पर्सा प्रहरीको स्मार्ट कन्ट्रोल रुमको उद्घाटन

जिल्लामा हुँदै आएका विभिन्न गतिविधिलाई निगरानीमा राख्न पर्सा प्रहरी कार्यालयमा निर्माण भएको स्मार्ट कन्ट्रोल रुम सञ्चालनमा आएको छ।

प्रहरीले जिल्लाको दैनिक प्रहरी परिचालनलाई व्यवस्थित बनाउन कन्ट्रोल रुम सञ्चालनमा ल्याएको हो। शुक्रबार एक कार्यक्रमबीच प्रमुख जिल्ला अधिकारी दिनेशसागर भुसालले स्मार्ट कन्ट्रोल रुमको उद्घाटन गरेका हुन्।

विगतमा सानो रुमबाट सञ्चालन हुँदै आएको प्रहरीको गतिविधि अब स्मार्ट रुमबाट निगरानी हुने पर्साका प्रहरीले बताएको छ।