Archive for the ‘Metro Crime’ Category

केन्द्रीय अनुसन्धान ब्युराेले पक्राउ गरेका गुम्बे ।

काठमाडौं– प्रहरीले रुपन्देही र काठमाडौंमा भएका दुई फरक घटनामा गोली प्रहारगर्ने मुख्य आरोपीलाई पक्राउ गरेको छ । केन्द्रीय अनुसन्धान ब्युरो (सिआईबी) ले रुपन्देहीका नेकपा एमालेका कार्यकर्ता दुर्गा तिवारी र निर्माण ब्यवसायी शरदकुमार गौचन उपर गोली प्रहारगर्ने बाघमारे भन्ने श्यामबहादुर गोम्बीलाई पक्राउ गरेको हो । गोम्बी मनोज पुन भन्ने मनोज बुढामगरका मुख्य सहयोगी हुन ।
ब्युरोका अनुसार असोज २३ गते निर्माण ब्यबसायी महासंघका अध्यक्ष गौचनलाई गोली प्रहार गरी हत्या गरेको घटनामा गोम्बी प्रत्यक्ष संलग्न रहेका थिए । बाराका गोम्बी चितवनमा डेरागरि बस्थे ।
यस्तै गोम्बी गत वर्ष पुस ४ मा रुपन्देही, देवदह खैरहनीमा तिवारीलाई गोली प्रहार गरी हत्या गरेको घटनामा समेत प्रत्यक्ष संलग्न रहेका थिए ।
पक्राउ आरोपीलाई ब्युरोले थप अनुसन्धान र कारवाहीका लागि महानगरीय प्रहरी परिसर काठमाडौंमा पठाएको छ ।

 

काठमाडौं– काठमाडौं उपत्यकामा श्रृंखलावद्ध चोरी र डकैतीमा संलग्न एकजना कुख्यात डाँका सदरखोर डिल्लीबजारको काँडेतार काटेर भागेका छन ।
महानगरीय प्रहरीमा दुई दर्जनभन्दा बढि चोरी, लुटपाट र डकैतीमा संलग्न रहेको सूचीमा रहेका टिकाबहादुर थापा मगर नाम भएका टिके डाँका बिहीबार राती कारागारको सुरक्षा प्रवन्धलाई चुनौती दिदै भागेका हुन ।
महानगरीय प्रहरी प्रमुख एआइजी जयबहादुर चन्दले टिकाबहादुर फरार भएको पुष्टिगर्दै खोजी कार्य जारी रहेको पर्दाफासलाई बताए । उनका अनुसार कारागारभित्र रहेको कारखानाको काँडेतार काँटेर उनी फरार भएका हुन ।
प्रहरी उच्चस्रोतका अनुसार काराखानामा नियमित गन्तीगर्ने सुरक्षा अधिकारीको लापरवाहीका कारण टिकाबहादुर भागेका हुन । सुरक्षा अधिकारीले गन्तीमा छुटाएका टिकाबहादुर त्यही मौकामा राती भागेका हुन । उनका साथ भागेका अन्य एक कैदी तत्काल पक्राउ परेपनि उनी भाग्न सफल भएका हुन ।
‘एकजना चोरी मुद्दाका बन्दी कारागारबाट फरार भएका छन, फरारको खोजी र सुरक्षाका बिषयमा आन्तरिक छानबिन भै रहेको छ’ एअाइजी चन्दले भने ।

को हुन टिके डाँका 
सागर बोलाउने, नागरिकताको नाम टिकाबहादुर थापा मगर तर प्रहरीका लागि ‘टिके डाँका’। टिकेका बिषयमा जति प्रहरी र अड्डा अदालतलाई जानकारी छ, त्यही अनुपातमा टिके पनि प्रहरी र अड्डा अदालतका बिषयमा जानकारी राख्दछन् । २०६४ पछि पटक–पटक गरि पाँच वर्षसम्म सुधार गृह९कारागार० बसेका टिके पछिल्लो पटक गत असार ७ मा पक्राउ परि २६ लाख रुपैयाँ बुझाएर छुटेका थिए ।

महानगरीय प्रहरी अपराध महाशाखाले मंगलबार पक्राउ गरेका टिके बारम्बार सुधारका लागि सुधार गृहमा राखिएपनि पुरानै पेशामा फर्कने अभियुक्तमध्ये एक हुन । काठमाडौं उपत्यकालाई कार्य क्षेत्र बनाएका टिके १५ घटनामा संलग्न रहेको प्रहरीसँग अनुसन्धान प्रमाण छ । बाँकी एक दर्जन बढि घटनामा उनको संलग्नता हुनसक्ने आशंकामा महाशाखाले अनुसन्धान गरिरहेको छ ।

‘काठमाडौंमा नगद लुटपाट भए शंकाको पहिलो घेरामा पर्ने अभियुक्तमध्ये एक हुन, यसपटक दशीप्रमाण सहित नियन्त्रणमा लिएका छौ,’ महाशाखा प्रमुख एसएसपी सर्वेन्द्र खनालले भने । उनका अनुसार टिके काठमाडौंमा रहेको सूचना पाएपछि पच्छ्याई रहेको टोलीलाई समेत आक्रमण गरेर उनी भाग्न खोजेका थिए । महाशाखाले टिकेलाई मनहरा क्षेत्रबाट मंगलबार पक्राउ गरेको हो ।

