Posts Tagged ‘aig ganga pandey’

Kathamndu: प्रधानसेनापति राजेन्द्र क्षत्रीले सोमबार अस्पताल पुगेर बिरामीसँग भलाकुसारी गरे । प्रहरी महानिरीक्षक उपेनद्रकान्त अर्यालले लागूऔषध पूर्नस्थापनमाका लागि आसरा केन्द्रमा रहेका दुब्र्यसनीको हौसला बढाए र सशस्त्र प्रहरी बलका महानिरीक्षक कोषराज वन्तले आधारभुत तालिम पुरा गरेका अधिकारीको दिक्षान्त समारोहमा पुगेर बलको सिद्धान्त र अनुशासनका बिषयमा निर्देशन दिए ।
तीनवटै सुरक्षा निकायमा रहेको सञ्चार हेर्ने निकायले प्रेषित गरेका बुलेटिन उनिहरुकै भाषामा जस्ताको त्यस्तै तर छोटकरीमा :

hospital coas

नेपाली सेना

आज मिति २०७२ आश्विन ११ गते प्रधान सेनापति महारथी श्री राजेन्द्र क्षत्रीले छाउनीस्थित नेपाली सेनाको श्री वीरेन्द्र अस्पतालको निरीक्षण भ्रमण गर्नु भएको छ ।
निरीक्षण भ्रमणको क्रममा प्रधान सेनापति श्री क्षत्रीले अस्पताल भित्र रहेको ईमरजेन्सी, ओपिडी, भिआईपि, आईसियु, आईटिसियु वार्ड लगायत रिपुमर्दिनी अक्सिजन प्लाण्टको साथै ट्रमा हलको समेत निरीक्षण भ्रमण गर्नु भएको थियो । निरीक्षणको क्रममा प्रधान सेनापति श्री क्षत्रीले बिरामीहरुसंग भेटघाट तथा कुराकानी समेत गर्नु भएको थियो ।

उक्त निरिक्षण भ्रमणको दौरान प्रधान सेनापति श्री क्षत्रीलाई श्री वीरेन्द्र अस्पतालका कमाण्डाण्ट प्राविधिक सहायक रथी डा. श्री राजिव पाण्डेले अस्पतालको बस्तुस्थितिबारे जानकारी गराउनु भएको थियो भने सोही क्रममा श्री इन्जिनियर विभागका प्राविधिक उपरथी श्री योगेन्द्र वहादुर खाणले अस्पतालको पुनःनिर्माण सम्बन्धी प्रतिवेदन प्रस्तुत गर्नु भएको थियो । उक्त अवसरमा श्री कल्याणकारी योजना निर्देशनालयका निर्देशक सहायक रथी श्री गौरव तण्डुल लगायतका रथीबृन्द तथा अधिकृतहरुका साथै उक्त अस्पतालका पदाधिकारीहरुको समेत उपस्थिति रहेको थियो निरीक्षणको क्रममा प्रधान सेनापति श्री क्षत्रीले आमविनाशकारी भूकम्प पश्चात घाइते तथा बिरामीहरुलाई पालमा नै भएपनि आप्mनो जिम्मेवारी निर्वाह गरी उपचार सेवा प्रदान गर्न सफल भएकोमा अस्पतालमा कार्यरत सबैको सराहना गर्नु भएको थियो ।

hospital coas111

सैनिक कल्याणकारी कोषद्धारा संचालित उक्त अस्पतालको भौतिक संरचना विनाशकारी भूकम्पको समयमा क्षतिग्रस्त भएको कारण अस्पतालले पालबाट नै बीरामीहरुलाई सेवा सुविधा प्रदान गर्दै आईरहेको छ । हाल उक्त अस्पतालको पुनःनिर्माण तथा मरामत कार्य भइरहेको छ ।

आसरा सुधार केन्द्रको १९औं बार्षिकोत्सव तस्वीर (5)

