Archive for the ‘भ्रष्टाचार’ Category

काठमाडौं– गृह मन्त्रालयले सशस्त्र प्रहरी बलको हल्चोकस्थित मुख्यालयमा पुस ४ मा भएको आगलागी प्रमाण नष्टगर्ने उद्देश्यबाट योजना बनाएर गरिएको निश्कर्ष सहित अनुसन्धानको जिम्मेबारी केन्द्रीय अनुसन्धान ब्युरोलाई दिएको छ ।
सशस्त्रको स्टोर रुममा पुस ४ गते एकाबिहानै आगलागी भएको थियो । घटनामा २०६१ पछिका महत्वपूर्ण कागजपत्र जलेर नष्ट भएका थिए । घटनाको अनुसन्धानका लागि गृह मन्त्रालयले एकजना सहसचिवको नेतृत्वमा पाँच सदस्यीय छानबिन समिती पुस ५ मा गठन गरेको थियो ।
मन्त्रालयका अनुसार छानबिन समितीले पुस २३ मा बुझाएको प्रतिवेदनमा सुनियोजित तरिकाले श्रेष्ता तथा कागजपत्र जलाउने उद्देश्यले आगलागी भएको निश्कर्ष निकालेको हो ।
छानबिन समितीले सशस्त्र प्रहरीको आर्थिक प्रशासन निर्देशनालय र सो मातहत रहेका शाखा कर्मचारीलाई तत्काल हटाएर अनुसन्धानको जिम्मेबारी सिआईबीलाई दिन भनेको हो ।
घटनाको प्रारम्भीक अनुसन्धान गरिरहेको महानगरीय अपराध महाशाखाले यसअघि नै सशस्त्रका नायब निरीक्षक र हवल्दारलाई पक्राउ गरेर कारवाही गरिरहेको छ ।
नेपालको सुरक्षा इतिहासमा पहिलो पटक एउटा सुरक्षा संगठनले भ्रष्टाचार ढाकछोपगर्न आफ्नै मुख्यालयमा आगलागी गराएको हो ।

हेर्नुहोस गृह मन्त्रालयको प्रतिवेदन सक्षिप्त विवरण

Home Ministry Report

Advertisements

मकवानपुरमा रहेकाे भिमफेदी मध्य क्षेत्रिय कारागार र इन्सेटमा चाइनिज भनिने रमेश लामा

काठमाडौं– कारागारमा आफु बिरुद्ध बोल्ने ६ जनालाई गंभिर घाईते हुनेगरि कुटपिटमा संलग्न रहेका एकजना कैदी कारागार ब्यवस्था विभागका केही भ्रष्ट कर्मचारीको आडमा जेल प्रशासनलाई उल्टो थर्काउन थालेको खबर प्राप्त भएको छ ।
विभागले कानुन मिचेर मध्य क्षेत्रिय कारागार भिमफेदीको नयाँ बल्कका चौकिदार बनाएका चाइनिज भनिने रमेश लामाको समुहले पुस १३ गते ६ जनालाई गंभिर घाइते हुनेगरि कुटपिट गरेको थियो । घाइतेमध्ये एक दिब्यकुमार श्रेष्ठ अझै हेटौडामा रहेको चुरेहिल अस्पतालमा उपचाररत रहेका छन ।
कारागारको आन्तरिक प्रशासन अन्र्तगत रहेका टेलिफोन सेवा, किराना पसल र भेटघाट सुविधा नियमभन्दा दोब्बर दररेट गरेको र कैदीबन्दीलाई लगातार दुब्र्यवहार भएपछि केही कैदी बन्दीले हिम्मत गरेर आवाज उठाएका थिए । तर आफु बिरुद्ध बोलेको भन्दै चौकिदार लामा र उनको समुहले निर्घात कुटपिट गरेको हो ।
कारागारमा सरुवा भएर केही समयअघि मात्र कार्यभार सम्हालेका चिरञ्जिबी थापाले कुटपिटमा संलग्न समुहका कारण आन्तरिक सुरक्षा खतरामा रहेको जानकारी विभागमा गराएपनि उनी बिरुद्ध कारवाहीको साटो उल्टो थापालाई नै सरुवागर्ने प्रपञ्चमा विभाग लागेको छ ।
जेल प्रशासनको नियम अनुसार झडपगर्ने समुहलाई तत्काल जेल सरुवा गरेर सुरक्षा ब्यवस्था मिलाउने गरिन्छ । तर किर्ते कागजपत्र बनाएर कैदी भगाएको आरोप लागेर तारेखमा रहेका रमेश लामाले पैसाको आडमा विभागबाट सहुलियत पाउदै आएका छन ।
भिमफेदी कारागारमा आफ्नो एकक्षत्र राज चल्ने भन्दै लामा समुह दमनमा उत्रिएपछि कैदीबन्दीले विभाग, गृह मन्त्रालय र अख्तियारमा हारगुहार गरेपछि विभागले निर्देशक कृष्णप्रसाद आर्चायको नेतृत्वमा छानबिन समिती बनाएको छ । विभाग स्रोतका अनुसार आर्चायको छानबिन समितीले रमेश लामा भन्दापनि त्यहाँका जेलर थापालाई हटाएर अर्का विवादास्पद जेलर मात्रिका दाहाललाई पठाउने प्रपञ्च अनुसारको प्रतिवेदन बनाउने तयारी गरेका छन ।
यता, कारागारका कैदीबन्दीले बुधबार मन्त्रालय र अख्तियार दुरुपयोग अनुसन्धान आयोग, मानव अधिकार आयोग र नेपाल पत्रकार महासँघलाई पत्र लेखेर आफुहरु बिरुद्ध दमन भै रहेको जानकारी गराउने तयारी थालेका छन ।
‘जेलर थापाले न्यायका पक्षमा बोलेका छन, दमनगर्ने समुहले पैसाको सेटिङ मिलिसक्यो, विभाग हाम्रो हो भन्दै थर्काउदै छन, हामी न्यायका लागि हारगुहार गरिरहेका छौं,’ एकजना कैदीले टेलफोनमा पर्दाफासलाई भने ।

