Posts Tagged ‘america’

Kathamndu: प्रधानसेनापति राजेन्द्र क्षत्रीले सोमबार अस्पताल पुगेर बिरामीसँग भलाकुसारी गरे । प्रहरी महानिरीक्षक उपेनद्रकान्त अर्यालले लागूऔषध पूर्नस्थापनमाका लागि आसरा केन्द्रमा रहेका दुब्र्यसनीको हौसला बढाए र सशस्त्र प्रहरी बलका महानिरीक्षक कोषराज वन्तले आधारभुत तालिम पुरा गरेका अधिकारीको दिक्षान्त समारोहमा पुगेर बलको सिद्धान्त र अनुशासनका बिषयमा निर्देशन दिए ।
तीनवटै सुरक्षा निकायमा रहेको सञ्चार हेर्ने निकायले प्रेषित गरेका बुलेटिन उनिहरुकै भाषामा जस्ताको त्यस्तै तर छोटकरीमा :

hospital coas

नेपाली सेना

आज मिति २०७२ आश्विन ११ गते प्रधान सेनापति महारथी श्री राजेन्द्र क्षत्रीले छाउनीस्थित नेपाली सेनाको श्री वीरेन्द्र अस्पतालको निरीक्षण भ्रमण गर्नु भएको छ ।
निरीक्षण भ्रमणको क्रममा प्रधान सेनापति श्री क्षत्रीले अस्पताल भित्र रहेको ईमरजेन्सी, ओपिडी, भिआईपि, आईसियु, आईटिसियु वार्ड लगायत रिपुमर्दिनी अक्सिजन प्लाण्टको साथै ट्रमा हलको समेत निरीक्षण भ्रमण गर्नु भएको थियो । निरीक्षणको क्रममा प्रधान सेनापति श्री क्षत्रीले बिरामीहरुसंग भेटघाट तथा कुराकानी समेत गर्नु भएको थियो ।

उक्त निरिक्षण भ्रमणको दौरान प्रधान सेनापति श्री क्षत्रीलाई श्री वीरेन्द्र अस्पतालका कमाण्डाण्ट प्राविधिक सहायक रथी डा. श्री राजिव पाण्डेले अस्पतालको बस्तुस्थितिबारे जानकारी गराउनु भएको थियो भने सोही क्रममा श्री इन्जिनियर विभागका प्राविधिक उपरथी श्री योगेन्द्र वहादुर खाणले अस्पतालको पुनःनिर्माण सम्बन्धी प्रतिवेदन प्रस्तुत गर्नु भएको थियो । उक्त अवसरमा श्री कल्याणकारी योजना निर्देशनालयका निर्देशक सहायक रथी श्री गौरव तण्डुल लगायतका रथीबृन्द तथा अधिकृतहरुका साथै उक्त अस्पतालका पदाधिकारीहरुको समेत उपस्थिति रहेको थियो निरीक्षणको क्रममा प्रधान सेनापति श्री क्षत्रीले आमविनाशकारी भूकम्प पश्चात घाइते तथा बिरामीहरुलाई पालमा नै भएपनि आप्mनो जिम्मेवारी निर्वाह गरी उपचार सेवा प्रदान गर्न सफल भएकोमा अस्पतालमा कार्यरत सबैको सराहना गर्नु भएको थियो ।

hospital coas111

सैनिक कल्याणकारी कोषद्धारा संचालित उक्त अस्पतालको भौतिक संरचना विनाशकारी भूकम्पको समयमा क्षतिग्रस्त भएको कारण अस्पतालले पालबाट नै बीरामीहरुलाई सेवा सुविधा प्रदान गर्दै आईरहेको छ । हाल उक्त अस्पतालको पुनःनिर्माण तथा मरामत कार्य भइरहेको छ ।

आसरा सुधार केन्द्रको १९औं बार्षिकोत्सव तस्वीर (5)

