एकीकृत समाजवादीद्वारा महाधिवेशनका लागि आर्थिक संकलन शुरु

नेकपा (एकीकृत समाजवादी)ले महाधिवेशनका लागि आर्थिक संकलन गर्न सुरु गरेको छ । एकीकृत समाजवादीको दशौँ महाधिवेशन आगामी असार १६ गतेदेखि २० गतेसम्म काठमाडौँमा हुँदैछ ।

महाधिवेशनका लागि आवश्यक पर्ने खर्च जुटाउनका लागि पार्टीले आर्थिक संकलन गर्न सुरु गरेको हो । मंगलबार पार्टीका उपाध्यक्ष तथा दशौँ महाधिवेशन आर्थिक परिचालन कमिटीको अध्यक्ष प्रमेश हमालको अध्यक्षतामा बसेको बैठकले आर्थिक सहयोग संकलन अभियान सुरु गर्ने निर्णय गरेको हो ।