व्यवसायी अरुण चौधरी पक्राउ

केन्द्रीय अनुसन्धान ब्युरो (सीआईबी)ले व्यवसायी अरुण चौधरीलाई पक्राउ गरेको छ। उनलाई सीआईबीले काठमाडौंको लैनचोरबाट पक्राउ गरेको हो।

सीआईबी प्रमुख किरण बज्राचार्यकाअनुसार व्यवसायी चौधरीलाई बाँसबारी छाला जुत्ता कारखानाको जग्गा हडपेको आरोपमा पक्राउ गरिएको हो।

पक्राउ परेका चौधरी सीजी होल्डिङ्सका अध्यक्ष तथा प्रबन्ध निर्देशकसमेत हुन्।

सोही प्रकरणमा सीआईबीले चौधरीसँगै अजितनारायणसिंह थापालाई पनि पक्राउ गरेको छ। थापालाई बत्तीसपुतलीबाट पक्राउ गरिएको सीआईबीले जनाएको हो।