Tuesday, 24 May 2022 | २०७९ जेठ १०, मङ्गलबार

दिल्लीमा कोठी चलाउने नुवाकोटकी चमेली पक्राउ


मानव बेचबिखन अपराधमा संलग्न रही फरार एक महिलालाई प्रहरीको मानव बेचबिखन अनुसन्धान ब्युरोको टोलीले पक्राउ गरेको छ । नुवाकोटको दुप्चेश्वर नगरपालिका–२ घर भएकी चमेली र सीता भन्ने ६२ वर्षीया रुकमाया तामाङलाई २३ फागुनमा पक्राउ गरिएको हो ।

 

तामाङले भारतको नयाँ दिल्लीस्थित जि.बी. रोड ५६ नं.गल्लीमा कोठी  चलाउँदै आएको ब्युरोले जनाएको छ । ब्युरोबाट खटिएको प्रहरी टोलीले जिल्ला प्रहरी कार्यालय नुवाकोटको सहयोगमा विदुर नगरपालिकाबाट उनलाई पक्राउ गरेको हो । 

 

जिल्ला अदालत काठमाडौंबाट ७ दिनको म्याद लिई उनीमाथि थप अनुसन्धान भइरहेको ब्युरोले जनाएको छ । 

 

आफूलाई जबर्जस्ती वेश्यावृत्तिमा लगाएको भन्दै एक महिलाले तामाङविरुद्ध उजुरी दर्ता गरेकी थिइन् । उनका अनुसार तामाङको सहयोगीले चितवनमा चिनजानको मानिसको घरमा काम लगाइदिन्छु भनी नयाँदिल्लीस्थित तामाङको कोठीमा लगेर बेचेका थिए ।

 

आफूलाई बेहोस हुने औषधि मिसिएको पानी खुवाई काठमाडौंबाट दिल्ली पु¥याइएको जाहेरीकर्ताको भनाइ छ । त्यसपछि तामाङले बन्धक बनाई राखी वेश्यावृत्तिमा लगाएको उजुरीमा उल्लेख छ । उक्त घटनामा संलग्न अन्य प्रतिवादीहरुको पनि खोजी भइरहेको ब्युरोले जनाएको छ ।
 

प्रतिक्रिया

सम्बन्धित समाचार सबै