Tuesday, 24 May 2022 | २०७९ जेठ १०, मङ्गलबार

बुटवलमा हत्या गरेर शव लुकाउन बागलुङ लगेपछि..


 
बुधबार दिउँसो बागलुङ जिल्लाको ढोरपाटन नगरपालिका–२ रिनाम भन्ने स्थानमा गाडिएको अवस्थामा प्रहरीले वेवारिसे अधबैँसे पुरुषको शव फेला पा¥यो । घटनाको प्रकृति हेर्दा हत्या गरेर गाडेको हुन सक्ने भन्दै बागलुङ प्रहरीले अनुसन्धानलाई बुधबारबाटै अगाडि बढायो । 

 

शवको पहिचान नभएका कारण प्रहरीले देशभर सम्पर्कविहीन भएका मानिसको अवस्थाको विषयमा बुझ्न थाल्यो । प्रहरीलाई मृतकले लगाएको कपडाभित्रका कागजातले अनुसन्धानमा निकै सहज बनायो ।          

 

वेवारिसे शवका विषयमा सबैतिर जानकारी गराउँदा बुटवलबाट एक युवक चैत्र ४ गतेदेखि हराएको सूचना बागलुङ प्रहरीमा आएपछि अनुसन्धानको दायरा साँघुरिँदै आयो । बुटवलमा हराएको युवाका आफन्त बिहीबार बागलुङ आएपछि अन्ततः शवको पहिचान खुल्यो ।

 

ढोरपाटन–२ रिनाममा गाडिएको अवस्थामा फेला परेको शव नवलपरासी जिल्लाको देवचुली नगरपालिका–३ केवरानीका नारायण बस्यालको रहेको जिल्ला प्रहरी कार्यालय बागलुङका सूचना अधिकारी तथा प्रहरी नायब उपरीक्षक इकवाल हवारीले जानकारी दिए ।  बुटवलमा व्यवसाय गर्दै आएका बसेल चैत ४ गते रातिदेखि सम्पर्कविहीन भएका थिए ।

 

‘प्रारम्भिक अनुसन्धानबाट बुटवलमा हत्या गरी शव लुकाउन बागलुङ ल्याएको देखिन्छ,’ सूचना अधिकारी हवारीले भने, ‘शवसँगै भएको व्यावसायिक कागजातका आधारमा अनुसन्धान गर्दा व्यवसायमा साझेदारी गर्दै आएका ढोरपाटन–२ रिनाम घर भई बुटवलमा बस्यालसँगै व्यवसाय गर्ने मित्रलाल खनाललाई इलाका प्रहरी कार्यालय बुटवले बिहीबार पक्राउ गरेको छ, आर्थिक लेनदेनका कारण हत्या गरेको स्वीकार गरे पनि एक्लैले हत्या गरी शव बागलुङ ल्याउन मुस्किल हुन्छ, थप अनुसन्धान भइरहेको छ ।’

 

हवारीका अनुसार बुटवल प्रहरी र बागलुङ प्रहरीले समन्वयमा अनुसन्धान गरिरहेका छन् । अन्य मानिससमेत शंकाको घेरामा रहेको उनले बताए । हत्यामा संलग्न एक जना फरार छन् ।     

   

‘हत्यामा कुनै पेशेवर अपराधीसमेत संलग्न भएको हुनसक्छ, बुटवलमा हत्या गरी शव सुटकेसमा राखेर बस चढेर बागलुङस्थित ढोरपाटन–२ रिनाम ल्याएर गाडेको अनुसन्धानबाट देखिन्छ,’ उनले भने, ‘हत्या सुनियोजित भएको हुँदा एक्लैले सम्भव देखिँदैन, अन्य कुरा थप अनुसन्धाबाटै खुल्ला ।’ साझेदारीमा व्यवसाय गर्दा आर्थिक विवाद भएकाले हत्या गरेर शव लुकाउन बागलुङ ल्याएको प्रारम्भिक अनुसन्धानबाट खुलिसकेको छ ।     

 

बुटवलबाट बसको डिक्कीमा सुटकेसभित्र शव राखेर बागलुङको ढोरपाटन ल्याउनु भनेको निकै जटिल भएकाले हत्यारा निकै चलाख र पेशेवरसमेत भएको देखिन्छ । गाडिएको अवस्थामा फेला परेको बेवारिसे शव दुर्घन्धित हुँदै गएपछि स्थानीयवासीले प्रहरीलाई खबर गरेपछि घटना बाहिर आएको हो । 

प्रतिक्रिया

2
  • Haztsz

    फाल्गुण ३, २०७८

    generic cialis 5mg - cheap tadalafil pills real cialis

  • TauhHomma

    चैत २२, २०७८

    https://oscialipop.com - cialis without a prescription Cvs Propecia Hair Growth Furthermore men with CPCPPS are more likely to suffer from neurologic and psychiatric conditions then control patients Pontari et al soft tab cialis Nerbdk Snow BristolMyers Squibb Centers for Disease Control and Prevention Novo Nordisk Merck Vaccines Boehringer Ingelheim Wyeth Sanofi Pasteur P. https://oscialipop.com - Cialis Baclofene 10 Mg Lzvwmw

प्रतिकृया थप्नुहोस्
  • Haztsz

    फाल्गुण ३, २०७८

    generic cialis 5mg - cheap tadalafil pills real cialis

  • TauhHomma

    चैत २२, २०७८

    https://oscialipop.com - cialis without a prescription Cvs Propecia Hair Growth Furthermore men with CPCPPS are more likely to suffer from neurologic and psychiatric conditions then control patients Pontari et al soft tab cialis Nerbdk Snow BristolMyers Squibb Centers for Disease Control and Prevention Novo Nordisk Merck Vaccines Boehringer Ingelheim Wyeth Sanofi Pasteur P. https://oscialipop.com - Cialis Baclofene 10 Mg Lzvwmw

प्रतिकृया थप्नुहोस्
सम्बन्धित समाचार सबै