प्रधानमन्त्री ओलीलाई विश्वासको मत नदिन रास्वपाले लगायो ‘ह्वीप’
६ साउन २०८१ १३:०८
राष्ट्रिय स्वतन्त्र पार्टी (रास्वपा) ले प्रधानमन्त्री केपी शर्मा ओलीलाई विश्वासको मत नदिन आफ्ना पार्टीका सांसदहरूलाई ‘ह्वीप’ जारी गरेको छ ।
संसदीय दलका प्रमुख सचेतक सन्तोष परियारले एक सूचना जारी गरी विपक्षमा मतदान गर्न ह्वीप जारी गरेका हुन् । रास्वपा संसदीय दलको बैठकले प्रधानमन्त्री विश्वासको मत नदिने र प्रतिपक्षमा बस्ने निर्णय गरेको प्रमुख सचेतक परियारले जानकारी दिए ।
प्रधानमन्त्री ओलीले आइतबार विश्वासको मत लिँदै छन् । नेकपा ( माओवादी केन्द्र) र नेकपा (एकीकृत समाजवादी) ले पनि विपक्षमा मतदान गर्न ह्वीप जारी गरिसकेका छन् ।
प्रतिक्रिया