सेनानी बन्जरा नेतृत्वको शान्ति सैनिकको टोली लिबिया प्रस्थान

सेनानी रमेश कुमार बन्जरा नेतृत्वको शान्ति सैनिकहरुको टोली लिबिया प्रस्थान गरेको छ । श्री भगवती प्रसाद गुल्मको स्पेसल गार्ड युनिट छैटौं डफ्फाका ५७ जना बुधबार लिबिया प्रस्थान गरेका हुन् ।

उक्त टोलीले संयुक्त राष्ट्रसंघको आह्वानमा शान्ति स्थापना कार्यको लागि लिबियामा चलिरहेको मिसनमा तैनाथ स्पेसल गार्ड युनिट (शान्ति सेना) पाँचौँ डफ्फालाई बदली गर्नेछ ।

यस्तै, उक्त मिसनमा तैनाथ स्पेसल गार्ड युनिट (शान्ति सेना) पाँचौँ डफ्फाका ५८ जना शान्ति सैनिकहरू प्रमुख सेनानी भाईकाजी थापाको नेतृत्वमा बिहीबार स्वदेश फिर्ता भएका छन् । हाल उक्त मिसनमा नेपाली सेनाका २३४ जना शान्ति सैनिकहरू कार्यरत छन् ।