मुस्ताङको थासाङमा हिमपहिरो, ९ घर परिवारलाई सुरक्षित स्थानमा सारियो
७ भदौ २०८१ १६:३२
मुस्ताङको थासाङ गाउँपालिका वडा नम्बर–२ स्थित कोबाङमा हिमपहिरोका कारण बोक्सिखोला थुनिएको छ ।
पहिरोका कारण बोक्सिखोलाको ८० प्रतिशत बहाव रोकिदिएको मुस्ताङका डीएसपी भोजराज पाण्डेयले बताए ।
पहिरोले रोकेको पानीका कारण ठुलो ताल नबनेको तर, पहिरोमा पानी सोसिएर बसेको छ । नदी रोकिएको ठाउँभन्दा तल रहेका ९ घर परिवारलाई त्यहाँबाट सुरक्षित स्थलमा सारिएको डीएसपी पाण्डेले बताए । उनले भने, ‘सम्भावित दुर्घटनाबारे हामीले सचेतना अपनाएका छौँ ।’
थासाङ गाउँपालिका २ स्थित कोबाङको बोक्सिखोलामाथि हिम पहिरो आएर खोला थुनिएको भन्दै जिल्ला प्रशासन कार्यालयले आसपासका बासिन्दालाई सतर्कता अपनाउन अनुरोध गरेको छ ।
- तीनकुने घटनाका दोषीलाई कानूनी कठघरामा उभ्याउँछौँ : रक्षामन्त्री
- आन्दोलनरत शिक्षकहरुसँगको छलफलपछि गृहमन्त्री- छलफल सकारात्मक छ, छिटो विधेयक टुंग्याउँछौँ
- नेपाल र भारतको झण्डा हल्लाएर कञ्चनजङ्घा हिमाल आरोहण अभियानको शुभारम्भ
- प्रदूषण उच्च भएपछि मन्त्रालयको प्रस्ताव : हप्तामा दुई दिन बिदा, जोरबिजोर यातायात
सम्बन्धित समाचार
प्रतिक्रिया