Tuesday, 24 May 2022 | २०७९ जेठ १०, मङ्गलबार

नेशनल डिफेन्स कोर्सका लागि छनौट भएका यी हुन् एक सहायक रथीसहित १३ महासेनानी 

नेपाली सेनाकाे मुख्यालय । फाइल फाेटाे ।

नेपाली सेनामा उपरथी (मेजर जनरल) बढुवाका लागि अनिबार्य गरिएको नेशनल डिफेन्स कोर्सका लागि विश्वका ७ देशमा एक सहायक रथी (ब्रिगेडियर जर्नेल) सहित १३ महासेनानी (कर्णेल) अध्यनरत रहेका छन् । 

 

 

नेपाली सेनाका सहायक रथी दिपेशजंग शाहसहित १३ जना महासेनानीहरुले नेशनल डिफेन्स कोर्स गरिरहेका हुन् । नेपाली सेनाको नेशनल डिफेन्स विश्वबिद्यालय निर्माणाधिन रहेको छ । तर, सेनामा उपरथीसहित माथिल्लो तहसम्म बढुवाका लागि नेशनल डिफेन्स कोर्स अनिबार्य छ । 

 

 

नेपाली सेनाले यसका लागि विगतदेखि नै अन्तर्राष्ट्रिय कोटामा आफ्ना सैन्य अधिकारी पठाउँदै आएको छ । 

 

 

सैनिक स्रोतका अनुसार चीनले पछिल्लो दुईवर्षदेखि कोभिड महामारीको कारण देखाउँदै नेशनल डिफेन्स कोर्सका लागि कोटा पठाएको छैन् । बाँकी सातदेशले आफ्नो नियमित कोटामा नेपाली सैन्य अधिकारीहरुलाई कोर्स गराइरहेको छ । 

 

 

सैनिक मुख्यालय स्रोतका अनुसार यसपटक अमेरिकामा महासेनानीद्धय मनोज थापा र द्रब्य भण्डारीले नेशनल डिफेन्स कोर्स गरिरहेका छन् । उनीहरु यसैबर्षको सुरुवातमै त्यसतर्फ गएका हुन् । 

 

 


यस्तै बेलायतमा सहायक रथी दिपेश जंग शाह कोर्स गरिरहेका छन् । उनी २९ बेसिकका सैन्य अधिकारी हुन् । सहायक रथी मधुकरजंग कार्की अघिका यी अधिकारी समेत सेनाको उच्च तहमा पुग्ने अधिकृतका रुपमा लिइन्छ । 

 

 

यस्तै भारतमा महासेनानीहरु पूर्ण खत्री, पवन खत्री, सोवेन्द्र महत र प्रकाश थापाले नेशनल डिफेन्स कोर्स गरिरहेका छन् । पाकिस्तानमा महासेनानीद्धय प्रकाश थापा र शक्तिजंग बस्नेत  र बंगलादेशमा महासेनानी राजेन्द्रमणि गिरीले नेशनल डिफेन्स कोर्स  गरिरहेका छन् । 

 

 

पछिल्लो पटक थपिएको केन्याको कोटामा महासेनानी जगत पौडेल र नाइजेरियामा महासेनानीद्धय मनोज बैद्य र लिला खनालले नेशनल डिफेन्स कोर्स गरिरहेका हुन् । 

 

 

सैनिक मुख्यालय जंगी अड्डाले लिने परिक्षामा मेरिट लिस्ट अनुसार क्रमसंख्यामा अघि हुनेबाट देश अनुसार नेशनल डिफेन्स कोर्समा पठाउने निर्देशिका बनेको छ । सोही अनुसार यसवर्षका लागि डिफेन्स कोर्सका लागि सैन्य अधिकारीहरुको छनौट भएको हो । 

प्रतिक्रिया

सम्बन्धित समाचार सबै