घट्यो सुन-चाँदीको मूल्य, कतिमा हुँदैछ किनबेच ?

आइतबार सुन र चाँदीको मूल्य घटेको छ । नेपाल सुनचाँदी व्यवसायी महासंघका अनुसार सुनको मूल्य तोलामा एक हजार र चाँदीको मूल्य तोलामा २० रूपैयाँले घटेको छ ।

महासंघले आजका लागि छापावाल सुनको मूल्य तोलामा एक लाख १३ हजार ७ सय र तेजावी सुनको मूल्य एक लाख १३ हजार १५० रूपैयाँ कायम भएको जनाएको छ ।

शुक्रबार एक लाख १४ हजार ७ सय रूपैयाँमा छापावाल सुन र एक लाख १४ हजार १५० रूपैयाँमा तेजावी सुनको कारोबार भएको थियो ।

आज चाँदीको मूल्य एक हजार ३८० रूपैयाँ कायम भएको छ । शुक्रबार एक हजार ४ सय रूपैयाँमा चाँदीको खरिदबिक्री भएको थियो ।