स्वरूप परिवर्तन गरी चर्को आवाज निकाल्ने १४९ मोटरसाइकल प्रहरी नियन्त्रणमा

नेपाल प्रहरीले स्वरूप परिवर्तन गरी चर्को आवाज निकाल्ने तथा सवारी दुर्घटना निम्त्याउन सक्ने १४९ वटा मोटरसाइकल नियन्त्रणमा लिई कारबाही प्रक्रिया सुरु गरेको छ ।

जिल्ला प्रहरी कार्यालय कास्कीले १४९ वटा मोटरसाइकल नियन्त्रणमा लिई कारबाही प्रक्रिया अघि बढाएको हो । पाँच पटक भन्दा बढी सवारी मोडिफाईड गरी सवारी नियम उल्लंघन गर्ने सवारी धनीहरूलाई सार्वजनिक शान्ति विरुद्धको कसुरमा मुद्दा चलाउने कास्की प्रहरीले जनाएको छ ।

पहिलो पटक कारबाहीमा परेका सवारी धनीहरूलाई सामान्य जरिवाना गरी छाडिने कास्की प्रहरी प्रमुख मोहन कुमार थापाले जानकारी दिए ।