प्रभु बैंकका डेपुटी सीइओ मनोज न्यौपाने र सेन्चुरी बैंकका तत्कालिन सीइओ तुलसीराम गौतमसहित १० जना पक्राउ
१५ फागुन २०८० ११:०९
प्रहरीले ऋण प्रवाहमा अनियमितता गरेकाे आराेपमा तत्कालिन सेन्चुरी कमर्सियल बैंक लिमिटेडका प्रमुख कार्यकारी अधिकृत (सीइओ) मनाेज न्याैपानेलाई नियन्त्रणमा लिएकाे छ। उनी हाल प्रभु बैंककाे डेपुटी सीईओ छन् ।
यस्तै सेन्चुरीकै पूर्वसीईओ तुल्सीराम गौतमसहित १० जना पक्राउ परेका छन् ।
केन्द्रीय अनुसन्धान ब्यूराेले न्याैपाने र गाैतमसहितलाई नियन्त्रणमा लिएकाे हाे । ब्यूराे प्रमुख एआईजी किरण बज्राचार्यले घटनाकाे पुष्टि गरेकी छन् । उनले नेपाल राष्ट्र बैंककाे जाहेरीमा न्याैपाने र गाैतमसहितलाई पक्राउ गरिएकाे पर्दाफासलाई बताइन्।
उनीहरुले सेन्चुरीलाई प्रभु बैंकले प्राप्तीगर्नुअघि कमसल धिताे राखेर ऋण प्रवाह गरेकाे पाइएपछि राष्ट्र बैंकले सीआइबीलाई अनुसन्धान तथा कारबाहीका लागि पत्राचार गरेकाे थियाे ।
ब्युराेले अनुसन्धानपछि मंगलबार विशेष कारबाही चलाएर बैंकका कर्मचारीसहित अन्यलाई पक्राउ गरेकाे हाे ।
ब्यूराेले घटनामा संलग्न अन्यलाई पक्राउका लागि अपरेशन गरिरहेकाे छ।
*सच्चाइएकाे
प्रतिक्रिया