Archive for the ‘Army’ Category

काठमाडौं – चुनावी मोर्चामा खटएिका एकजना मन्त्रीका अंगरक्षकको हिर्दयघातका कारण मृत्यु भएको छ ।
बिना विभागीय मन्त्री तथा वाम गठबन्धनका तर्फबाट मोरङ क्षेत्र नम्बर ५ का प्रतिनिधिसभा सदस्यका उम्मेदवार शिवकुमार मण्डलका अंगरक्षकको मंगलबार बिहान निधन भएको छ ।
नेपाली सेनाका जम्दार ४६ वर्षीय रामबहादुर बुढाको हिर्दयघात का कारण निधन भएको चिकित्सकले बताएका छन् ।
पुर्खौली घर दैलेख भएका बुढा बर्दबहादुर गण नागार्जुनमा कार्यरत थिए । मन्त्री मण्डलको विराटनगर १ पोखरियास्थित निवासमा सुतिरहेको अवस्थामा राति अचानक असहज महसुस गरेपछि उनलाई उपचारका लागि विराट नर्सिङ होममा भर्ना गरिएको थियो ।
उपचारका लागि नर्सिङ होम पुर्याउना साथ बिहान १ बजेर ४५ मिनेटमा बुढालाई चिकित्सकले मृत घोषणा गरेका थिए ।
मोरङ प्रहरी प्रमुख एसपी अरुणकुमार बिसीले शवलाई आफन्त र सेनाका अधिकारीको जिम्मा लगाउने तयारी भइरहेको बताए ।

Advertisements

  • ५३ कारागार र २३ विमानस्थल सेना मातहत,
  • ३३ स्थानमा बम फेला,
  • ६४ हजार सैनिक निर्वाचन सुरक्षामा

 

काठमाडौं– नेपाली सेनाले दुई सातामा देशका ३३ स्थानमा राखिएका बम र बिस्फोटक पर्दाथ निश्क्रिय पारेको छ । सेनाले देशभर निर्वाचन र उम्मेदवार लक्षित बम तथा बिस्फोटक पर्दाथ निश्क्रिय पारेको हो ।

सैनिक जनसम्पर्क तथा सूचना निर्देशनालयले निर्वाचन सुरक्षाका लागि नेपाल प्रहरी र सशस्त्र प्रहरीको सुरक्षामा रहेका २३ वटा विमानस्थल आफ्नो जिम्मामा लिएको जनाएको छ । ती विमानस्थलमा खटिएका प्रहरी र सशस्त्र प्रहरीलाई निर्वाचनका लागि क्षेत्रमा खटाएर सुरक्षा जिम्मेबारी सेनाले आफु मातहत लिएको हो ।
निर्देशनालयका अनुसार देशभरका ५३ प्रमुख कारागारको सुरक्षा समेत सेनाले आफ्नो जिम्मामा लिएको छ । निर्वाचन अवधीभर कारागार सुरक्षा सेनाको मातहत रहने छ ।
सेनाले आसन्न प्रदेशसभा र प्रतिनिधि सभा सदस्य निर्वाचनका लागि नेपाली सेनाबाट ६४ हजार २० जना सैन्य फौज परिचालन गरेको छ ।
निर्वाचन सुरक्षामा खटिएको फौजले मतपत्र छपाई सुरक्षा, निर्वाचन सामाग्री ढुवानी, कारागार तथा विमानस्थल सुरक्षा लगायत निर्वाचन सुरक्षाको लागि तेस्रो घेरामा रहि आवश्यक अन्य सुरक्षा प्रदान गर्ने कार्य गरिरहेको छ ।

निर्देशनालयका अनुसार ब्यारेक बाहिर निस्किएको फौजले पहिलो तथा दोस्रो चरणको निर्वाचनको लागि आवश्यक मतपत्र छपाईमा सुरक्षा प्रदान गर्नुको साथै पहिलो चरणको निर्वाचनको लागि नेपाली सेनालाई तोकिएका स्थानहरुमा मतपत्र ढुवानी कार्य सम्पन्न गरिसकेको छ । यस्तै दोस्रो चरणमा निर्वाचन हुने ४५ जिल्लाहरु मध्ये अधिकांश जिल्लामा मतपत्र ढुवानी कार्य सम्पन्न भै सकेको सेनाले जनाएको हो।

 

