वीरगन्जका गोदाममा सशस्त्र प्रहरीको छापा, ४४ लाखको अवैध सामान बरामद
३० जेठ २०८१ १२:४५
सशस्त्र प्रहरी बलले पर्सास्थित वीरगन्ज महानगरपालिका–१९ बर्वा लगायत स्थान रहेका गोदाममा मंगलबार राति छापा मारेर ४४ लाखभन्दा बढीको अवैध सामान नियन्त्रणमा लिएको छ ।
प्रस्तावित सीमा सुरक्षा गुल्म वीरगन्जबाट सशस्त्र प्रहरी नायब उपरीक्षक सुरज रिजालको कमान्डमा खटिएको टोलीले वीरगन्ज भन्सार कार्यालयका कर्मचारी समेतको उपस्थितिमा गोदाममा छापा मारेको थियो । सशस्त्र प्रहरीले सौन्दर्य क्रिम, मुङ दाल, मोटर पार्ट्स तथा अन्य अवैध सामान बरामद गरेको हो ।
बरामद सामानमा १४ लाख ५९ हजार रुपैयाँ बराबरको लेक्मी ब्राण्डको क्रिम १४ हजार ५ सय ९२ पिस, सोही ब्राण्डको ८ लाख ६ हजार रुपैयाँ बराबरको १६ हजार १ सय २८ पिस क्रिम छन् । अर्को गोदामबाट लाख रुपैयाँ बराबरको ३ हजार किलो दाल समेत बरामद भएको छ ।
वीरगन्ज–१० बाट अवैध रुपमा राखिएको ११ लाख रुपैयाँ बराबरको मोटर पार्ट्स र १० लाख ७५ हजार मुल्य बराबरको किराना सामान समेत बरामद गरेको छ । बरामद सामान बुधबार बिहान आवश्यक अनुसन्धान तथा कारवाहीको लागि विरगंज भन्सार कार्यालय पर्सामा बुझाइएको सशस्त्रका सहप्रवक्ता डीएसपी शैलेन्द्र थापाले जानकारी दिए ।
प्रतिक्रिया