बालकले पोखराबाट बस चोरेर चितवन पुर्याएपछि…
२४ मंसिर २०८० १६:३३
बस चोरेको आरोपमा एक जना बालक पक्राउ परेका छन्। प्रहरीले उनको परिचय गोप्य राखेको छ।
मंसिर २२ गते राति पोखरा महानगरपालिका-९, पृथ्वीचोकमा पार्किङ गरेर राखिएको ग १ ख ९६३८ नम्बरको बस चोरी भएकाे थियो।
यससम्बन्धी सूचना प्राप्त भएपछि जिल्ला प्रहरी कार्यालय कास्की, मातहत प्रहरी कार्यालय तथा अन्य प्रहरी कार्यालयसमेतमा जानकारी गराई खोजतलास गर्दा तनहुँको म्याग्दे गाउँपालिका-३ का १७ वर्षीय बालकले बस चोरी गरेको पत्ता लागेको हो।
ती बालकले चलाउँदै लगिरहेको अवस्थामा चितवनको भरतपुर महानगरपालिका-११, आँपटारीबाट चितवन प्रहरीले चेकजाँच गर्ने क्रममा बस फेला परेको हो।
बससहित बालकलाई पक्राउ गरेर कास्की जिल्ला अदालतबाट चोरी तथा डाँकासम्बन्धी मुद्दामा अनुसन्धान प्रक्रिया अगाडि बढाइएको प्रहरीले जनाएको छ।
प्रतिक्रिया