डीएसपी हुँ भन्दै ठगी गरेको आरोपमा एक जना पक्राउ
२ साउन २०८१ १९:१७
बाँकेमा डीएसपी हुँ भन्दै ठगी गरेको आरोपमा एक जना पक्राउ परेका छन् । पक्राउ पर्नेमा दैलेखको नारायण नगरपालिका-५ बस्ने ३० वर्षीय नैनसिंह विक छन् ।
जिल्ला प्रहरी कार्यालय, बाँकेको टोलीले उनलाई कोहलपुर नगरपालिका-११, एनटिभी रोडबाट मंगलबार पक्राउ गरेको हो ।
प्रहरीका अनुसार विकले विभिन्न सरकारी कार्यालयहरूमा गएर आफूलाई सीआईबी प्रहरी र राष्ट्रिय अनुसन्धान विभागको डिएसपी बताउँथे ।
अनुगमनको सिलसिलामा आएको भन्दै कार्यालय प्रमुख र अन्य कर्मचारीहरूसँग भेटी कुराकानी गर्ने र सर्वसाधारणलाई ठगी गर्ने गरेको आरोप उनीमाथि छ ।
सम्बन्धित समाचार
प्रतिक्रिया