नेपाल प्रहरी

प्रहरी महानिरीक्षक उपेन्द्रकान्त अर्यालको प्रमुख आतिथ्यमा आसरा सुधार केन्द्र रानीवारीको १९औं बार्षिकोत्सव आज आयोजित एक समारोहबीच सम्पन्न भएको छ ।
उक्त अवसरमा प्रहरी महानिरीक्षक अर्यालले केन्द्रमा कार्यरत १२ जना प्रहरी कर्मचारीहरुलाई पुरस्कार तथा प्रशंसापत्र प्रदान गर्नुभयो ।
सो अवसरमा प्रहरी महानिरीक्षक अर्यालले नेपाल प्रहरी श्रीमती संघको सक्रियतामा संचालित केन्द्रले स्थापनाको १९औँ वार्षिक उत्सव मनाइरहँदा यसले गरेका कार्यहरुको पुनरावलोकन गर्दै वैज्ञानिक पद्धतिअनुसार संस्था संचालन गर्दै लैजानुपर्नेमा जोड दिनुभयो । लागूपदार्थ दुव्र्यसनमा युवापुस्ताहरु फस्ने क्रम भयावह रहेको बताउँदै यसको रोकथामका लागि केन्द्रले गम्भीर भएर अगाडि बढ्नुपर्नेसमेत उहाँले उल्लेख गर्नुभयो ।
लागूपदार्थ दुव्र्यसनले व्यक्ति मात्रै दुःखमा फस्ने नभई परिवार, आफन्त, समाज र राष्ट्रमासमेत प्रत्यक्ष असर पुग्ने भएकोले दुव्र्यसनमा फसेका व्यक्तिहरुलाई समाजमा पुर्नस्थापना गराउन केन्द्रले आगामी दिनमा अझ बढी क्रियाशिल भएर अगाडि बढ्ने विश्वाससमेत प्रहरी महानिरीक्षक अर्यालले व्यक्त गर्नुभयो । केन्द्रमा उपचारपछि समाजमा पुर्नस्थापित भई सफलताको विन्दूमा पुग्न उपचाररत सदस्यहरुलाई उहाँले सुझावसमेत दिनुभयो ।

आसरा सुधार केन्द्रको १९औं बार्षिकोत्सव तस्वीर (7)
समारोहमा धन्यवाद ज्ञापन गर्दै नेपाल प्रहरी श्रीमती संघकी अध्यक्ष श्रीमती रोशी अर्यालले केन्द्रलाई सहयोग तथा योगदान पु¥याउने आर्ट अफ लिभिङ, ब्रम्हकुमारी राजयोग र शान्तिको सन्देस संस्थाका प्रतिनिधि, केन्द्रका परामर्शदाताहरु, रोलमोडलसमेतलाई प्रशंसापत्र, कदरपत्र तथा पुरस्कार वितरण गर्नुको साथै केन्द्रबाट उपचारपछि घर गएका व्यक्तिलाई मायाको चिनोसमेत प्रदान गर्नुभयो ।

????????????????????????????????????

सशस्त्र प्रहरी बल

सशस्त्र प्रहरी बल युएन शान्ति स्थापना तालिम केन्द्र ककनीमा संचालित सि.सं.१९ प्राविधिक अधिकृत तथा अन्य दर्जा आधारभूत तालिम सम्पन्न भएको छ ।
सशस्त्र प्रहरी महानिरीक्षक कोषराज वन्तले त्यसअवसरमा असोज ११ गते सशस्त्र प्रहरी बल प्रधान कार्यालयमा आयोजित दिक्षान्त समारोहमा तालिमका उत्कृष्ट प्रशिक्षार्थीहरुलाई पुरस्कार प्रदान गर्नुभयो ।
सशस्त्र प्रहरी महानिरीक्षक वन्तले त्यसअवसरमा संगठनले स्थापनाकालदेखि नै प्राप्त जिम्मेवारीलाई व्यावसायीक कार्यकुशलताका साथ निर्वाह गर्दै आएको चर्चा गर्नुहुँदै सशस्त्र प्रहरी बल देश र जनताको हितमा क्रियाशिल रही लक्षित गन्तव्यतर्फ अगाडि बढिरहेको बताउनुभयो ।

????????????????????????????????????

उहाँले नागरिकको सेवा र सुरक्षामा सिघ्र परिचालित भई प्रभावकारी ढंगबाट कार्यसम्पादन गरिरहेको सशस्त्र प्रहरी बलप्रति नेपाली जनताको आस्था र भरोषामा अझै अभिबृद्धि हुने ढंगले व्यावसायीक कार्यमा समर्पित रहिरहनुपर्ने बताउनुभयो ।

Advertisements

रूपेश आचार्य

जालसाजी गरी आश्रित (डिपेन्डेन्ट) लाई अमेरिका पुर्‍याएको अभियोगमा केन्सास राज्यमा आठजना नेपाली विद्यार्थी पक्राउ परेका छन्। पक्राउ पर्ने सबै म्यानहटनस्थित केन्सास स्टेट युनिभर्सिटीका विद्यावारिधि (पीएचडी) का विद्यार्थी हुन्।
राज्यका न्यायाधिवक्ता ब्यारी ग्रिसमले विद्यावारिधि गरिरहेका नौजना नेपाली विद्यार्थीमाथि पाँच वर्षअघि आश्रितलाई अमेरिकी भिसा दिलाउन जालसाजी गरेको अभियोग लगाएका छन्। त्यसमध्ये एकजना भने दुई वर्षअघि नै नेपाल आइसकेका छन्। पक्राउ पर्नेमा ३३ वर्षीय महेन्द्र थापा, ४१ वर्षीय खेम आचार्य, ३७ वर्षीय राजकुमार दानी, ४१ वर्षीय लीलाबल्लभ पाण्डे, ३७ वर्षीय लक्ष्मण पोखरेल, ३८ वर्षीय केशर प्रसाईं ३२ वर्षीय गोविन्द पनेरू र ४३ वर्षीय नारायण चापागाईं छन्। अभियोग लगाइएका ३७ वर्षीय सन्तोष घिमिरेले भने अमेरिका छाडिसकेका छन्।

