Archive for the ‘Breaking Pardafas’ Category

काठमाडौं – प्रहरीले दाङमा सातवर्ष अघि भएको दोहोरो हत्याका मुख्य आरोपीलाई कोहलपुरबाट पक्राउ गरेको छ ।
केन्द्रीय अनुसन्धान ब्युरोको टोलीले सातवर्षअघि दाङको तत्कालिन गंगा परस्पुर गाबिस हाल गढवा नगरपालिकाका मणीराम कुमाल चौधरी र आशू कुमारी कुमाल चौधरीको हत्यामा संलग्न मुख्य अभियुक्त नरेश कुमाल चौधरीलाई पक्रेको हो ।
ब्युरोका अनुसार २०६७ जेठ २३ मा घरमा सुतिरहेका कुमाल दम्पत्तीलाई नातेदार नरेशले धारिलो हतियार प्रहारगरि मारेका थिए । घटनापछि भागेर भारत गएका नरेश माघि मनाउन नेपाल आएका बेला ब्युरोले कोहलपुर नयाँ सडकबाट पक्राउ गरेको हो ।
पक्राउ परेका नरेशलाई आवश्यक कारवाहीका लागि ब्युरोले दाङ प्रहरीको जिम्मा लगाएको जनाएको छ ।

Advertisements