएको ब्यक्तिवारे थप गहन अनुसन्धान थालिएको ।
राष्ट्रिय बाणिज्य बैंक टेकु शाखाको सिसिटिभी फुटेजमा देखिएको ब्यक्ति धादिङ्ग स्थित मेगा वैंकको तत्कालिन मेनेजर राजेन्द्र पाण्डे भएको खुल्न आएको ।
अभियुक्तहरु राजेन्द्र पाण्डे, प्रविण पाण्डे र प्रदिप पाण्डेको संलग्नता
राजेन्द्र पाण्डे उक्त ठगि घटनाको मुख्य योजनाकार रहेको ।
राजेन्द्र पाण्डे उक्त रा.बा.बैंक टेकुमा रजत तोदीको नाममा खाता खोल्न गएकोमा उक्त बैंकमा रहेको सिसिटिभी फुटेजमा देखिएको निजको हिंडाई तथा हुलियाको आधारमा निजको पहिचान गरिएको ।
खाता खोलिएको मिति २०७०।०९।९ गते राजेन्द्र पाण्डे बिदामा बसेको खुल्न आएको ।
राजेन्द्र पाण्डेले घटनाको करिव १ महिना पछाडीनै क्यानडा जाने बताई बैंकबाट राजिनामा दिएकोे ।
पक्राउ अभियुक्त प्रविण पाण्डेका अनुसार सम्पुर्ण कुराको ब्यवस्थापन राजेन्द्र, प्रविण र शम्भु थापा मिलि गरेको, राजेन्द्र पाण्डेले मेगा बैंकका खातावालाहरुको विवरण प्रविण पाण्डेलाई उपलब्ध गराएको, सोही विवरण प्रयोग गरि निज प्रविण पाण्डेले नक्कली कागजातहरु तयार गरेको ।
रा.बा.बैंक भोटाहिटी शाखा र मेगा बैंक न्यूरोड शाखाबाट रकम निकाल्न प्रविण पाण्डे र प्रदिप पाण्डे गएको । बैंकबाट निकालिएको रकम धादिङ स्थित घरमा लुकाई राख्नको लागि प्रदिप पाण्डेले भाई प्रविण पाण्डेलाई मो.सा. मा राखि कलंकीसम्म पुर्याएको ।
रकम निकालीसके पछि काठमाण्डौ, गोंगबु स्थित प्रविणको डेरामा र धादिङ स्थित घरमा लगि लुकाएको ।
धादिङ स्थित मेगा बैंक शाखाका मेनेजर राजेन्द्र पाण्डे र निजको भाई प्रविण पाण्डेको कान्तिपथ शाखाका मेनेजर शम्भु बहादुर थापासंग राम्रो सम्बन्ध रहेको ।
प्रविण पाण्डेले ल्याएको रजत तोदीको नामको टुरिज्म बैंककोको चेक रिक्वजिसन फर्मलाइ भेरिफाई नगरी अनलाईन अथोराईज गरेको ।
अभियुक्त शम्भु बहादुर थापाको संलग्नता

प्रविण पाण्डेलाई उक्त रजत तोदीको नामकोे चेक रिक्वजिसन फर्म निजका दाजु राजेन्द्र पाण्डेले उपलब्ध गराएकोमा कस्टमर सर्विस सेन्टरका कर्मचारीले उक्त फर्म माथी शंका लागी इस्यु गर्न आनाकानी गर्दा उक्त बैंकका मेनेजर शम्भु बहादुर थापाले निज कर्मचारीलाई इस्यु गर्न आदेश दिए पश्चात प्रविण पाण्डेलाई चेक इस्यु भएकोे खुल्न आएको ।
रा.बा.बैंक टेकु शाखाबाट प्राप्त भएको सिसिटिभी फुटेजमा देखा परेका व्यक्ति (राजेन्द्र पाण्डे) शम्भु ब. थापालाई तत्काल देखाउदा निजले आफुले चिन्दिन भनेको ।

KATHMANDU : रासन र सामान खरिदका क्रममा अनियमितता गरी अकूत सम्पत्ति आर्जन गरेको र त्यो सम्पत्ति मेडिकल कलेज र जलविद्युतमा लगानी गरेको आरोपमा अख्तियार दुरुपयोग अनुसन्धान आयोगले छानबिन गरिरहेका सशस्त्र प्रहरी बलका आइजीपी कोषराज वन्तले ७५ करोड रुपैयाँको सामान खरिदमा अनियमितता गर्ने तानाबाना बुनेका छन्।

सशस्त्रमा गुणस्तर परीक्षण नै नगरी ७५ करोड रुपैयाँबराबरका सामान खरिद प्रक्रिया टुंग्याउन लागिएको छ। गुणस्तर तथा नापतौल विभागबाट स्वीकृत नमूनाअनुसारको कम दरमा प्रस्ताव हाल्ने सप्लायर्सबाट खरिद गर्नुपर्नेमा परीक्षण नै नगरी कमिसन कसले बढी दिन्छ उसैबाट खरिद गर्न आइजीपी कोषराज वन्तको निर्देशनअनुसार सशस्त्रका प्रशासन विभाग प्रमुख जीवन थापा, आर्थिक प्रशासन महाशाखाका एसएसपी कविन्द्रमान श्रेष्ठ र प्रबन्धका डीएसपी प्रमोद राय लागेका छन्। कमिसनमा कुरा मिलाएर खरिद प्रक्रिया टुंगो लगाउन निर्देशन दिई सशस्त्रका आइजीपी कोषराज वन्त र एआइजी दुर्जकुमार राई अमेरिका हुँदै इन्टरपोलको सम्मेलनमा भाग लिने बहानामा फ्रान्स सयरमा थिए। जबकि सशस्त्र प्रहरी इन्टरपोलको सदस्य होइन, पर्यवेक्षकमात्र हो।