सेनाले बेच्ने तयारी गरेका हवार्इ साधन र लिलाम हुन लागेकाे एनए –०२७ कलसाइन भएकाे हेलिकाेप्टर

काठमाडौं– नेपाली सेनाले काम नलाग्ने अवस्थामा रहेका हेलिकोप्टर र तीनका पाटपुर्जा विक्री प्रक्रिया अघि बढाएको छ । सेनाको हवाई निर्देशनालयले करिब ६६ करोड न्यूनतम मूल्य निर्धारणगर्दै बोलकबोलमा लिलाम बढाबढको तयारी थालेको हो ।
सेनाले आफुसँग रहेका सुपर पुमा, चिताह र एमआई १७ हेलिकोप्टर र त्यसका पाटपुर्जा लिलामको तयारी थालेको हो ।
सेनाले विभिन्न समयमा खरिद गरेका ती हेलिकोप्टरमध्ये भारत सरकारसँग सैनिक सहयोग अन्र्तगत सहुलियतमा लिएका र आफै टेण्डर आह्वान गरेर लिएका हवाई साधनको लिलामी गर्न लागेको हो ।
सेनाका अनुसार कल साइन एनए –०२९, एनए –०३०, एनए –०३१, एनए –०३९, एनए –०४३ र एनए –०४४ भएका हवाई साधन लिलाम विक्रीको प्रक्रिया थालेको हो ।
सेनाको हवाई निर्देशनालयले दुई थान सुपर पुमा र त्यसका पाटपुर्जालाई ३१ करोड ६६ लाख न्युनतम बोलकबोल मुल्य तय गरेको छ । यस्तै दुई थान एमआई १७ ( कल साइन एनए –०४३ र एनए –०४४) लाई जम्मा १० लाख रुपैयाँ प्रति इकाई न्युनतम मूल्य राखेर लिलाम विक्रीको सूचना प्रकाशित भएको हो ।
सरकारले सेनालाई एउटा हेलिकोप्टर र दुई थान जहाज खरिदका लागि बजेट निकासा गरेसँगै सेनाले आफुसँग भएका हवाई साधन लिलाम विक्रीको प्रक्रिया अघि बढाएको हो ।
रक्षा मन्त्रालय उच्च स्रोतका अनुसार सेनाले तय गरेको न्यूनतम लिलाम मूल्य बैज्ञानिक नभएको र मिलमतोमा कवाडी माफियालाई सुम्पने तयारी भै रहेको छ ।

