भारतीय सीमा सुरक्षा बल (एसएसबी) का महानिर्देशक चौधरी नेपाल आउँदै
३१ साउन २०८१ १२:१४
भारतीय सीमा सुरक्षा बल सशस्त्र सीमा बल (एसएसबी) का महानिर्देशक दलजितसिंह चौधरी नेपाल भ्रमणमा आउने भएका छन् ।
सशस्त्र प्रहरी बल, नेपालका महानिरीक्षक (आईजीपी) राजु अर्यालको निमन्त्रणामा उनी नेपालको तीनदिने औपचारिक भ्रमणमा आउन लागेका हुन् ।
सशस्त्र प्रहरी बलका प्रवक्ता सशस्त्र प्रहरी नायब महानिरीक्षक (डीआईजी) कुमार न्यौपानेका अनुसार भदौ ५, ६ र ७ गते काठमाडौंमा हुने सीमा सुरक्षासम्बन्धी आठौं बैठकमा भाग लिन उनी आउन लागेका हुन् ।
नेपाल र भारतमा आलोपालो आयोजना हुने सीमा सुरक्षासम्बन्धी बैठक यस पटक नेपालले आयोजना गर्दै छ । सातौं बैठक भारतमा आयोजना भएको थियो ।
बैठकमा सीमा अपराध, अवैध चोरी निकासी, मावन तस्करी नियन्त्रणसहितका विषयमा छलफल हुने छ ।
चौधरी अहिले भारतको बोर्डर सेक्युरिटी फोर्स (बीएसएफ) का प्रमुख पनि हुन् ।
प्रतिक्रिया