सशस्त्र प्रहरीले बरामद गर्याे पिस्तोल, गोली, म्याग्जिन र एयर गन
३ मंसिर २०८० १६:२४
सशस्त्र प्रहरी बल, नेपालले रौतहटबाट ४ थान अत्याधुनिक हतियार बरामद गरेकाे छ ।
इन्टेलिजेन्स ब्यूरोले रौतहटको यमुनामाई नगरपालिका-३ स्थित एक घरबाट आइतबार दिउँसो ९ एमएम पिस्तोल ३ नाल, त्यसमा लाग्ने गोली १३ वटा, म्याग्जिन ६ वटा तथा एयर गन १ नालसमेत बरामद गरेको हो ।
सो घरमा हतियार लुकाएर राखिएको भन्ने विशेष सूचनाका आधारमा ब्यूरोले आइतबार दिउँसो खानतलासी गरेको थियो । बरामद हतियारमध्ये २ नाल पिस्तोल मेड इन यूएसए र एक नाल मेड इन इन्डिया लेखिएको छ । हतियारसहित मोबाइलको सिमकार्ड, मोबाइल, शेख एजाज अहमदको नाममा जारी गरिएको नागरिकतासमेत बरामद भएको हो ।
सो क्षेत्रमा थप अप्रेसन जारी छ भने केही व्यक्ति घरभित्र ढोका थुनेर बसेको अवस्थामा रहेको सशस्त्र प्रहरीले जनाएको छ ।
प्रतिक्रिया