राज्यको न्यायाधिवक्ता कार्यालयबाट मंगलबार जारी अभियोगपत्रअनुसार सन् २००८ मा ती विद्यार्थीले आफ्नो आर्थिक हैसियतसम्बन्धी दस्तावेज तयार गर्दा जालसाजी गरेका थिए। ‘उनीहरूले आफ्ना सहपाठीसँगै रकम लिएर खातामा जम्मा गरे र बैंक खातामा रहेको रकम आफ्नै दाबी गर्दै त्यसैका आधारमा कागजपत्र निकाले’, अभियोगपत्रमा भनिएको छ, ‘भिसा पाएपछि उनीहरूले त्यो पैसा सहपाठीलाई फिर्ता गरे।’अभियोग प्रमाणित भएमा हरेक विद्यार्थीले फेडेरल जेलमा कम्तीमा १० वर्ष कारावास र दुई लाख ५० हजार अमेरिकी डलरसम्म जरिबाना तिर्नुपर्ने हुनसक्छ।

विद्यार्थीका आफन्तले भने उक्त कारबाहीप्रति दु:ख व्यक्त गरेका छन्। ‘पाँच वर्षअघि कलेज र अध्यागमनले सही ठह:याएर भिसा दिएको विषयमा अहिले कारबाही गर्नु दु:ख दिने नियत देखिन्छ’, पक्राउ परेका खेम आचार्यकी पत्नी सत्याले अन्नपूर्ण पोष्टसँग टेलिफोनमा भनिन्। खेम विश्वविद्यालयको रसायनशास्त्र विभागमा विद्यावारिधि गरिरहेका छन्।

सत्याका अनुसार खेम आफ्नो प्रयोगशालामा गएका बेला घरमा तीनजना प्रहरी आएर सोधखोज गरेका थिए। उनले प्रयोगशालामा भएको जानकारी गराएपछि प्रहरीले त्यहीं पुगेर पक्राउ गरेको थियो। प्रहरीले सोमबार खेमसहित चारजनालाई र बाँकीलाई मंगलबार पक्राउ गरेको थियो। अर्का विद्यार्थी अमर गोदारलाई पनि भिसा शंकास्पद भन्दै १५ दिनसम्म राज्यबाट बाहिर नजान र बोलाएको बेला आउन उर्दी जारी गरिएको सत्याले बताइन्।

खेमलाई दिइएको अभियोगपत्रमा उनका दुई सन्तान अमेरिका भित्र्याउँदा नक्कली आर्थिक कागजात पेस गरेको उल्लेख छ। सत्या भने विद्यार्थी भिसामै त्यहाँ पुगेकी हुन्। ‘प्रहरीले मेरो भिसाको स्थिति ठिकै भए पनि दुईजना बच्चाको भिसा अब काम नलाग्ने बताएका छन्’, सत्याले भनिन्, ‘मलाई एक महिनाभित्र बच्चा नेपाल छोडेर आउनुपर्ने अन्यथा बलपूर्वक पठाउने भन्दै कागज गर्न लगाए।’

नेपाली विद्यार्थीमाथि परेको यो संकट पन्छाउन विश्वविद्यालयले सहयोग गरिरहेको पनि सत्याले बताइन्। विश्वविद्यालयमा रसायनशास्त्र विभाग प्रमुख मार्टा र प्राध्यापक जाङको वेटले नेपाली विद्यार्थीलाई अध्यागमनविज्ञ कानुन व्यवसायी राखेर अघि बढ्न सुझाव दिएका छन्। अमेरिकाका लागि नेपाली राजदूत शंकर शर्माले भने अहिलेसम्म नेपाली विद्यार्थी पक्राउ परेको बारेमा आधिकारिक जानकारी नआएको बताए। दूतावासले यसबारे बुझ्न प्रयास गरिरहेको र आवश्यक परे सहयोग गर्ने पनि उनले बताए।
Detail @ http://annapost.com/mainnews/news238