भक्तपुर कौशलटारमा रहेको एनआईसी एशिया बैंकबाट नगद निकाली गठ्ठाघर जादै गरेकी मन्दिरा अधिकारीको लेडिज ब्याग खोसेर भागेका अज्ञात ब्यक्तीको खोजीमा जुटेको प्रहरीले टिकेलाई पक्रेको हो । अधिकारीले बैंकबाट रकम निकालेपछि टिकेले लुटेका थिए । प्रहरीले अधिकारीबाट लुटपाट भएको ६ लाखमध्ये तीनलाख उनको कोठाबाट बरामद गरेको छ। प्रहरीले टिकेको कोठाबाट अधिकारीको नाममा जारी भएको सवारी चालक अनुमति पत्र , एमकला भन्डारीको नागरिता प्रमाण पत्र , ढाका को लेडिज ब्याग , एम कला भन्डारिको ग्लोबल आईएमई बैंकको चेक बुक तथा लुटपाट गर्दा प्रयोग गरेको ज्याकेट जुत्ता समेत फेला पारेको हो ।

महाशाखाका अनुसार टिकेलाई पहिलो पटक २०६४ बैशाख ६ मा डाँका घटनामा पक्राउ गरिएको हो । दोस्रो पटक २०६५ जेठ ५ मा पक्राउ परेका टिके त्यसको तीनवर्षपछि २०६८ असार ३४ मा मोटर साइकल चोरी घटनामा पक्राउ परेका थिए । सो वर्ष कारागार गएका टिके चैत ५ मा छुटेका हुन । यस्तै पुनः २०६९ साउन ३ मा पक्राउ परेका टिके धरौटीमा रिहा भएका हुन। पछिल्लो पटक उनी गत वर्ष असारमा २६ लाख धरौटी बुझाएर छुटेपछि पुनः लुटपाट र चोरीमा संलग्न हुदै आएका थिए ।

महिला र नगद पहिलो निशाना

प्रहरी अनुसन्धानमा टिकेको समुह संलग्न अधिकांश घटनाका पीडित महिला रहेका छन । यस्तै टिकेको समुहले वित्तिय संस्थाबाट रकम निकालेर निस्किएका महिलालाई पहिलो निशाना बनाउने गरेको अनुसन्धानमा खुलेको हो ।

महाशाखाका अनुसार यस वर्ष असोज देखि पुससम्म भएका पाँच घटनामा चार घटनाका पीडित महिला रहेका छन । यस्तै घटनामा टिके समुहले आफैले चोरी गरेका मोटरसाईकल प्रयोगगर्दै आएको थियो ।

टिकेको समुहले पुस २२ गते मन्दिरा अधिकारीको ६ लाख, मंसिर १९ गते यमकला भण्डारीको तीनलाख ६० हजार, मंसिर ५ गते सुस्मिता सुवेदीको करिब ७५ हजार लुटपाट गरेको हो । भक्तपुर कटुन्जेमा रहेका इस्ट इन्टरनेशनल मनि ट्रान्सफरबाट रकम निकालेकी सुबेदी, भन्डारीले सहकारी बाट निकालेको रकम लुटपाट भएको थियो । यसै वर्ष असोज १४ मा भक्तपुर राधे राधे मन्दिर नजिकबाट मायादेबी उप्रेतीको साथमा रहेको ९३ हजार रुपैयाँ, असोज ५ मा काभ्रेको बनेपा तरकारी बजारमा कन्ट्री डेभलपमेन्ट बैकमा जम्मा गर्न लगिरहेको तीन लाख ७० हजार लुटपाटको प्रयासमा टिके समुह असफल भएका थिए ।

महाशाखाका अनुसार टिके समुहले २०७२ बैशाख २७ मा वाफलस्थित कोहिनुर हाउजिङको नजिकै सिता श्रेष्ठको २ तोलाको सुनको सिक्री लुटेका थिए । यस्तै सोही दिन बुद्धनगरमा उर्मिला कडेलको ३ तोलाको सुनको सिक्री लुटेर टिके समुह फरार रहेको थियो ।

महाशाखाका अनुसार २०७१ माघ २१ मा नयाँ बानेश्वर ह्वाईट हाउस कलेज नजिकबाट ग्लोबल आईएमई बैंकबाट निकालेको सरस्वती आचार्यको १८ लाख ८५ हजार र सोही वर्ष पुसमा सुमित्रा अधिकारीको साथमा रहेको ७० हजार तथा कात्तिकमा शनी इन्टरप्राइजेज कपनवाट रकम निकालेर पैदल हिडिरहेको अवस्थामा प्रेरणा राईको एकलाख ५५ हजार लुटपाटको घटनामा यही समुह संलग्न रहेको थियो ।

मोटरसाईकल र गाडी चोरी

नगद नभए महिलाले लगाएका सुनका गरगहना समेत लुछेर भाग्ने टिके समुहले एउटा बलेरो गाडी र तीनवटा मोटरसाईकल समेत चोरी गरेको महाशाखाले जनाएको छ । पछिल्लो पटक जेठ एकमा टिके समुहले महाराजगन्जस्थित शिक्षण अस्पतालको पार्कीङबाट राम थापाको बा।७४ प।३६३२ नम्बरको निलो रंगको मोटर साईकल चोरी गरेको हो ।