जिल्ला कृषि विकास कार्यालय बाराकाे पत्र

काठमाडौं – संविधानले सूचनाको हक सम्बन्धी अधिकार सुरक्षित गरेपनि अभियन्तालाई हतास बनाउन सरकारी कार्यालय र कर्मचारी कतिसम्म गर्न सक्छन? त्यसको पछिल्लो उदाहरण बाराको एक सरकारी कार्यालयमा भेटिएको छ ।
जिल्ला कृषि कार्यालयमा भएको कामकारवाहीमा अनियमितता भएको आशंकामा सूचनाको हक सम्बन्धी अधिकार प्रयोगगर्दै अभियन्ता सर्फुल्लाह अन्सारीले मागेको सूचना दिनुभन्दा कार्यालयले उल्टो ३० हजार माग गरेको छ ।
पर्दाफासलाई प्राप्त पत्र अनुसार पछिल्लो तीन महिनादेखि सूचनाका लागि कार्यालयको सम्पर्कमा रहेका अन्सारीलाई मंगलबार वरिष्ठ कृषि विकास अधिकारी शिवरत्न साहले ३० हजार राजस्व बुझाउने पत्र थमाएका हुन । पत्रमा उनले सूचना ६ हजारप्रति रहेको र प्रति पेज पाँच रुपैयाका दरले हुने ३० हजार रुपैयाँ कार्यालयको राजस्व खातामा बुझाउन भनेका छन ।
राष्ट्रिय सूचना आयोग, कृषि मन्त्रालय, कृषि विभाग र क्षेत्रिय निर्देशनालय समेत बोर्धाथ गरिएको उक्त पत्रमा सूचना लुकाउन रचिएको प्रपञ्च प्रष्ट हुन्छ ।
अभियन्ता अन्सारी बारा निवासी हुन । उनले बारा कृषि कार्यालयले यहाँका कृषकका लागि ल्याएका परियोजना र कार्यक्रमको जानकारी मागेका थिए । तर लगातार आलटाल गरेपछि उनले सूचनाको हक सम्बन्धी अधिकारको प्रयोगगर्दै निवेदन दिएपनि कार्यालयले सूचना दिन ३० हजार माग गरेको हो । सूचनाको हक सम्बन्धी अधिकार अनुसारको एउटा बुँदा टेकेर कार्यालयले अन्सारीलाई होइन संविधानलाई नै गिज्जयाएको घटनाले प्रष्ट पारेको छ ।

तस्विर साैजन्य :पहिलाे पाेस्ट डट कम

काठमाडाैं– अख्तियार दुरूपयाेग अनुसन्धान अायाेगले मंगलबार साँझ घुससहित रंगेहात पक्राउ गरेका प्रहरी निरीक्षक हरिहर सुनार(थर फेरेर सुनवार बनाएकाे ) लाइ  विहानमात्रै काठमाडाैं प्रहरी प्रमुखले सचेत गराएका थिए ।

प्रहरी सेवा प्रवेश गरेकाे चार वर्षपनि नपुग्दै घुसकाे लत लागेका  निरीक्षक अाखिर हाकिमले सचेत गराएकाे केही घण्टा नबित्दै असुलीमा ब्यस्त भएका  थिए । नेपाल प्रहरीमा २०६९  साउन १ मा सहायक प्रहरी  निरीक्षकका रूपमा सेवा प्रवेश गरेका सुनार २०७० चैत्रमा अान्तरिक प्रतिस्पर्धाबाट प्रहरी  निरीक्षक बनेका हुन।

मंगलबार  विहान काठमाडाैं प्रहरी प्रमुख एसएसपी रविन्द्र धानुकले मातहतका अधिकारीलाइ अख्तियार सक्रिय भएकाेले सचेत रहन निर्देशन दिएका थिए । उनले अख्तियारकाे टाेल फ्रि हट नम्बर १०७ काे जानकारी सबैतर्फ राखिएकाले दाँयाबाँया नगर्न निर्देशन दिएका थिए । तर सर्वाेच्च अदालत सुरक्षा दस्तामा दरबन्दी रहेपनि माअाेवादी केन्द्रका नेताहरूकाे सिफारिसमा पैसा कमाउनै बसपार्क गएका सुनवारले हाकिमकाे निर्देशन मान्नुकाे साटाे झनै रकम बढाएर हाेटल संचालकलाइ हैरान बनाउन थालेका थिए । निरीक्षक सुनार साढे दुइ महिना अघिमात्र बसपार्क काजमा खटिएका थिए ।