नेपाल प्रहरी

प्रहरी महानिरीक्षक उपेन्द्रकान्त अर्यालको प्रमुख आतिथ्यमा आसरा सुधार केन्द्र रानीवारीको १९औं बार्षिकोत्सव आज आयोजित एक समारोहबीच सम्पन्न भएको छ ।
उक्त अवसरमा प्रहरी महानिरीक्षक अर्यालले केन्द्रमा कार्यरत १२ जना प्रहरी कर्मचारीहरुलाई पुरस्कार तथा प्रशंसापत्र प्रदान गर्नुभयो ।
सो अवसरमा प्रहरी महानिरीक्षक अर्यालले नेपाल प्रहरी श्रीमती संघको सक्रियतामा संचालित केन्द्रले स्थापनाको १९औँ वार्षिक उत्सव मनाइरहँदा यसले गरेका कार्यहरुको पुनरावलोकन गर्दै वैज्ञानिक पद्धतिअनुसार संस्था संचालन गर्दै लैजानुपर्नेमा जोड दिनुभयो । लागूपदार्थ दुव्र्यसनमा युवापुस्ताहरु फस्ने क्रम भयावह रहेको बताउँदै यसको रोकथामका लागि केन्द्रले गम्भीर भएर अगाडि बढ्नुपर्नेसमेत उहाँले उल्लेख गर्नुभयो ।
लागूपदार्थ दुव्र्यसनले व्यक्ति मात्रै दुःखमा फस्ने नभई परिवार, आफन्त, समाज र राष्ट्रमासमेत प्रत्यक्ष असर पुग्ने भएकोले दुव्र्यसनमा फसेका व्यक्तिहरुलाई समाजमा पुर्नस्थापना गराउन केन्द्रले आगामी दिनमा अझ बढी क्रियाशिल भएर अगाडि बढ्ने विश्वाससमेत प्रहरी महानिरीक्षक अर्यालले व्यक्त गर्नुभयो । केन्द्रमा उपचारपछि समाजमा पुर्नस्थापित भई सफलताको विन्दूमा पुग्न उपचाररत सदस्यहरुलाई उहाँले सुझावसमेत दिनुभयो ।

आसरा सुधार केन्द्रको १९औं बार्षिकोत्सव तस्वीर (7)
समारोहमा धन्यवाद ज्ञापन गर्दै नेपाल प्रहरी श्रीमती संघकी अध्यक्ष श्रीमती रोशी अर्यालले केन्द्रलाई सहयोग तथा योगदान पु¥याउने आर्ट अफ लिभिङ, ब्रम्हकुमारी राजयोग र शान्तिको सन्देस संस्थाका प्रतिनिधि, केन्द्रका परामर्शदाताहरु, रोलमोडलसमेतलाई प्रशंसापत्र, कदरपत्र तथा पुरस्कार वितरण गर्नुको साथै केन्द्रबाट उपचारपछि घर गएका व्यक्तिलाई मायाको चिनोसमेत प्रदान गर्नुभयो ।

????????????????????????????????????

सशस्त्र प्रहरी बल

सशस्त्र प्रहरी बल युएन शान्ति स्थापना तालिम केन्द्र ककनीमा संचालित सि.सं.१९ प्राविधिक अधिकृत तथा अन्य दर्जा आधारभूत तालिम सम्पन्न भएको छ ।
सशस्त्र प्रहरी महानिरीक्षक कोषराज वन्तले त्यसअवसरमा असोज ११ गते सशस्त्र प्रहरी बल प्रधान कार्यालयमा आयोजित दिक्षान्त समारोहमा तालिमका उत्कृष्ट प्रशिक्षार्थीहरुलाई पुरस्कार प्रदान गर्नुभयो ।
सशस्त्र प्रहरी महानिरीक्षक वन्तले त्यसअवसरमा संगठनले स्थापनाकालदेखि नै प्राप्त जिम्मेवारीलाई व्यावसायीक कार्यकुशलताका साथ निर्वाह गर्दै आएको चर्चा गर्नुहुँदै सशस्त्र प्रहरी बल देश र जनताको हितमा क्रियाशिल रही लक्षित गन्तव्यतर्फ अगाडि बढिरहेको बताउनुभयो ।

????????????????????????????????????