यस्तै गत वर्ष जेठ २१ गते बौद्ध भाटभटेनीमा पार्किङ गरेको राम काजी श्रेष्ठको मोटरसाईकल टिके र तेजवहादुर तामाङले चोरी गरेका थिए । सोही वर्ष जेठ मसान्तमा सोही स्थानबाट विष्णुवहादुर गुरुङगको बा।६ च ७६९८ नम्बरको बोलेरो गाडी चोरी गरी मकवानपुर पदमपोखरीमा लगि लुकाई छिपाई राखेका थिए । प्रहरीले गाडी बरामद गरि सम्बन्धीत धनीलाई बुझाएको थियो । यस्तै गत जेठ २० मा पुरानो बानेश्वरबाट जीवन शर्माको बा।६८ प। ९०१८ नम्बरको पल्सर मोटरसाईकल, २०७१ चैतमा ओम अस्पताल चाबहिलबाट राम श्रेष्ठको बा।६७ प। ८४६८ नम्बरको निलो कालो रंङको पल्सर मोटरसाईकल चोरी गरेको अनुसन्धानमा खुलेको छ ।

महाशाखाका अनुसार चोरी गरेको मोटरसाईलको प्रयोगगर्दै नक्कली नम्बर राखेर लुटपाटका घटना गर्ने गरेको थियो । प्रहरीका अनुसार ८९५७ र ९०६३ नम्बरको प्लेट राखेर लुटपाट भएको हो ।

( नागरिक दैनिककाे अनलार्इन संस्करणमा प्रकाशित पुरानाे अालेख) 

टिके डाँकाको राम कहानी नागरिक दैनिकमा दीपक खरेलको कलमबाट ः

कुख्यात ‘टिके डाँका’ पक्राउ

काठमाडौं– गृह मन्त्रालयले सशस्त्र प्रहरी बलको हल्चोकस्थित मुख्यालयमा पुस ४ मा भएको आगलागी प्रमाण नष्टगर्ने उद्देश्यबाट योजना बनाएर गरिएको निश्कर्ष सहित अनुसन्धानको जिम्मेबारी केन्द्रीय अनुसन्धान ब्युरोलाई दिएको छ ।
सशस्त्रको स्टोर रुममा पुस ४ गते एकाबिहानै आगलागी भएको थियो । घटनामा २०६१ पछिका महत्वपूर्ण कागजपत्र जलेर नष्ट भएका थिए । घटनाको अनुसन्धानका लागि गृह मन्त्रालयले एकजना सहसचिवको नेतृत्वमा पाँच सदस्यीय छानबिन समिती पुस ५ मा गठन गरेको थियो ।
मन्त्रालयका अनुसार छानबिन समितीले पुस २३ मा बुझाएको प्रतिवेदनमा सुनियोजित तरिकाले श्रेष्ता तथा कागजपत्र जलाउने उद्देश्यले आगलागी भएको निश्कर्ष निकालेको हो ।
छानबिन समितीले सशस्त्र प्रहरीको आर्थिक प्रशासन निर्देशनालय र सो मातहत रहेका शाखा कर्मचारीलाई तत्काल हटाएर अनुसन्धानको जिम्मेबारी सिआईबीलाई दिन भनेको हो ।
घटनाको प्रारम्भीक अनुसन्धान गरिरहेको महानगरीय अपराध महाशाखाले यसअघि नै सशस्त्रका नायब निरीक्षक र हवल्दारलाई पक्राउ गरेर कारवाही गरिरहेको छ ।
नेपालको सुरक्षा इतिहासमा पहिलो पटक एउटा सुरक्षा संगठनले भ्रष्टाचार ढाकछोपगर्न आफ्नै मुख्यालयमा आगलागी गराएको हो ।

हेर्नुहोस गृह मन्त्रालयको प्रतिवेदन सक्षिप्त विवरण

Home Ministry Report

Photo From RAW Official Web Site

काठमाडाैं– भारतीय गुप्तचर संस्था अनुसन्धान औंर बिश्लेषण विङ (रिसर्च एण्ड एनालाइसिस विङ ‘र’) को नाममा तीनय बढि युवा ठगिएका छन । ठगीमा संलग्न आरोपीले नेपालस्थित भारतीय दुतावासको लेटर प्याड र ‘र’ कै लोगो समेत प्रयोगगरि नक्कली नियुक्ती पत्र समेत तयार पारेर युवाहरुलाई रोजगारीका नाममा ठगेका हुन ।
महानगरीय अपराध महाशाखाले सप्तरीका रमाकान्त नोनियालाई आइतबार कलंकीबाट पक्रेको हो। रमाकान्तले केही महिनादेखि २ सय २० जनाभन्दा बढी मानिसलाई ‘र’ मा जागिर लगाइदिने भन्दै रकम लिने गरेका थिए।
खाडी देशबाट केही समय अघि फर्किएका रमाकान्तले युवालाई नियुक्ती पत्र दिनुका साथै सूचना संकलनका लागि आधार क्षेत्र समेत बाँडेका थिए । उनले मासिक ५० हजार भारतीय रुपैयाँ तलब तथा सुविधा र परिचय सधै गोप्य राख्न भन्दै विभिन्न नम्बर उपलब्ध गराएका थिए ।

तर नियुक्ति पत्र पाएको लामो समयसम्म पनि जागिरको टुङगो नलागेपछि नक्कली नियुक्ती पत्र बोकेर युवाहरुको एउटा समुह प्रहरीसम्म पुगेको थियो । तर यसअघि भारतीय दुतावासले घटनाक्रमको सूचना प्रहरी प्रधान कार्यालयलाई दिएर आवश्यक अनुसन्धानका लागि आग्रह गरेको थियो ।
भारतको अन्तर्राष्ट्रिय गुप्तचर संस्था ‘र’ को जागिरको प्रलोभनमा पर्ने युवाले रमाकान्तले आफुलाई भारतीय दुतावासको खास मान्छे भन्दै परिचय दिने गरेका थिए ।

