न्युरोडको फूटपाथ बिस्तारमा स्थानीयको अवरोध

काठमाडौंको न्युरोड क्षेत्रको फूटपाथ बिस्तारको काममा स्थानीयले पुनः अवरोध गरेका छन् ।

काठमाडौं महानगरपालिकाले शुक्रवार बिहान फूटपाथ विस्तारको काम शुरू गरेसँगै स्थानीय विरोधमा उत्रिएका हुन् ।

भीडलाई नियन्त्रण गर्न न्युरोडमा उल्लेख्यमात्रामा  सुरक्षाकर्मी तैनाथ गरिएको नगर प्रहरी प्रमुख राजु पाण्डेले लोकान्तरलाई जानकारी दिए । शुक्रवार बिहान न्युरोडमा नेपाल प्रहरी, नगर प्रहरीलगायत सुरक्षाकर्मी तैनाथ गरिएको छ ।

उच्च अदालतले फूटपाथ बिस्तारको बाटो खोलिदिएपछि महानगरपालिकाले बुधवारदेखि पुनः काम शुरू गरेको थियो । स्थानीय यसैको विरोधमा उत्रिएका हुन् ।