उहाँले नागरिकको सेवा र सुरक्षामा सिघ्र परिचालित भई प्रभावकारी ढंगबाट कार्यसम्पादन गरिरहेको सशस्त्र प्रहरी बलप्रति नेपाली जनताको आस्था र भरोषामा अझै अभिबृद्धि हुने ढंगले व्यावसायीक कार्यमा समर्पित रहिरहनुपर्ने बताउनुभयो ।

Advertisements

deepak kharel
दीपक खरेल

गृह मन्त्रालयबाट नियमावली संशोधन हुने सम्भावना नरहेपछि प्रहरी महानिरीक्षक कुबेरसिंह राना सहितको प्रहरी उच्च नेतृत्व अदालतमा बिचाराधीन मुद्धाको फैसला आफु अनुकुल बनाउने प्रयत्नमा जुटेको छ । फलस्वरुप प्रहरी महानिरीक्षक राना र मानव स्रोत विकास विभागका अतिरीक्त महानिरीक्षक गंगा पाण्डेले साउन १६ गते सर्वोच्चमा पेशी तोकिएको एकदिन अघि आरुबारीस्थित कायममुकायम प्रधानन्यायधीश दामोदरप्रसाद शर्माको निजी निवासमा भेटेर २ घण्टा भलाकुसारी गरेका हुन । सोही दिन मुद्धामा बहस गर्ने कानुन ब्यवसायीका लागि बबरमहलस्थित रिभिजिटेड रेष्टुरेन्टमा प्रहरी नेतृत्वले दिवा भोजको समेत आयोजना गरेको थियो । प्रहरी महानिरीक्षक रानाले कायममुकायम प्रधान न्यायधीशसँग कुनै भेटघाट नभएको बताए । भेटका सम्बन्धमा रानाले अफवाह फैलाउने काम भएको भन्न पछि परेन्न । तर रानासँगै कायममुकायम प्रधानन्यायधीश शर्मालाई भेटेका अतिरीक्त महानिरीक्षक पाण्डेले रानाले घर नदेखेकाले उनलाई लिएर आरुबारी पुगेको बताए । पाण्डेले मुद्धाका बिषयमा नभई न्यायीक प्रहरीका लागि आवश्यक भौतिक सामाग्रीका बिषयमा छलफल भएको जानकारी दिए । कानुन ब्यवसायी मेघराज पोखरेलले प्रहरी नेतृत्वले आयोजना गरेको दिवा भोजमा सहभागी नभएको बताए । उनले हास्दै भने ‘ तपाईहरु पनि के के सोध्नु हुन्छ । सर्वोच्चमा परेको रिट निवेदनको साउन १७ गते पेशी तोकिएको थियो । सर्वोच्चका न्यायधीश कल्याण श्रेष्ठ सहित अन्य चार जनाको पूर्ण इजलासमा तोकिएको पेशी अन्तिम समयमा हेर्न नभ्याइने भन्दै अघिल्लो पेशी साउन ३२ गते तोकिएको हो ।
अदालतमा बिचाराधीन रहेको मुद्धाका लागि प्रहरी कै निरीक्षक र नायव निरीषकलाई मोहरा बनाएर प्रहरीको उच्च नेतृत्व पदमा बसिरहने उपायको खाृजीमा जुटेको हो । प्रहरी उच्च नेतृत्वको यसकार्यमा भबिष्यमा फाईदा पुग्ने र नेतृत्व पदमा बस्दा लाभ पाईरहेका प्रहरी अधिकारीले समेत साथ दिएका हुन ।
नेपाल प्रहरीमा बिद्यमान ३० बर्षे सेवा अवधी खारेज गर्न सर्वोच्च अदालतमा परेको रिट निवेदनका मुख्य निवेदकले खासै चासो नदिए पनि सेवा अवधी लम्ब्याउन लालयित प्रहरी नेतृत्वकै खर्चमा मुद्धा जोडतोडका साथ अगाडी बढदैछ । नेपाल प्रहरीका तात्कालीन अतिरीक्त महानिरीक्षकहरु मदनबहादुर खडका, नरेश गुरुङ, कल्याणकुमार तिम्सिना, किरणकुमार गौतम, प्रकास कुँवर र अर्जुनजँग शाही प्रहरी उपरिक्षक, गिता उप्रेती, नायव उपरिक्षक राधिका खडका, प्रहरी निरीक्षक जगन्नाथ खनाल र नायव निरीक्षकद्धय नविन कुमार वानिया र किशार नेपालले पेश गरेको रिट निवेदनलाई खास चाँसोका साथ अगाडी बढाइएको हो । रिट निवेदक मध्यका प्रहरी निरीक्षक जगन्नाथ खनाल र नायव निरीक्षक किशोर नेपाल मात्र प्रहरी सेवामा रहेका बेला काठमाडौं कै महँगा कानुन ब्यवसायीले बहस गर्ने ब्यवस्था सहित साउन ३२ गते सर्वोच्चको पूर्ण इजलासमा मुद्धाको पेशी तोकिएको छ । अदालत स्रोतका अनुसार शुक्रबार हुने इजलासमा हेर्न नमिल्ने बाहेक पाँच जना न्यायधिसको इजलासमा मुद्धा पेश हुने छ ।