वरिष्ठ पत्रकार किशाेर श्रेष्ठले सामाजिक सञ्जालमा राखेकाे तस्बिर

काठमाडौं– यौनका लागि नेपाली युवती पाइन्छ भन्दै भारतमा सार्वजनिक बिज्ञापन गरिएको तस्बिर फेला परेको छ । सामाजिक सञ्जालमा रहेको उक्त तस्बिरमा भारतका सबै प्रदेशमा मोजमस्ती तथा यौन सम्पर्कका लागि एक महिलाको नाम र नम्बर समेत उपलब्ध गराइएको छ । जसमा भनिएको छ ‘हामीसँग बंगलादेशी र नेपाली युवतीहरु उपलब्ध छन’ ।
सामाजिक सञ्जालमा सो तस्बिर राख्दै नेपाल प्रेस काउन्सीलका अध्यक्ष तथा वरिष्ठ पत्रकार किशोर श्रेष्ठले भनेका छन – दिल्लीस्थित दूतावासमा बस्ने साथीहरु के गर्दै र हेर्दै दिन कटाउनुहुन्छ ? मौजमस्ती और सेक्स मार्केट खुलेर नेपाली लड्की उपलब्ध हुने बिज्ञापन यसरी हाकाहाकी निक्लँदा देशको हुर्मत लिइँदा खोजवीन,छानबिन,कार्वाही हुनुपर्दैन ?
केही युवतीहरुको तस्बिर समेत राखिएको उक्त पोस्टरमा यसरी देशको नाम जोडेर प्रचारप्रसार गरिनु दण्डनिय अन्र्तदेशिय अपराध मान्निछ ।
पत्रकार श्रेष्ठकाे पाेस्टपछि दिल्लीस्थित नेपाली दुतावासका राजनीतिक कन्सुलर हरी अाेडारीले पत्र लेख्दै घटनाका बिषयमा दिल्ली प्रहरीलार्इ घटनाका बिषयमा जानकारी गराएकाे बताएका छन । अाेडारीले लेखेका छन ‘बिषयकाे जानकारीका लागि धन्यबाद, यस सम्बन्धमा हामीले दिल्ली प्रहरीलार्इ हेर्न भनेका छाैं’, ।

प्रहरीले बरामद गरेकाे जिउदाे हुचिल र पक्राउ परेका अाराेपी

काठमाडौं – प्रहरीले दुर्लभ पशुपंक्षीको अवैध कारोबारमा संलग्न तीनजनालाई पक्रेको छ ।
काठमाण्डौ महानगरपालिका–६ बौद्धबाट प्रहरीले दुर्लभ पंक्षी हुचिल सहित ३ जनालाई पक्राउ गरेको हो ।

हुचिल विक्री वितरण गर्न लागेको सुचनाको आधारमा महानगरीय प्रहरी कार्यालय र महनगरीय प्रहरी वृत्त बौद्धबाट खटिएको प्रहरी टोलीले दोलखा, तामाकोशी गाँउपालिका – ७ घर भई ललितपुर बस्ने २४ बर्षीय जेवी राई, भक्तपुर, बालकोट बस्ने २४ बर्षीय कमल भण्डारी र ईलाम घर भई ललितपुर बालकुमारी बस्ने ३१ बर्षीय पुर्ण बहादुर लिम्बुलाई एउटा हुचिल सहित नियन्त्रणमा लिएको छ ।

पक्राउ परेका तीनै जनालाई कारवाहीको लागी हुचिल सहित जिल्ला बन कार्यालय काठमाण्डौमा पठाईएको छ

काल्पनिक तस्बिर

काठमाडौं– काठमाडौं नयाँ बसपार्क क्षेत्रबाट रोकिराखेको ट्याक्सी चोरी भएको छ । यस्तै ढल्कुस्थित एउटा घर र पकनाजोलमा रहेको कार्गो अफिसको ताला फोडेर चोरी भएको हो ।
काठमाडौंको तार्केश्वर नगरपालिका–८ बस्ने प्रदिप खत्रीको बा.१ ज २१५० नम्बरको ट्याक्सी गएराति चोरी भएको हो ।
तनहुँको बन्दीपुर नगरपालिका–१० बस्ने चन्द्रकुमार गुरुङ्गले चलाइराखेको उक्त ट्याक्सी लक गरी काठमाडौं महानगरपालिका–२६ गोंगबु मित्रनगर मैपी पुल नजिक सडकमा पार्किङ्ग गरी राखेको अवस्थामा अज्ञात व्यक्तिले ट्याक्सी चोरी लगेको बताइएको छ ।
यसैगरी काठमाडौं महानगरपालिका–१६ ढल्कुस्थित शारदा पौडेलको घरबाट मुलढोकाको ताल्चा फोडेर दराजमा रहेको नगद १ लाख र विभिन्न सुनका गरगहना समेत गरी करीव ३ लाख ६ हजार रुपैयाँ बरावरको धनमाल बिहीबार चोरी भएको छ ।
यस्तै काठमाडौं महानगरपालिका–१६ पकनाजोलस्थित सानु श्रेष्ठको घरमा रहेको कार्गो कार्यालयबाट ताल्चा फोडेर करीव १ लाख ४० हजार रुपैयाँ मुल्य बरावरको २ थान ल्यापटप बिहीबार चोरी भएको छ ।
ट्याक्सी लगायतका धनमाल तथा चोरहरुको खोजी गर्नुको साथै घटनाका सम्बन्धमा स्थानीय प्रहरीबाट आवश्यक अनुसन्धान भइरहेके प्रहरीले जनाएकोछ ।