index
सशस्त्रले क्यामो फ्ल्याग तयारी चुस्ता ४० हजार सेट, डीएमएस बुट ३५ हजार जोर, क्यामो फ्ल्याग पार्कर ज्याकेट १५ हजार थान, बर्षादी ट्रयाकसुट १५ हजार सेट, जर्सी २० हजार थान खरिद गर्दैछ। त्यस्तै पीटी जुत्ता, ३७ हजार जोर, ब्यारेट क्याप ३५ हजार थान, झुल २० हजार थान, कम्मल ३७ हजार थान, स्लीपीङ ब्याग १० हजार थान, उलन सर्ट कपडा ३० हजार मिटर, उलन पाइन्ट २० हजार मिटर, कटन सर्ट कपडा ३० हजार मिटर र कटन पाइन्टको कपडा २० हजार मिटरको लागि टेण्डर गरेको थियो। सशस्त्रले परेका टेण्डरहरू खोलिसकेको छ। टेण्डर खोलिसकेपछि नमूना गुणस्तर विभागमा पठाई त्यहाँबाट कुन सामान नमूनाअनुसारको छ त्यहीअनुसार कम दरमा हाल्ने सप्लायरबाट खरिद गर्नुपर्ने हुन्छ। तर सशस्त्रले नमूना परीक्षणमै नपठाई कमिसन जसले बढी दिन्छ, उसकै सामान गुणस्तरीय भएको भनी खरिद गर्न लागेका छन्। सशस्त्रको ७५ करोड रुपैयाको खरिदमा गृहमन्त्री वामदेव गौतमका छोरा हरिस गौतमले पनि चासो राखेको स्रोतले बतायो। स्रोतका अनुसार नेपाल प्रहरीको हतियार खरिददेखि कुनै पनि काम नभएपछि गृहमन्त्रीपुत्र हरिस गौतम सशस्त्रको खरिदमा लागेका छन्।

स्रोतका अनुसार सामान खरिदमा अनियमितता गर्नका लागि गुणस्तर परीक्षण नै नगरी जुन ठेकेदारले बढी कमिसन कबोल गर्छ उसकै सामान खरिद गर्न बोलकबोल भइरहेको छ। सशस्त्र प्रहरी बलले गुणस्तर विभागमा परीक्षण गर्नै नपठाई खरिद गर्ने सामान खरिदको तयारी गरेको छ। गतबर्षसम्म गुणस्तरमा पठाएर स्वीकृत नमूनाअनुसार खरिद गर्दैआएको सशस्त्रले यो बर्षदेखि नेपाली सेनाले नपठाए पनि हुने हामी पनि सेना जस्तै हौं भन्दै नपठाएको बुझिएको छ। नेपाली सेनासँग गुणस्तर परीक्षण गर्ने ल्याब छ तर सशस्त्रसँग केही पनि नभएको र गुणस्तर विभागमै पठाउनुपर्ने हुन्छ। तर सेनासँग तुलना गर्दै सशस्त्रले गुणस्तर नै परीक्षण नगरी कमिसन जसले बढी दिन्छ, आफूखुसी उसको सामान गुणस्तरयुक्त छ भनी खरिद गर्न लागेको छ। टेण्डरमा सबैभन्दा कम दरमा टेण्डर हाल्ने सप्लायरलाई नदिई कमिसनको बार्गेनिङमा एआइजी थापा, एसएसपी श्रेष्ठ र डीएसपी राय लागेका छन्। सशस्त्रको ७५ करोड रुपैयँँबराबरको यो खरिद प्रक्रियामा हुन लागेको अनियमितताबारे अख्तियार दुरुपयोग अनुसन्धान आयोग र सार्वजनिक लेखासमितिले पनि छानबिन गर्नुपर्ने सशस्त्रका एक अधिकारीले बताए। उनले भने, ७५ करोड रुपैयाँको खरिदमा १० करोड भन्दा बढी कमिसन कबोल गर्नेलाई दिने चलखेलमा आइजीपी वन्त छन्।

आइजीपी वन्त र गृहमन्त्री पुत्र हरिसको मिलेमतोमा कल्याणकारी कोषले ९० दिन म्याद राखेर गरिएको टेण्डर पनि हतार हतार २१ दिनमै टुंग्याउने चलखेल भएपछि सार्वजनिक लेखासमितिले ताकेता गरिसकेको छ। सशस्त्रको रासन र अरु बन्दोबस्तीका सामान खरिदमा अनियमितता गरी अकूत सम्पत्ति आर्जन गरेको अभियोगमा आइजीपी वन्त, तत्कालीन आर्थिक महाशाखा प्रमुख चिरन्जीवी अधिकारी र प्रबन्धका एसपी श्यामकाजी कुँवरमाथि अख्तियारले छानबिन गरिरहेको छ।

courtesy : weeklynepal.com