सर्वोच्च अदालतमा तात्कालिन अतिरीक्त महानिरीक्षक मदन खडका सहित अवकासको संघारमा रहेका ११ जना प्रहरी अधिकारीले ३० बर्षे सेवा अवधी खारेज हुनुपर्ने माग सहित नयाँ ब्यवस्था नभएसम्म पदमा बसिरहन अन्तरीम आदेशको माग राख्दै रिट निवेदन पेश गरेका थिए । सर्वोच्चले रिट निवेदनमा अन्तरीम आदेश गर्नुपर्ने अवस्था नभएको भन्दै पूर्ण इजलासले फैसला गर्ने आदेश गत भदौ २५ गते गरेको हो । त्यसपछि रिट निवेदक मध्यका सबै एआइजीले अनिवार्य अवकास पाएका छन भने केही समयपछि उप्रेती, खडका र बानियाले अवकास पाएका थिए । एक जना प्रहरी निरिक्षक र नायव निरीक्षक मात्र हाल सेवामा रहेका छन भने प्रमुख रिट निवेदक मदन खडका अदालतमा बिचाराधीन मुद्धामा आफुले चासो राख्नुपर्ने कुनै कारण नभएको बताउछन । रिट निवेदक मध्यकै अर्का प्रकास कुँवरले त निवेदन फिर्ता लिने मनसायमा रहेको बताइरहदा शहरकै महँगा ११ जना कानुन ब्यवसायी शुक्रबार हुने मुद्धाको बहसको तयारीमा छन । रिट निवेदनको सुरुवाती चरण देखी नै मुद्धा हेरीरहेका अधिवक्ता मेघराज पोखरेललाई मुद्धाको सम्पूर्ण चाँजोपाजो मिलाउने जिम्मेबारी दिईएको छ ।रिट निवेदक मध्यका सई किशोर नेपाल हाल प्रहरी मिसनमा देश बाहिर छन । सर्वोच्च अदालतमा मुद्धाका सम्बन्धमा भएका सम्पूर्ण कागजी प्रकृयामा सई नेपाल र बारेस इश्वर अधिकारीको हस्ताक्षर रहेको छ । मुद्धा हेरिरहेका कानुन ब्यवसायी मेघराज पोखरेलले मुद्धाका सम्बन्धमा बहालमा रहेका केही एआइजीले चासो ब्यक्त गरेको बताए । ‘ मुद्धामा के हुदैछ भनेर चाँसो राख्नु भएको छ, स्वभाविक हो ’ पोखरेलले भने । अदालतको सम्पूर्ण खर्च रिट निवेदकले बहोरीरहेको दाबी पोखरेलले गरे ।
प्रमुख रिट निवेदक पूर्व अतिरीक्त महानिरिक्षक मदन खडकाले आफुहरुले अवकास पाँउना साथ अदालती प्रकृयामा पूर्ण बिराम लगेको बताउदै भने ‘ स्टे अर्डर आएन, त्यपछि हामीले कुनै चाँसो दिएका छैनौ, च्यापटर नै क्लोज भयो’। अर्का रिट निवेदक पूर्व अतिरीक्त महानिरीक्षक प्रकाश कुँवरले सबै भेला हुने अवसर जुटेमा रिट निवेदन फिर्ता लिने मनसायमा रहेको बताए । उनले भने ‘ अहिलेका बहालवालाले बिशेष चाँसो दिएका छन, हामी त मुद्धा फिर्ता लिने मनसायमा छौ, सबै भेला हुने अवसर जुटेको छैन ।’ त्यस्तै रिट निवेदक मध्य कै पूर्व नायव उपरिक्षक राधिका खड्काले कसैले आफुलाई सम्पर्क नगरेको बताइन ।
बिवादको चुरो
प्रहरी संगठन भित्र तुलनात्मक रुपमा इमान्दार र ब्यवसायीक प्रहरीको छबी बनाएका महानिरीक्षक रानाका पक्षमा लबिङ गर्ने प्रहरी अधिकृत नै यतिवेला खुलेर उनको बिरोधमा लागेका छन । प्रहरी नियामावली अनुसार ३० बर्षे सेवा अवधी रहिरहेमा राना सहित हालका ५ जना अतिरीक्त महानिरीक्षकले कार्तिक २९ गते अनिवार्य अवकास पाउने छन । एआइजी बिनोद सिंह उमेर हदका कारण भदौ मै अवकास पाउदै छन । प्रहरीको अहिलेको उच्च नेतृत्व अवकास अघि नै नियमावलीमा संशोधन वा अदालती निर्णयबाट सेवा अवधी लक्ब्याउने पक्षमा छ । यसो गरेमा प्रहरी महानिरिक्षकका प्रमुख दावेदार मानिएको २०४३ सालमा प्रहरी सेवामा प्रवेश गरेका र २०६६ सालमा डिआइजीमा बढुवा पाएका सबै घर जाने छन । प्रहरी सेवामा २०४३ सालमै प्रहरी निरीक्षकका रुपमा सेवा प्रवेश गरेको तर डिआइजी बढुवामा पछाडी रहेको अर्कौ समुह आइजीपीको दावेदार हुने छ । स्रोतका अनुसार अहिलेको उच्च नेतृत्वले उमेर हद र सेवा अवधी दुबै प्रावधान हटाएर पदावधीमात्र कायम राख्ने लबिङमा लागेको हो । सर्वोच्च अदालतमा परेको रिट निवेदनमा समेत अन्य निजामती सेवा र सैनिक सेवा जस्तै पदावधी मात्र राख्न माग गरिएको छ ।

