प्रमुख सेनानी तिमिल्सिनाको नेतृत्वमा शान्ति सेनाको टोली लिबिया प्रस्थान

नेपाली सेनाका प्रमुख सेनानी विश्वनाथ तिमिल्सिनाको नेतृत्वमा भगवती प्रसाद गुल्मको छैटौं डफ्फाका ५८ जना लिबियामा तैनाथ नेपाली शान्ति सैनिकको अदलबदलीका लागि प्रस्थान गरेका छन् ।

संयुक्त राष्ट्रसंघको आह्वानमा शान्ति स्थापना कार्यको लागि लिबियामा तैनाथ स्पेसल गार्ड युनिट (शान्ति सेना) पाँचौँ डफ्फालाई बदली गर्न अर्को टोली शनिबार मिसन इलाकातर्फ प्रस्थान गरेको हो ।

उक्त मिसनमा तैनाथ स्पेसल गार्ड युनिट (शान्ति सेना) पाँचौँ डफ्फाका ५९ जना शान्ति सैनिकहरू सेनानी मोहन सिंह भण्डारीको नेतृत्वमा आइतबार स्वदेश फिर्ता भएका छन् । हाल उक्त मिसनमा नेपाली सेनाका २३४ जना शान्ति सैनिकहरू कार्यरत छन् ।