स्वयम्भू र साँखुबाट १७ जना जुवाडे पक्राउ

जिल्ला प्रहरी परिषर काठमाडौं मातहतको स्वयम्भू र साँखुबाट खटिएको प्रहरी टोलीले ठूलो संख्यामा जुवाडे पक्राउ गरेको छ । प्रहरी वृत्त स्वयम्भूले त्यस क्षेत्रको जुवा खालबाट आज चार लाख रूपैयाँ तथा कौडा र ताससहित जुवाडे पक्राउ गरेको हो ।

जिल्ला प्रहरी परिसर काठमाडौंका प्रवक्ता कुमोद ढुंगानाका अनुसार साँखु प्रहरी प्रभागबाट खटिएको टोलीले शंखरापुर नगरपालिका-१, नाङ्लेभारेको दुई ठाउँबाट १७ जुवाडेलाई नियन्त्रणमा लिई कारबाही अघि बढाइएको छ । उनीहरूको साथबाट एक लाख १७ हजार रूपैयाँ नगद बरामद भएको उनले बताए ।

यसैबीच तिहारलक्षित सुरक्षा योजनाअनुरूप मादकपदार्थ सेवनका कारण हुन सक्ने दूर्घटना न्यून गर्न पूर्वनिर्धारित कार्ययोजनाअनुरूप जाँच भइरहेको उपत्यका ट्राफिक प्रहरी कार्यालयका प्रवक्ता राजेन्द्रप्रसाद भट्टले जानकारी दिए ।