चरेश सहित पक्राउ परेका तामाङ र बरामद चरेश

काठमाडौं– प्रहरीले नेपालबाट तेस्रो देश लैजान तयारी अवस्थामा काठमाडौं भित्रदै गरेको चरेश सहित एकजनालाई पक्रेको छ ।

महानगरीय प्रहरीले चन्द्रागिरी नगरपालिका नागढुंगाबाट प्रहरीले ठुलो परिमाणमा लागुऔषध सहित एक जनालाई प्रकाउ गरेको हो । महानगरीय प्रहरी प्रभाग नागढुंगाबाट खटिएको प्रहरी टोलीले धादिङ्गबाट काठमाण्डौ तर्फ आउँदै गरेको बा ४ ख ७३८० नंम्बरको यात्रुबाहक बसलाई चेकजाँच गर्ने क्रममा ९ किलोग्राम लागुऔषध चरेस सहित धादिङ्ग, बेनिघाट बस्ने ३० वर्षीय देवलाल तामाङ्गलाई पक्राउ गरेको हो ।

महानगरीय प्रहरी प्रभाग नागढुंगाका अनुसार प्लाष्टिकको पोका पारिएको चरेश विदेश लैजाने तयारीका साथ तामाङले ल्याएका थिए ।
प्रहरीले तामाङ्गलाई महानगरीय प्रहरी वृत्त थानकोटमा राखि आवश्यक अनुसन्धान गरिरहेको छ ।

काठमाडाैं– महानगरीय प्रहरी परिसर काठमाडाैंले सरकारी छाप किर्ते दस्तखत मुद्दाकाे प्रारम्भीक अनुसन्धानमा नेपाल प्रहरीका पूर्व नायब महानिरीक्षक डिअाइजी नवराज सिलवालकाे संलग्नताका अाधारमा पक्राउ गरेर अनुसन्धान अघि बढाउन प्रक्रिया थालेकाे छ ।
महानगरीय प्रहरी परिसर काठमाडाैंले एमालेका नव निर्वाचित प्रतिनिधी सभा सदस्य सिलवालकाे स्थायी ठेगाना ललितपुर भएकाले महानगरीय प्रहरी परिसर ललितपुरलार्इ पत्र लेख्दै पक्राउ गरेर उपस्थित गराउन भनेकाे हाे ।
महानगरीय प्रहरी कार्यालयले सिलवाललार्इ हिरासतमा राखेर थप अनुसन्धान प्रक्रिया अघि बढाउन प्रक्रिया थालेकाे पुष्टि गरेकाे छ ।
सिलवाल सहितकाे समुहले सर्वाेच्च अदालतमा पेश गरेकाे कार्य संम्पादन मूल्याँकनमा किर्ते गरेकाे अाराेपमा थप अनुसन्धान अघि बढने छ । सरकारवादी मुद्दा भएकाले फाैजदारी अभियाेगसँगै सिलवालकाे सपथ प्रक्रिया र पद समेत हाललार्इ स्थगित रहनेछ ।

सिलवालले भने अाफुलार्इ नियाेजित रूपमा फसाउने षणयन्त्र भै रहेकाे बताउदै अाएका छन । प्रहरीकाे बरियतामा एक नम्बरमा रहेका सिलवालले दाेस्राे पटक सर्वाेच्चमा पेश गरेकाे कासमाेमा छेडछाड भएकाे अदालतकाे बृहत इजलासकाे ठहर छ । सर्वाेच्च अदालतले सरकारका नाममा दिएकाे अादेशका अाधारमा प्रहरीले किर्ते प्रकरणकाे अनुसन्धान गरिरहेकाे हाे ।

काठमाडौं– संसारमा सबैभन्दा बढि बिकाउ र गोप्य बिषय यौन हो । यसलाई जोडेर संसारका धेरै ब्यापार फस्टाएका मात्र छैन्न । ठगहरुले यौनलाई जोडेर आफ्नो धन्धा समेत फस्टाउदै लगेका छन । हाल केही वर्षयता नेपालमा ठुला दैनिकदेखि साप्ताहिकसम्म र टेलिभिजनहरुमा यौनसँग जोडिएका अनेकन उत्पादनका बिज्ञापन सामाग्री प्रकाशन तथा प्रशारण हुदै आएका थिए । कैयनले त टेलिभिजनका मुख्य ब्यापारिक समयनै खरिद गरेर आफ्ना उत्पादनको कथावस्तु बनाएर प्रशारण गरिरहेका थिए ।
यसरी प्रचार प्रशार गरिएका उत्पादनको प्रभावकारिता, यसका बिशेषता र मापदण्डका लागि नियमनकारी निकायको मौनता त छदै थियो । यौनसँग जोडिएको बिषय भएकाले एकपटक प्रयोगगर्ने प्रयोगकर्ता समेत उत्पादनले वाचा गरे अनुसारमा परिणाम नदिएपनि तै चुप मै चुप रहदै आएका थिए ।
केन्द्रीय अनुसन्धान ब्युरो (सिआइबी)मा केही समयअघि यस्तै उत्पादनबाट पीडित दर्जनौले मौखिक तथा लिखित उजुरी दिएसँगै ब्युरोका अधिकारीले अनुसन्धान थालेका थिए । अनुसन्धानमा एउटा काम भनेर दर्ता भएका कम्पनी र दर्तानै नभएका कम्पनी मार्फत यस्तो धन्दा फस्टाएको रहेछ ।
ब्युरोले एकैपटक १२ यस्ता ठेगानामा छापा मारेर यौनका नाममा भै रहेको कालो धन्दाको पसल बन्द गराएको छ ।

