भारत स्वतन्त्रता दिवसमा प्रधानमन्त्री ओली र कांग्रेस सभापति देउवाको शुभकामना
३१ साउन २०८१ ९:०७
प्रधानमन्त्री केपी शर्मा ओलीले भारतको ७८ औं स्वतन्त्रता दिवसका अवसरमा त्यहाँका प्रधानमन्त्री नरेन्द्र मोदीलाई शुभकामना दिएका छन् । यस्तै सत्तारुढ नेपाली कांग्रेसका सभापति शेरबहादुर देउवाले समेत प्रधानमन्त्री मोदीलाई शुभकामना दिएका छन् ।
प्रधानमन्त्री ओली र सभापति देउवाले सामाजिक संजाल एक्स मार्फत शुभकामना दिएका हुन् ।
Warm congratulations to Prime Minister Shri @narendramodi ji and the people of India on 78th Independence Day! 🇮🇳 May this day strengthen the bonds of friendship and cooperation between our nations. Looking forward to advancing Nepal-India relations.#IndependenceDayIndia
— K P Sharma Oli (@kpsharmaoli) August 15, 2024
शुभकामना सन्देशमा प्रधानमन्त्री ओलीले ‘यस दिनले हाम्रा राष्ट्रहरू बीचको मित्रता र सहयोगको बन्धनलाई बलियो बनाओस्। नेपाल–भारत सम्बन्धलाई अगाडि बढाउने कामना,’ उल्लेख गरेका छन् ।
यस्तै सभापति देउवाले ‘हाम्रा दुई राष्ट्रबीचको मित्रताको बन्धन अझै मजबुत हुँदै जाओस्, र हाम्रा दुवै देशले समृद्धि र नयाँ उचाइ हासिल गरोस्’, भनी लेखेका छन् ।
Warm congratulations to Prime Minister @narendramodi ji & the friendly people of India on the occasion of India’s 78th Independence Day! May the bonds of friendship between our two nations continue to strengthen, and may both our countries prosper and achieve new heights.
🇳🇵🤝🇮🇳— Sher Bahadur Deuba (@SherBDeuba) August 15, 2024
भारतमा आज ७८ औं स्वतन्त्रता दिवस विभिन्न कार्यक्रम गरी मनाइँदैछ । सन् १९४७ मा बेलायती उपनिवेशबाट मुक्त भएको दिनको सम्झनामा भारतमा हरेक वर्षको अगस्ट १५ तारिखका दिन स्वतन्त्रता दिवस मनाउने गरिन्छ ।
राष्ट्रपति द्रौपदी मुर्मुले स्वतन्त्रता दिवसको पूर्वसन्ध्यामा राष्ट्रका नाममा सम्बोधन गर्दै भारतको अर्थतन्त्रको प्रगतिको कामना गरेका छन् । प्रधानमन्त्री नरेन्द्र मोदीले दिल्लीको ऐतिहासिक लालकिल्लाबाट ७८ औं स्वतन्त्रता दिवस मनाउन राष्ट्रको नेतृत्व गरेको भारतीय सञ्चारमाध्यमले बताएका छन् ।
अहिले लालकिल्लामा झन्डै ६ हजार जना विशेष अतिथिको सहभागिता भब्य समारोह चलिरहेको छ ।
प्रतिक्रिया