बम कहाँ–कहाँ भेटिए

निर्वाचनलाई शान्तिपूर्ण तथा भयरहित वातावरणमा सम्पन्न गराउन आसन्न निर्वाचनमा सुरक्षाको तेस्रो घेराको जिम्मेवारी नेपाली सेनालाई प्राप्त भए अनुसार संवेदनशीलतालाई दृष्टिगत गरी गुल्म तथा सैनिक मुख्यालय स्तरको बेश स्थापना गरी सुरक्षा प्रदान गर्ने कार्यमा नेपाली सेना खट्टिईरहेको छ ।
सोही क्रममा देशका विभिन्न भागमा शंकास्पद वस्तु तथा बमहरु फेला परेका घटनाहरुमा तदारुकताकासाथ सैनिक व्यक्तिहरु खट्टिई त्यस्ता शंकास्पद वस्तुहरुलाई सुरक्षितसाथ निस्क्रिय गर्ने कार्य समेत गरिरहेको छ ।
सोही क्रममा मिति २०७४ कार्तिक २२ गतेदेखि मिति २०७४ मंसिर ०८ गतेसम्म पाँचथर जिल्लाको फिदिम, फाकफोकथुम र हिलिहाङ्ग, जाजरकोट जिल्लाको चौरजहारी, सिन्धुपाल्चोक जिल्लाको मेलम्ची र बाह्रविसे, रोल्पा जिल्लाको भदौरे, रामेछाप जिल्लाको खाडाँदेवी, ओखलढुङ्गा जिल्लाको मोलुङ, लम्जुङ्ग जिल्लाको वेसिशहर, पर्वत जिल्लाको कुश्मा, धादिङ्ग जिल्लाको निलकण्ठ, गजुरी, गल्छी र घाटबेशी, बाग्लुङ्ग जिल्लाको बढीगाउँ र निशिखोला, अछाम जिल्लाको साँफेबगर, संखुवासभा जिल्लाको धर्मदेवी, रुपन्देही जिल्लाको बुटवल, रौतहट जिल्लाको गुजरा र कटानी, रसुवा जिल्लाको उत्तरगया, चितवन जिल्लाको भरतपुर, खोटाङ्ग जिल्लाको हलेसी, गोर्खा जिल्लाको गण्डकी र सिरानुचोक, नुवाकोट जिल्लाको शिवपुरी र विदुर, दाङ्ग जिल्लाको शान्तिनगर, कालिकोट जिल्लाको छाती, नवलपरासी जिल्लाको देवचुली एवं दोलखा जिल्लाको भिमेश्वर नगरपालिका गरी जम्मा ३३ स्थानहरुमा फेला परेका शंकास्पद वस्तु, बम तथा आई.ई.डी.हरु सुरक्षितसाथ डिस्पोज गरेको छ ।

Photo Courtesy : Nepal Police

काठमाडौं–प्रहरीले शान्ति प्रक्रियाका ११ वर्षपुरा भएकै दिन तत्कालिन बिद्रोही नेकपा माओवादीले प्रहरी र सेनाबाट लुटेका हतियार बरामद गरेको छ ।
मकवानपुर प्रहरीले पूर्व जनमुक्ति सेनाका एकजना कमाण्डरको घरबाट सेनाले प्रयोगगर्ने इन्सास राइफलको म्यागजिन र एसएलआरको म्यागजिन बरामद गरेको हो। यस्तै नेपाली सेनाको पाईन्ट सशस्त्र प्रहरीको चुस्ता र जनमुक्ति सेनाको टोपी समेत बरामद गरेको हो।
प्रहरीले जनमुक्ती सेनाका पूर्व कमाण्डर ईमानबहादुर थिङ्गको घरमा छापा मारेर ठुलो मात्रामा हातहतियार र बिस्फोटक पर्दाथ बरामद गरेको हो । प्रहरीका अनुसार नेपाल कम्युनिष्ट पार्टी (विप्लव समूह) का सक्रिय कार्यकर्ता रहेका थिङले निर्वाचन बिरोधी गतिविधीका लागि बरामद हतियार राखेका थिए ।
जिल्ला प्रहरी कार्यालय मकवानपुरका अनुसार बुधबार विहान मनहरी गाउँपालिका वडा नम्बर २ बस्ने ईमान बहादुर थिङ्गको घरमा खानतलासी गर्दा हातहतियार तथा विष्फोटक पदार्थहरु बरामद
भएको हो।
बिशेष सुचनाका आधारमा प्रहरी चौकी पदमपोखरी र लेबटबाट खटिएको प्रहरी टोलीले छापामार्दा थिङ्गको घरबाट कटुवा बन्दुक थान–१, सोही कटुवामा लाग्ने १२ बोरको गोली राउण्ड ३, ३७ नम्वरको डेटोनेटर थान–३, २७ नम्बरको डेटोनेटर थान–२, बिजुलिको तार अन्दाजी २ सय मिटर, सकेट पाईप थान–१, सर्किट व्याट्रि थान–२, जिलेटिन पहेलो रङको १ सय ग्राम, डेटकर्ड तार २ मिटर, बारुद बनाउने सेतो रङको कच्चा पदार्थ ३ सय ग्राम, कालो रङको बारुद १ सय ५० ग्राम, एस।एल।आर।राईफलको पुरानो म्याग्जिन थान–१, ईन्सास राईफलको पुरानो म्याग्जिन थान–१, राईफलको तेल २ सय मिलि लिटर बरामद गरेको हो । यस्तै हाम्रो संश्लेषण र साम्यवादका बिशेषताहरु लेखिएको किताब समेत फेला परेको प्रहरीले जनाएको छ ।
फरार रहेका थिङको खोजतलास गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।