ब्यरोले कम्पनीहरुमा खानतलासी गरी विभिन्न सामानहरू सहित १ जना भारतीय नागरिक समेत १५ जनालाई पक्राउ गरेको हो ।
ब्युरोका प्रवक्ता एसपी जीवन श्रेष्ठले यस्ता कृयाकलाप सार्वजनिक चासोको बिषयहरु समेत भएकाले संलग्न संचालक तथा ब्यक्तिहरुलाई पक्राउ गरी मुलुकी ऐन ठगीको महल बमोजिम ठगी अपराधमा कारवाही अघि बढेको बताए ।

कहाँ –कहाँ हानियो छापा, को परे फन्दामा, के के पर्याे फेला

१.“गोर्खा हर्बो बीज”
पक्राउ मानिस :-
जिल्ला गोरखा सहिद लखन गाउँ पालिका वडा नं.९घर भई हाल का.जि.का.म.न.पा. वडा नं. ११ गंगबु बस्ने रुद्र प्रसास ढकालको छोरा बर्ष२४ को सुदिल ढकाल -१
बरामद भएका सामानहरु
१. STUD 5000 20Gलेखिएको ज्याकेट थान- १ ।
२. ८,Power Increased Thickening लेखिएको टिनको बट्टा १र सो बट्टा भित्र ३ वट्टा चक्कीको दरले १० वट्टा सानो बट्टामा रहेको टिनको बट्टा थान-१ ।
३. Rock Hard लेखिएको 50 ml मलम थान-१ ।
४. DEVELOPE SEYलेखिएको 50 ml को मलम थान- १ ।
५. MEN OF IRON 500 gm लेखिएको बट्टा थान-१ ।
६. Miracle Zen 20 pcs लेखिएको बट्टा थान-१ ।
७. Vigrx Plus 60 Tablets लेखिएको बट्टा थान -३ ।
८. XYTEXL 30 Capsules लेखिएको बट्टा थान – २ ।
९. 24 HORMOTEX 30 Capsules लेखिएको बट्टा थान -२ ।
१०. Touch me please लेखिएको क्रिमको बट्टा थान – १ ।
११. Ella Breast Enlarging Cream + Big Size लेखिएको Wonder lift r Sit लेखिएको बट्टा थान -३
१२. Green tea Breast Lifting Fast Cream लेखिएको बट्टा थान -४ ।
२.कस्मेटीक्स पसल”
पक्राउमा परेको मानिस :-
भारत हरियाण घर भै हाल का.जि.का.म.न.पा.वडा नं. ८ भोटेवहाल बस्ने महाबिर जैनको छोरा बर्ष २८ को विकाश गोयल
बरामद भएका सामानहरु :-
१.Papaya को Breast Enlarging लेखिएको बट्टा थान -६ ।
२.Green Tea को Breast Lifting Fast लेखीएको (300m) बट्टा थान -६ ।
३.Hip Up लेखीएको बट्टा थान -५ ।
४.Dragon को Breast Enlarging लेखीएको बट्टा थान-६ ।
५.Touch Me को Breast Enlarging , लेखीएको बट्टा थान-४ (चार )।
६, Kalong को Breast Enlarging Firming लेखिएको बट्टा थान- ३ ।
७,Beauty Breast Lifting Fast लेखिएको बट्टा ४ (चार ) ।
३. हर्वल शप नेपाल फर्म
पक्राउमा परेको मानिस :-
जिल्ला भोजपुर भोजपुर नगरपालिका वडा नं. १ मा घर भई हाल का.जि.का.म.न.पा.वडा नं. ३५ मा हर्वल शप नेपाल फर्म संचालन गरी बस्ने देव बहादुर रायमाझीको छोरा बर्ष ३८ को सुर्य बहादुर रायमाझी—————१
१,बरामद भएका सामानहरु :-
१,KALONG Breast smaller cream लेखिएका क्रिम बट्टा थान २ (दुई) ।
२,BREAST ENLARGING CREAM लेखिएको क्रिम थान २ (दुई) ।
३,HERBAL LEVITRA लेखिएको हर्वल बट्टा थान ४ (चार)मा १०० पिस क्यापसुल।
४,POWER V.S.A.लेखिएको १ वटा बट्टा भित्र सानो बट्टा थान ८ भित्र २४ पिस क्यापसुल ।
५,DEVELOPPE SEX ।। RAPID INCREASE लेखिएको क्रिम थान २ (दुई) ।
६,BREAST ENHANCEMENT LIFTINFG SOAP लेखिएका थान १ (एक) ।
७,LOVE KISS लेखिएको क्रिम थान २ (दुई) ।
८,GERRNTEA BREAST LIFTING FAST CREAM लेखिएको थान १ (एक) ।
९,HIPLIFT लेखिएको क्रिम थान २ (दुई) ।
१०, BREAST लेखिएको क्रिम थान २ (दुई) ।
११,STUD 5000 लेखिएको थान २ ( दुई) ।
१२,SILVER FOX लेखिएको पावर थान २ (दुई) ।
१३,pr LIX FUSION लेखिएको पम्प बट्टा भित्र रहेको थान ७ (सात ) र खाली थान १ गरी जम्मा थान ८ (आठ) ।
१४,xxx CAMANDO POWER लेखिएको बट्टा थान १ (एक)मा क्यापसुल ३० पिस ।
१५,HORMOTEX 24 लेखिएको बट्टा थान १ (एक) ।

