भारतमा संक्रमणको चपेटामा नेपाली, ६० हजारलाई तत्काल उद्धार गर्नुपर्ने

भारतस्थित नेपाली दूतावासले कोरोना भाइरस संक्रमणको चपेटामा परेका ६० हजार नेपालीलाई तत्काल भारतबाट उद्धार गर्नुपर्ने आवश्यक रहेको बताएको छ । 

दिल्लीस्थित नेपाली दूतावासका अनुसार भारतका मुख्य शहर दिल्ली र मुम्बईमा ३० हजारभन्दा धेरै नेपाली अलपत्र परेका छन् । त्यहाँ लकडाउन लागु हुँदा नेपालीहरुको जनजीवन झनै सकसपूर्ण बन्न थालेको छ । 

दिल्ली, मुम्बईसँगै गुजरात, महाराष्ट्र, पन्जाब, चेन्नई र राजस्थान लगायत स्थानबाट ६० हजारभन्दा धेरै नेपालीले अलपत्र परेको र आफूहरुलाईं नेपाल फर्किने वातावरण बनाईंदिन आह्वान गरेको दूतावासका उपनियोग प्रमुख भरतराज रेग्मीले बताए । 

उनीहरूको अवस्थाबारे नेपाल र भारत सरकारसँग छलफल भईंरहेको रेग्मीले बताए । 

सबैभन्दा बढी मार दिल्ली र मुम्बईंमा रहेका नेपालीहरुलाईं परेको छ । दिल्लीमा मात्रै संक्रमणबाट ३ हजारभन्दा धेरै नेपाली उपचारत रहेको र त्यहाँ २० जनाकाे  ज्यान गइसकेकाे नेपाली हकहितका लागि काम गर्दै आएको स्थानीय संस्था मिसन नेपालले जनाएको छ ।

यस्तै मुम्बईमा समेत कोरोना लागेर २ हजारभन्दा धेरै नेपाली नागरिक अस्पताल भर्ना भएको संस्थाले जनाएको छ ।