एउटा मानिसका लागि सबैभन्दा रूचिको विषय अर्को मानिस हो : राजेश हमाल

महानायक राजेश हमालले एउटा मानिसको लागि सबैभन्दा रूचिको विषय अर्को मानिस भएको बताएका छन् । शुक्रबार काठमाडौंमा आयोजित एक कार्यक्रमलाई सम्बोधन गर्दै उनले यस्तो बताएका हुन् ।

उनले हरेक मानिसले आफ्नोभन्दा अर्को मानिसले गरेका क्रियाकलापहरूमा बढी चासो दिने बताए । उनले हरेक मानिसहरूले अर्को मानिसलाई केन्द्रबिन्दुमा राखेर आफ्ना क्रियाकलाप र कामहरू गर्ने बताए ।

उनले भने, ‘एउटा मानिसको सबैभन्दा रूचिको विषय अर्को मानिस हो । अन्य क्रियाकलाप जुन हामी गरिरहेका छौं, किन भन्दा त्यहाँ अर्को मानिस छ । त्यहाँ समाज छ । त्यसकारण हाम्रो केन्द्रबिन्दुमा आउने भनेको अर्को व्यक्ति हो । समाज हो ।’

महानायक हमालले हरेक व्यक्तिको अभिव्यक्तिले मानिसको जीवनको भावनाको सार्थकता पाउने बताए ।