४ “ ग्रिन हर्वल एण्ड फिटनेश सप “
पक्राउ मानिस:-
गडमपुर उदयसिंह नगर उत्तराखण्ड भारत घर भई हाल काठमाण्डौं जिल्ला का.म.न.पा. सितापाईला डेरा गरीजिल्ला काठमाण्डौं का.म.न.पा. वडा नं. १५ स्वयम्भु स्थित कारखाना चौकमा “ ग्रिन हर्वल एण्ड फिटनेश सप का संचालक बर्ष ३१ को मेजर सिंह ।

५. टेलिवन टिभी एण्ड अनलाईन सर्भिस
पक्राउ मानिस:-
जिल्ला लमजुङ रायनास न.पा. वडा नं. ४ घर भई हाल काठमाण्डौं जिल्ला गोलढुङगा बस्ने काठमाण्डौं सोह्रखुट्ठेमा टेलिवन टिभी एण्ड अनलाईन सर्भिसका संचालक बर्ष ५२ को बाबुराम ढकाल।

सि.न.४ र५ को बरामद दशिका सामानहरु:-
DETOXISLIM लेखिएका प्ल्राष्टिकका बट्टा, RAJVANSHI लेखिएका प्ल्राष्टिकका बट्टा,BODY GROWTH FORMULA STEP UP लेखिएका प्ल्राष्टिकका बट्टा, LATHERINE, KALENG( STRETCH MARK)लेखिएका प्ल्राष्टिकका बट्टा, MISS BELT, VIAMAX POWEER SEXY COFFEEलेखिएका प्ल्राष्टिकका बट्टा, VAGINEX FEMALE CREAM लेखिएका प्ल्राष्टिकका बट्टा, BDPलेखिएका प्ल्राष्टिकका बट्टा, GREAN TEA BREAST LIFTING FAST CREAMलेखिएका प्ल्राष्टिकका बट्टा, EASY SLIM TEAलेखिएका प्ल्राष्टिकका बट्टा, 4 IN 1 ANTI SPOT WHITERING CREAM SET लेखिएका प्ल्राष्टिकका बट्टा, VAGINA SHRINKING TIGHTENING GEL लेखिएका प्ल्राष्टिकका बट्टा, NATURAL MAX SLIMING CAPSUL लेखिएका प्ल्राष्टिकका बट्टा, DR-RASHEL STRETCH MARK CREAM लेखिएका प्ल्राष्टिकका बट्टा, DAGAN STRETCH MARK CREAM लेखिएका प्ल्राष्टिकका बट्टा, HIP UP CREAM NEW लेखिएका प्ल्राष्टिकका बट्टा, AICHUN BEAUTY HIP LIFT CREAM लेखिएका प्ल्राष्टिकका बट्टा, HANDSOM UP DAGOANG ASSORTED CO.LTD लेखिएका प्ल्राष्टिकका बट्टा. HARSUR]S BREART DEVELOPER SET लेखिएका प्ल्राष्टिकका बट्टा ।

६.कान्तिपुर टेलि शप,सुन्धारा सिभिल मल
पक्राउ मानिस:-
जिल्ला गोरखा शहिद लखन गा.पा.वडा नं.१ स्थायी घर भई हाल का.जि.का.म.न.पा.वडा नं.११ सिभिल मलमा कान्तिपुर टेलिसप पसल नं.१४ को संचालक रत्न घिमिरे-१ ।
बरामद भएका सामानहरु
KALONG, SEXY, BREAST, HIP UP, PAULP, BEAUTY Milk lotion, Papaya Breast , Breast, Green tea, Power ।

७. टेलि मार्केट नेपाल,मिनभवन
पक्राउ मानिस:-
जिल्ला पाँचथर साविक रानीगाउँ हाल कुम्यापक गा.पा.वडा नं.३ स्थायी घर भई हाल का.जि.का.म.न.पा.वडा नं.३१ मीनभवन बस्ने टेलि मार्केट नेपालको संचालक वसन्ता सम्वाहाम्फे
बरामद दशीका चीजवस्तुरु:-
LongJohn Cream , Parth Bestina Oil+Capsules,VigRx Plus ,MEN OF IRON,VAGINEX Female Cream, U.S.A. Power, HIP UP Cream, ENLARGENEXX, Miracle ZEN, Lady Mantra,

८. टेलि सेन्टर , तीनकुने
पक्राउ मानिस:-
जिल्ला काभ्रे पाँचखाल न.पा.वडा नं.७ स्थायी घर भई हाल का.जि.का.म.न.पा.वडा नं.३२ तीनकुनेमा टेलि सेन्टरको संचालक
विपिन वोलाखे-१
बरामद दशीका चीजवस्तुरु:-
MANMAX Capsules, Developpe Sex Cream, Vaginex Female Cream, U.S.A. Power,MANMAX Capsules V, Enlargenexx capsules, Premature-x capsules, MEN OF IRON Natureplux, HoRmoTEX capsules, NERSEX, Enduurance cream, 24 HORMOTEX Power, Nepal’s Yarsnagumba capsules, HERBAL LEVITRA Capsules, Real Women Capsules, XYTE-XI Capsules, 30 Minutes Plus Stop Capsules, Papaya Breast Enlarging Cream, ।