काठमाडौं– नेपाली सेनाले विश्वभरका ५ हजार धावकहरुलाई उछिन्दै दौडमा स्वर्ण पदक हात पारेको छ ।
हङकङको साइ कुङ देखि टुइन मुनसम्म अक्सफाम इन्टरनेशनलले शुक्रबार आयोजना गरेको १०० किलोमिटर ट्रेल रेस प्रतियोगितामा त्रिभुवन आर्मी क्लबले स्वर्ण पदक दिलाएको हो ।

नेपालको प्रतिनिधित्व गर्दै नेपाली सेनाका जमदार. पूर्ण कुमार तामाङको नेतृत्वमा सहभागी भएका त्रिभुवन आर्मी क्लबका ४ जना अल्ट्रा धावकहरुले १२ घण्टा १ मिनेटको समयमा उक्त दुरी पार गरी स्वर्ण पदक प्राप्त गर्न सफल भएको सैनिक जनसम्पर्क तथा सूचना निर्देशनालयले जनाएको छ ।

निर्देशनालयका अनुसार हङकङको निकै प्रख्यात मानिने उक्त रेस प्रतियोगितामा विभिन्न देशका ५ हजार धावकहरुको सहभागिता रहेको थियो । सो प्रतियोगितामा त्रिभुवन आर्मी क्लबका जमदार पूर्ण कुमार तामाङ सहित सुवेदार समिर तामाङ, जमदार तिर्थ तामाङ र जमदार वेद सुनुवारले सहभागिता जनाएका थिए ।

काठमाडौं–नेपाली सेनाकाे बलाध्यक्षमा रथी हेमन्तराज कुँवरलाई पदस्थापन गरिएको छ ।

सेनामा प्रधानसेनापतिको दोस्रो कमाण्डको जिम्मेबारी बढुवासँगै कुँवरले पाएका हुन। नेपाल सरकार, मन्त्रिपरिषद्को सोमबारको बैठकले सैनिक युद्धकार्य महानिर्देशक रहेका उपरथी कुँवरलाई रथीमा बढुवागर्ने निर्णय गरेको थियो।

बढुवा भएका कुँवरलाई बिहीबार प्रधानसेनापति राजेन्द्र क्षत्रीले बिशेष समारोहकाबिच दज्र्यानी चिन्ह प्रदान गरेका थिए ।बलाध्यक्ष रहेका रथी बलदेवराज महत अनिवार्य अवकाश भएपछि उक्त पद रिक्त रहेको थियो ।

सेनामा प्रधानसेनापती पछि बलाधीकृत र बलाध्यक्ष रथी रहने ब्यवस्था रहेको छ । रथी कुँवरअघि सेनाको बलाधिकृतको कमाण्ड पूर्णचन्द्र थापाले लिइरहेका छन । आउँदो भदौंमा प्रधानसेनापति क्षत्रीले अवकाश पाएसँगै रथी थापा प्रधानसेनापति चुनिने छन ।

