लुम्बिनीमा एमालेले फेर्याे मुख्यमन्त्री उम्मेदवार
७ साउन २०८१ १२:०९
नेकपा (एमाले) ले लुम्बिनी प्रदेशमा मुख्यमन्त्रीको उम्मेदवार परिवर्तन गरेको छ ।
यसअघि संसदीय दलका नेता लीला गिरी मुख्यमन्त्री उम्मेदवार बन्ने तय भए पनि अचानक पार्टी केन्द्रको निर्देशन भन्दै उपनेता चेतनारायण आचार्यलाई मुख्यमन्त्री बनाउने तयारी भएको हो ।
एमाले लुम्बिनी प्रदेशका मुख्य सचेतक तुलसी चौधरीले आचार्यलाई मुख्यमन्त्री बनाउन दाबी पेस गर्न लागिएको बताए ।
यसअघि शंकर पोखरेल नेतृत्वको सरकारमा आन्तरिक मामिला तथा कानुनमन्त्री रहेका आचार्य जोखबहादुर महरा नेतृत्वको सरकारमा आर्थिक मामिला तथा योजना मन्त्री थिए । आचार्य लीला गिरी नेतृत्वको सरकारमा ग्रामीण खानेपानी तथा शहरी विकासमन्त्री थिए ।
अर्घाखाँचीको निर्वाचन क्षेत्र नम्बर १ (१) बाट निर्वाचित आचार्य एमालेका केन्द्रीय सदस्य पनि हुन् ।
प्रतिक्रिया