९. सितारा हर्बल/काम शाक्ति
पक्राउ मानिस:-
जिल्ला ताप्लेजुङ साबिक दोकु २ घर भई हाल का.जि .का.म.न.पा. वडा नं. १६ बस्ने बर्ष ३५ को यमनाथ पौडेल ।
वरामद सामानहरु:-
१) सितारा हर्वल / काम शक्ति हर्वलको अफिसबाट बरामद गरिएका दशीको बिबरण :-
क) काम शक्ति हर्वल ट्रेडिङ कारोबारको नाम जानकी के.सी. करदाताको नाम उल्लेख भएको स्थायी लेखा नं. दर्ता प्रमाण पत्रको फोटोकपी र नबिकरण तालिकाको फोटो कपी पाना २ ।
ख) काम शक्ति हर्वल ट्रेडिङको जानकी के.सी को नामको काठमाण्डौ महानगरपालिकाले जारी गरेको ब्यबसाय दर्ता प्रमाणपत्रको फोटो कपी पाना १ ।
२) सितारा हर्वल/ कामशक्ति हर्वलको स्टोरबाट बरामद गरिएको सामानको बिबरण:-
क) Brexelant Breast लेखिएको बट्टा थान ४ ।
ख) Hormotex थान ३ ।
ग) Virgin Again थान १ ।
घ) Men of Iron थान १ ।
ङ) Xytexl Capsules ३० बट्टाको थान ३ ।
च) Enlargenexx लेखिएको बट्टा थान १ ।
छ) Diabecon लेखिएको प्लाष्टिक प्याकेट थान ३ ।
ज) डबल घोडा ५००० लेखिएको १२ बटाको १० पाकेट ।
झ) Megaslim Capsules लेखिएको बट्टा थान ५ ।
ञ) Yovan Anti cellulite cream लेखिएको बट्टा थान ३८ ।

१०. GIOBAL T.V. PRODUCT SHOP शंकरदेव
पक्राउ मानिस:-
जिल्ला काभ्रेपलाञ्चोक पाचँखाल न.पा. वडा नं. ६ स्थायी वतन भई हाल जिल्ला काठमाण्डौ काठमाण्डौ महानगरपालीकावडान.पा.वडा नं. ३१ बस्ने बर्ष ४८ को पवन कुमार भारती-१
वरामद सामानहरु:-
१) RESTORE FEMINING WASH 75 ml को Daily Intimate was लेखिएको सेतो कलरको सिल नखोलेको बट्टा थान-७९
२) DIME DUROIL MASSAGE OIL 30 ml लेखिएको कालो खोल खोली हेर्दा भित्र घ्यू कलरको रबरको बट्टा थान- १
३) VAGINEX FEMALE CREAM 30g को घ्यू कलरको मलम थान-१
४) DEVELOPPE SEX e50 ml को सिल भएको मलम थान-१
५) PAPAYA BREAST ENLARGING CREM लेखिएको सुन्तला कलरको वटा भित्र खोली हेर्दा Lifting Shop र सेतो कलरको बट्टा सिल नखोलेको थान-१
६) BREAST FIRMING CREM Touch me ! लेखिएको खोल खोली हेर्दा भित्र सेतो कलरको प्लाष्ट्रिकको सिल नखोलेको बट्टा थान-१
७) SUPER DRAGON 6000 Delay Spray For Men 12 ml लेखिएको गोल्डेन कलरको वट्टा थान-५
११. नेचुरल टेली सप सेन्टर
पक्राउ मानिस:-
जिल्ला काभ्रेपलाञ्चोक सल्ले भुम्लु गा.बि.स. वडा नं. ७ स्थायी ठेगाना भई हाल जिल्ला भक्तपुर मध्यपुर ठिमी न.पा. वडा नं. ९ क बस्ने बर्ष २१ को रबिन खडका ।
वरामद सामानहरु:-
१) HIP UP CREAM लेखेको 200ml उल्लेख भएको बट्टा थान-२ (दुई) ।
२) Long John लेखेको 75 gms उल्लेख भएको ट्युव बट्टा थान-१ (एक) ।
३) SUPER DRAGON लेखेको 12 ml उल्लेख भएको Spray सिलिण्डर थान-१ (एक) ।
४) Breast Smaller Cream लेखेको 100 g उल्लेख भएको KALONG लेखेको बट्टा थान-१ (एक)
५) 30 Minutes Plus STOPS लेखेको Ejaculation उल्लेख भएको रातो कालो रङ्गको Capsules थान २८ भएको बट्टा थान-१ (एक) ।
६) MAXMAN CAPSULES लेखेको बट्टा थान-१ (एक) ।
७) STRETCH MARKS CREAM (Dagan) लेखेको 200ml उल्लेख भएको Cream बट्टा थान-१
८) Natural Tele Shop Center लेखेको बिल प्याड थान-१ (एक) ।

१२. एशियन हर्बल होम फर्म
पक्राउ मानिस:-
जिल्ला रामेछाप साबिक भिरपानी गा.बि.स. वडा नं. ३ हाल खाँडादेवी ३ स्थायी ठेगाना बताउने बर्ष २० कि सुप्रभा के.सी. ।
वरामद सामानहरु:-
१) 30 Minutes Plus STOPS लेखेको क्याप्सुल सहितको पलाष्टिकको बट्टा थान-१ (एक) ।
२) Herbal X. Mantra लेखेको क्याप्सुल सहितको बट्टा थान-१ (एक)