१० लाख रकमसहित हुण्डी कारोबारमा संलग्न दुई जना पक्राउ
७ साउन २०८१ २१:२४
बाराको विश्रामपुर गाउँपालिका-१ घोडासाहन नाकाबाट स्रोत नखुलेको नगद १० लाख २० हजार रूपैयाँ सहित २ जनालाई आइतबार दिउँसो प्रहरीले पक्राउ गरेको छ ।
पक्राउ पर्नेहरूमा फेटा गाउँपालिका-६ पुरैनिया बस्ने ४१ वर्षीय सैदुल्ला मिया ठकुराई र २२ वर्षीय बागर अन्सारी रहेका छन् ।
इलाका प्रहरी कार्यालय छतवाबाट खटिएको प्रहरीले भारतबाट नेपालतर्फ आउँदै गरेको ना.३६ प ४५६३ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त नगद सहित पक्राउ गरेको हो ।
पक्राउ परेका दुवै दुई जना विरुद्ध हुण्डी सम्बन्धी कसुरमा मुद्दा दर्ता गरी थप अनुसन्धान कार्य अगाडी बढाइएको प्रहरीले जनाएको छ ।
प्रतिक्रिया