सियाचिनमा गएको हिमपहिरोमा परि दुई भारतीय सैनिकको मृत्यु, ५०-५० लाख दिईने

भारत, पाकिस्तान र चिनिया बोर्डर क्षेत्रमा पर्ने सियाचिन क्षेत्रमा आइतबार भएको हिम पहिरोमा परि दुई जना भारतीय सेनाको ज्यान गएको छ । 

यो घटना आइतबार दिउसो करिब एक बजेतिर हनिफ सब सेक्टर क्षेत्रमा भएको थियो । हिम पहिरोमा परेका दुवै सैनिकलाई साँझ ७ बजे निकालिएको थियो । त्यसबेलासम्म उनीहरुको मृत्यु भइरहेको थियो । 

हिम पहिरोमा परेका अन्य सैनिक र भरियाहरुको स्थिति स्थिर रहेको र उनीहरु खतराबाट बाहिर रहेको भारतीय सेनाले जनाएको छ । 

कराकोरम हिम शृंखलाको करिब २० हजार फिट उचाईमा रहेको सियाचिन ग्लेसियर विश्वकै सबैभन्दा उचो स्थानमा रहेको सैन्य क्षेत्र मानिन्छ । 

हिम शृंखलाको सुचना पाउने बित्तिकै सेनाको बचाउ टोली पुगेको थियो । हिउले पुरिएका दुई सैनिकलाई धेरै प्रयासका बाबजुद साँझ ७ बजेसम्म निकाल्न सकिएको थिएन । 

पन्जाबका मुख्यमन्त्री केप्टेन अमरिंदर सिंहले २१ पंजाब रेजिमेन्टका मृतक सैनिकका परिवारलाई ५०-५० भारतीय रुपैयाँ दिने समेत घोषणा गरेका छन् । साथै परिवारका एक सदस्यलाई रोजगारीको व्यवस्था गरिने मुख्यमन्त्री सिंहले बताएका छन् ।

चमोलीको हिम पहिरोमा १५ जनाको मृत्यु 
यता उत्तरखंडको चमोली जिल्लास्थित भारत-चीन सीमा स्थित नीती घाटीमा गएको हिम पहिरोमा १५ जनाको मृत्यु भएको छ । 

सोमबार थप तीन जनाको शव भेटिएसँगै मृतकको संख्या १५ पुगेको हो । तीन जना अझै पनि वेपत्ता छन् । 

शुक्रबार गएको हिम पहिरोबाट शनिबार १० र आइतबार दुई शव निकालिएको थियो । १५ मध्ये ११ मृतकको पहिचान खुलेको स्थानीय अधिकारीहरुले बताएका छन् ।