धनुषाका मातपोत अधिकृतविरुद्ध भ्रष्टाचार मुद्दा 

भूमिसुधार तथा मालपोत कार्यालय, जनकपुरधाम, धनुषाका निमित्त कार्यालय प्रमुख (मालपोत अधिकृत) सुनिल कुमार झाविरुद्ध अख्तियार दुरुपयोग अनुसन्धान आयोगले भ्रष्टाचारको मुद्दा दायर गरेको छ।

सेवाग्राहीसँग ५ लाख घुस माग गरेको भन्ने सूचना तथा उजुरी निवेदनको आधारमा खटिएको अख्तियारको टोलीले चैत २८ गते झालाई घुस लिइसकेपछि पक्राउ गरेको थियो । 

अख्तियारका अनुसार उनले जग्गासम्बन्धी हक मुद्दामा फैसला गरिदिन्छु भनी सेवाग्राहीसँग घुस लिएका थिए ।

अख्तियारले झामाथि काठमाडौंस्थित विशेष अदालतमा ५ लाख बिगो र कानुनबमोजिम कारबाहीको माग गर्दै विशेष अदालत काठमाडौंमा मुद्दा दायर गरेको छ ।