अदालतको आदेश

मदन खडका सहित ११ जना प्रहरी अधिकारी सर्वोच्च अदालतमा २०६९ साल भदौं १ गते दिएको रिट निवेदनमा प्रधानमन्त्री तथा मन्त्री परिषदको कार्यालय, गृह मन्त्रालय, प्रहरी प्रधान कार्यालय तथा कानुन मन्त्रालयलाई बिपक्षी बनाइएको छ । निवेदन उपर भएको सुनवाईमा २०६९ भदौ ६ गते न्यायधीश ताहिरअलि अन्सारीको एकल इजलासले कारण देखाउ आदेश दिदै अन्तरीम आदेशका लागि छलफलका लागि बोलाएको थियो । भदौ २५ गते न्यायधीश त्रय दामोदरप्रसाद शर्मा, तर्कराज भट्ट र ज्ञानेन्द्रबहादुर कार्कीको संयुक्त इजलासले २०५९ सालमा सोही बिषयमा परेको केशव खरेलको रिटमा सर्वोच्च अदालतले गरेको फैसलालाई आधार मान्दै अन्तरीम आदेश जारी गर्न नमिल्ने फैसला सहित पूर्ण इजलासमा लैजान आदेश दिएको थियो । त्यसयता सुसुप्त रहेको मुद्धा एकाएक जेठ ३० गतेका लागि पेशीमा चढेको थियो । त्यस्दिन हेर्न नभ्याइने भनियो र साउन १७ गतेको पेशी पनि हेर्न नभ्याइने नै भनियो । शुक्रबार तोकिएको पेशीमा रिट निवेदकका तर्फबाट बहस हुने छ ।