स्थलगत भ्रमणमा प्रधानसेनापति राजेन्द्र क्षत्री

काठमाडौं– प्रदेश सभा तथा प्रतिनिधी सभा नजिकिदै गर्दा देशभर उम्मेदवार लक्षित बम आक्रमणका घटना बढेका बेला सेनाप्रमुख आफै पूर्वी हिमाली, पहाडी तथा तराईको अवस्था बुझ्न फिल्डमा पुगेका छन। प्रधानसेनापति राजेन्द्र क्षत्रीले निर्वाचन सुरक्षाको अवस्था बुझ्न गुल्म, गण, बाहिनी र पृतनाको अवलोकन भ्रमण गरेका हुन ।
निर्वाचन सुरक्षाका लागि केन्द्रीय सुरक्षा रणनीति अनुसार सेना समेत आवश्यक सूचना संकलन, निर्वाचन सुरक्षा र कारवाहीको अधिकार सहित फिल्डमा रहेपनि देशभर उम्मेदवारलाई लक्षित गरि बम आक्रमण भै रहेका छन । केन्द्रीय नेतादेखि मन्त्रीसम्मलाई लक्षित गरि भएका बम आक्रमणले निर्वाचन प्रभावित आशंकाका बिच सेनापति दुईदिन लामो भ्रमण सकेर विहीबार काठमाडौं फर्किएका हुन ।
उच्च सैनिक स्रोतका अनुसार प्रधानसेनापति क्षत्रीले सेनाले प्रत्यक्ष कारवाही भन्दा उसको इन्टिलिजेन्स प्रयोग गरि सम्भावित घटनाको पूर्व सूचना र संलग्न ब्यक्तिका बिषयमा जानकारी स्थानीय प्रशासनलाई जानकारी गराउन निर्देशन दिएका थिए ।
प्रधानसेनापति क्षत्रीले सोलुखुम्बुमा रहेको अमरदल गुल्म, ओखलढुंगाको शम्शेरदल गण, ईटहरीमा रहेको पूर्वी पृतना मुख्यालय र हेटांैडामा रहेको मध्य पृतना मुख्यालय तथा धादिङको बैरेनीमा रहेको ६ नम्बर बाहिनी अड्डाको निरीक्षण भ्रमण गरेका हुन।
सैनिक जनसम्पर्क तथा सूचना निर्देशनालयका अनुसार प्रधानसेनापति क्षत्रीले युनिटहरुको स्थलगत बस्तुस्थिति, अपरेशन, तालिम, बन्दोबस्तीको अवस्थाका बिषयमा युनिट कमाण्डरसँग बुझ्नुका साथै आवश्यक निर्देशन दिएका थिए । यस्तै उनल आसन्न प्रतिनिधि तथा प्रदेशसभाको निर्वाचनलाई शान्तिपूर्ण, निष्पक्ष तथा भयरहित बातावरणमा सम्पन्न गराउन नेपाली सेनाको तयारीको बिषयमा निर्देशन दिएका थिए।

रक्षा सचिव बिनाेद केसी र प्रधानसेनापति रानेन्द्र क्षत्री जंगी अड्डामा छलफल गर्दै ।
साैजन्य : नेपाली सेना

काठमाडौं– नेपाली सेनाले आसन्न प्रतिनिधी र प्रदेश सभा निर्वाचनका बिषयमा रक्षा सचिवलाई जानकारी गराएको छ । सेनाले विहीबार जंगी अड्डामा आयोजित एक कार्यक्रममा रक्षा सचिव विनोद केसीले निर्वाचन सुरक्षाका चुनौती र सेनाको तयारीका बिषयमा जानकारी गराएको हो ।
रक्षा सचिव केसीलाई सेनाको अप्रेसन र बन्दोबस्ती हेर्ने रथीहरुले निर्वाचन सुरक्षा, आइपर्ने सम्भावित चुनौती र सेनाको कार्ययोजनाका बिषयमा जानकारी गराएको हो ।
सेनाको ब्रिफिङ अघि प्रधानसेनापति राजेन्द्र क्षत्री र सचिव केसीबिच बेग्लै छलफल भएको थियो । दुई चरणमा सम्पन्न हुने निर्वाचनको बाहिरी घेरामा सेनाले सुरक्षा दिने छ । यस्तै निर्वाचन सामाग्रीको ढुवानी र सुरक्षाको जिम्मेबारी समेत सेनाले लिएको छ । निर्वाचनपछि मतदान स्थल र मतपेटिकालाई सुरक्षित रुपमा मतगणना स्थलसम्म पु¥याउने जिम्मेबारी सेनाले पाएको छ ।
सैनिक जनसम्पर्क तथा सूचना निर्देशनालयका अनुसार रक्षा सचिव के.सी. र प्रधानसेनापति क्षत्रीबिच हाल देशको बिद्यमान परिस्थिति र नेपाली सेना सम्बन्धी विविध बिषयहरुमा छलफल भएको थियो ।