भारतका लागि नेपाली राजदूत शर्माले बुझाए ओहोदाको प्रमाणपत्र 

भारतका लागि नेपाली राजदूत डा. शंकर प्रसाद शर्माले बुधबार भारतीय राष्ट्रपति रामनाथ कोविन्दलाई आफ्नो ओहोदाको प्रमाणपत्र बुझाएका छन्।

शर्माले राष्ट्रपति भवनमा पुगेर कोविन्दलाई ओहोदाको प्रमाणपत्र बुझाएका हुन्। राजदूत शर्माले सामाजिक सञ्जाल ट्वीटरमार्फ दुई मुलुकबीचको सम्बन्ध थप प्रगाढ बनाउन प्रयास गर्ने बताएका छन् । 

ओहोदाको प्रमाणपत्र बुझाएपछि भारतीय राष्ट्रपति कोविन्दले शर्मालाई बधाई तथा सफल कार्यकालको शुभकामना दिएको भारतीय राष्ट्रपति कार्यालयले उल्लेख गरेको छ।