सुनिल पौडेल नेशनल पेमेन्ट गेटवे भ्रष्टाचार मुद्दामा दोषी ठहर
७ वैशाख २०८१ १८:१७
सुनिल पौडेल नेशनल पेमेन्ट गेटवे भ्रष्टाचार मुद्दामा दोषी ठहर भएका छन् ।
विशेष अदालतले नेशनल पेमेन्ट गेटवे भ्रष्टाचार मुद्दामा राष्ट्रिय सूचना प्रविधि केन्द्रका पूर्व कार्यकारी निर्देशक तथा नेपाल टेलिकमका प्रबन्ध निर्देशक सुनिल पौडेललाई भ्रष्टाचारको अभियोगमा दोषी ठहर गरेको छ । तर, सोही मुद्दामा सचिव मधुकुमार मरासिनीसहित आठ जनालाई अदालतले सफाइ दिएको छ । विशेष अदालतका अध्यक्ष टेकनारायण कुँवर र सदस्य मुरारीबाबु श्रेष्ठले सुनिल पौडेललाई दोषी ठहर गरेका हुन् । विशेष अदालतका सूचना अधिकारी यज्ञराज रेग्मीले पौडेललाई वैशाख २५ गते सजाय तोक्ने जानकारी दिए ।
छ वर्षअघि खरिद गरिएको नेशनल पेमेन्ट गेटवे राष्ट्रिय सूचना प्रविधि केन्द्रका तत्कालीन कार्यकारी निर्देशकको मिलेमतो र योजनाका कारण कहिल्यै प्रयोग हुन नसकेको आरोपमा मुद्दा परेको थियो । अदालतले गेटवेको खरिदमा २ करोड ५० लाख नेपाली रुपैयाँ अव्यावहारिक रूपमा सरकारी सम्पत्तिमा क्षति पुगेको र सार्वजनिक कोषको दुरुपयोग गरेको ठहर गरेको छ ।
अदालतले सफाइ दिएकामा विज्ञान तथा प्रविधि मन्त्रालयका सचिव सञ्जय शर्मा, राष्ट्रिय सूचना प्रविधि केन्द्रका पूर्वअध्यक्ष प्रणिता उपाध्याय, राष्ट्रिय सूचना प्रविधि केन्द्रका पूर्व कार्यकारी निर्देशक सफल श्रेष्ठ, पूर्व निर्देशक र वर्तमान उपनिर्देशक सफल श्रेष्ठ रहेका छन् । यस्तै राष्ट्रिय सूचना प्रविधि केन्द्र र वर्तमान सचिव मधुकुमार मरासिनी, रमेशप्रसाद पोखरेल भनिने रमेश पोखरेल, निमबहादुर वली, रामबहादुर बुढा र रामशरण गायक समेतले सफाइ पाएका छन् ।
अख्तियार दुरुपयोग अनुसन्धान आयोगले मुद्दामा कुल २३ करोड २७ लाख ५८ हजार ७७ नेपाली रुपैयाँको क्षति भएको दाबी गरेको थियो ।
प्रतिक्रिया