अायाेगले हाेटल संचालकसँग घुस लिएकाे ५० हजार सहित सुनवारलाइ रंगेहात पक्राउ गरेकाे हाे।

अायाेगका अनुसार  निरीक्षक सुनवारले नयाँ बसपार्कमा उच्छृखल गतिवीधी गर्ने हाेटलहरूबाट महिनावारी ताेकेर रकम उठाउदै अाएका थिए । बसपार्क क्षेत्रमा हुने बेश्यावृती, याैनजन्य कृयाकलाप र जुवातासलाइ छुट दिएर  संचालित हाेटलहरूबाट एकलाखदेखि पचाँस हजार मासिक र चाडपर्वका नाममा  निरीक्षक सुनवारले महिनावारी उठाउदै अाएका थिए ।

अायाेगका एकजना अधिकारीका अनुसार मंगलबार पनि उनले एक हाेटल संचालकसँग महिनावारी वापतकाे ५० हजार माग गरेका  थिए । संचालकले २० हजारभन्दा बढि  दिन नसक्ने बताएपछि भनाभन भएकाे थियाे । हाेटल संचालकलाइ रकम  दिन दवाब दिएपछि उनी अायाेगकाे सम्पर्कमा पुगेका थिए ।

पक्राउ परेका सुनवारले उठाएकाे रकम माथिल्लाे तहमा समेत बाँडने गरेकाे पक्राउ गर्न गएका प्रहरी टाेलीलाइ भनेका थिए । स्राेतका अनुसार अायाेगले प्रहरी  निरीक्षक सुनवारकाे अनुसन्धान बिस्तृत रूपमा गर्दै माथिल्लाे तहसम्मलाइ कारवाहीकाे दायरा ल्याउने छ ।

 

साैजन्य : पहिलाे पाेस्ट डट कम

काठमाडाैं–अख्तियार दुरूपयाेग अनुसन्धान अायाेगकाे  टाेलीले महानगरीय प्रहरी प्रभाग नयाँ बसपार्कका प्रमुख प्रहरी  िनरीक्षक हरिहर सुनवारलाइ केहीसमय अघि ५० हजार घुस सहित पक्राउ गरेकाे छ ।

अायाेगले हाेटल संचालकसँग घुस लिएकाे ५० हजार सहित सुनवारलाइ रंगेहात पक्राउ गरेकाे हाे।

अायाेगका अनुसार  निरीक्षक सुनवारले नयाँ बसपार्कमा उच्छृखल गतिवीधी गर्ने हाेटलहरूबाट महिनावारी ताेकेर रकम उठाउदै अाएका थिए । बसपार्क क्षेत्रमा हुने बेश्यावृती, याैनजन्य कृयाकलाप र जुवातासलाइ छुट दिएर  संचालित हाेटलहरूबाट एकलाखदेखि पचाँस हजार मासिक र चाडपर्वका नाममा  निरीक्षक सुनवारले महिनावारी उठाउदै अाएका थिए ।

अायाेगका एकजना अधिकारीका अनुसार मंगलबार पनि उनले एक हाेटल संचालकसँग महिनावारी वापतकाे ५० हजार माग गरेका  थिए । संचालकले २० हजारभन्दा बढि  दिन नसक्ने बताएपछि भनाभन भएकाे थियाे । हाेटल संचालकलाइ रकम  दिन दवाब दिएपछि उनी अायाेगकाे सम्पर्कमा पुगेका थिए ।

पक्राउ परेका सुनवारले उठाएकाे रकम माथिल्लाे तहमा समेत बाँडने गरेकाे पक्राउ गर्न गएका प्रहरी टाेलीलाइ भनेका थिए । स्राेतका अनुसार अायाेगले प्रहरी  निरीक्षक सुनवारकाे अनुसन्धान बिस्तृत रूपमा गर्दै माथिल्लाे तहसम्मलाइ कारवाहीकाे दायरा ल्याउने छ ।

साैजन्य पहिलाे पाेस्ट डट कम

काठमाडाैं –अख्तियार दुरूपयाेग अनुसन्धान अायाेगकाे  टाेलीले महानगरीय प्रहरी प्रभाग नयाँ बसपार्कका प्रमुख प्रहरी  िनरीक्षक हरिहर सुनवारलाइ केहीसमय अघि ५० हजार घुस सहित पक्राउ गरेकाे छ । बाँकी विवरण अाउदै ।