वडाअध्यक्ष ओली ८० हजार घुससहित पक्राउ
९ असोज २०८१ ७:४४
झापाको बुद्धशान्ती गाउँपालिका- २ का वडा अध्यक्ष डिल्ली प्रसाद ओली ८० हजार रुपैयाँ घुससहित पक्राउ परेका छन्।
अख्तियार दुरुपयोग अनुसन्धान आयोगको टोलीले उनलाई अनारमनी झापाबाट नियन्त्रणमा लिएको हो।
वडा अध्यक्ष ओलीले सेवाग्राहीसँग जग्गा पास र लेनदेन सिफारिसका लागि ८० हजार घुस लिइसकेको अवस्थामा अख्तियारको इटहरी कार्यालयबाट खटिएको टोलीले पक्राउ गरेको आयोगले जानकारी दिएको छ।
साथमा घुस दिने भारतीय नागरिक अमरनाथ चौहानलाई पनि पक्राउ गरिएको छ। उनीहरूविरुद्ध थप अनुसन्धान भइरहेको अख्तियारले जनाएको छ।
सम्बन्धित समाचार
प्रतिक्रिया