संवैधानिक परिषद्सम्बन्धी संशोधन विधेयक कार्यान्वयनमा गए निर्णय ‘डेडलक’ हुन्छन् : सांसद पन्त
२६ पुष २०८० १९:०६
प्रमुख प्रतिपक्ष दल नेकपा (एमाले) का सांसद रघुजी पन्तले संवैधानिक परिषद् (काम, कर्तव्य, अधिकार र कार्यविधि) सम्बन्धी ऐन, २०६६ लाई संशोधन गर्न बनेको विधेयक कार्यान्वयनमा गए परिषद्का निर्णय अड्किने बताएका छन्।
बिहीबार सिंहदरबारमा बसेको राज्य व्यवस्था तथा सुशासन समितिको बैठकमा उनले प्रस्तावित संशोधन विधेयकको दफा ९ र दफा १० मा स्वतः सहमति जनाउने ठाउँ नरहेको बताए।
उनले अहिलेको संशोधन विधेयकले ६ जनामध्ये ५ जना सदस्यहरू एकातिर र अध्यक्ष अर्कातिर भएको अवस्थामा अध्यक्षले नचाहेसम्म ५ जना सदस्यको बहुमतले पनि कुनै निर्णय गर्न नसक्ने अवस्था हुने बताए।
उनले अध्यक्षलाई चित्त बुझे ठीक र नबुझे निर्णय नै हुन नसक्ने स्थिति बन्न दिन नहुने बताए।
सांसद पन्तले सरकारले ल्याएको संशोधन विधेयकले प्रधानमन्त्रीले चाहेको व्यक्ति भए मात्रै निर्णय हुने बाध्यता आउने बताए।
सम्बन्धित समाचार
प्रतिक्रिया