Tuesday, 24 May 2022 | २०७९ जेठ १०, मङ्गलबार

ट्रम्पका अध्यागमन नीति उल्टाउन बाइडेनका तीन कार्यकारी आदेश


ट्रम्पकालिन कठोर अध्यागमन नीतिलाई उल्टाउने लक्ष्यका साथ अमेरिकी राष्ट्रपति जो बाइडेनले तीनवटा कार्यकारी आदेश जारी गरेका छन् । 

 

एउटा कार्यकारी आदेश मार्फत सिमाक्षेत्रमा बिछोडिएका परिवारको पुनर्मिलनको लागि टास्क फोर्स बनाइएको छ । जसको नेतृत्व डिपार्टमेन्ट अफ होमल्याण्ड सेक्युरिटीका सेक्रेटरी अलेहान्द्रो मेयरकासले गर्नेछन् ।

 

टास्क फोर्सले बिछोडिएका बुबाआमा र बालबालिका पत्ता लगाउनका लागि अमेरिकी सरकार, सरोकारवालाहरु, प्रभावित परिवारका प्रतिनिधिहरु लगायतसँग समन्वय गर्नेछ ।

 

सेन्ट्रल अमेरिकन माइनर कार्यक्रम लगायतका अध्यागमनबारेका कार्यक्रमहरुको पुनरावलोकन गर्न दोस्रो कार्यकारी आदेश जारी गरिएको छ । 
ओबामाकालमा सुरु भएको यो कार्यक्रमले बिछोडिएका बालबालिकालाई अमेरिकामा रहेका परिवारसँग मिलनका लागि अनुमति दिन्छ । ट्रम्पले यो कार्यक्रम सन् २०१७ मा खारेज गरेका थिए ।

 

तेस्रो कार्यकारी आदेशले विदेश मन्त्रालय, न्याय मन्त्रालय र गृह मन्त्रालयलाई ट्रम्पकालमा लागु गरिएका अध्यागमनबारेका नीति र निर्देशिकाको पुनरावलोकनका लागि निर्देशन दिएको छ । 

 

कानूनी अध्यागमन प्रणालीमा अवरोध गर्ने सबै नीतिका साथै पब्लिक चार्जको नीतिबारे पनि पुनरावलोकनका लागि निर्देशन दिइएको छ ।
 

प्रतिक्रिया

सम्बन्धित समाचार सबै