प्रहरीमाथि हातपात गरेको अभियोगमा एक जना पक्राउ
२३ पुष २०८० १३:५९
फाइल फोटो
चन्द्रागिरि नगरपालिका-३, थानकोट बसपार्कस्थित कार्यक्षेत्रमा खटिएको प्रहरीमाथि हातपात गरेको अभियोगमा एक जना पक्राउ परेका छन् ।
सर्लाहीको मलङ्गवा नगरपालिका-६ घर भई हाल काठमाडौँको चन्द्रागिरि नगरपालिका-३, खरिबोट बस्ने २६ वर्षीय अनमोल रामलाई आइतबार राति प्रहरीले पक्राउ गरेको हो ।
उक्त स्थानमा प्रहरी वृत्त थानकोट र ट्राफिक प्रहरी प्रभाग थानकोटबाट खटिएको प्रहरीले जाँच गर्ने क्रममा नागढुङ्गाबाट आउँदै गरेको बा ५७ प ५९४६ नम्बरको स्कुटरका चालक रामले प्रहरीमाथि हातपात गरेपश्चात उनलाई पक्राउ गरिएको प्रहरी प्रधान कार्यालयले जनाएको छ ।
सो क्रममा ह्याण्ड सेट एक थान क्षति भएको छ । यस सम्बन्धमा प्रहरीले आवश्यक अनुसन्धान गरिरहेको जनाइएको छ ।
प्रतिक्रिया