चिनियाँ कम्युनिष्ट पार्टीका तिब्बत सचिव नेपालमा
२२ कार्तिक २०८० १६:४८
चिनियाँ कम्युनिष्ट पार्टीको तिब्बत स्वायत्त क्षेत्रका सचिव वाङ छुङछेङ नपाल आइपुेका छन् ।
नेपालको पाँच दिने औपचारिक भ्रमणका लागि उनी आज बिहान ११:३५ बजे काठमाडौं आइपुगेका हुन् ।
सिचुआन एयरबाट त्रिभुवन अन्तर्राष्ट्रिय विमानस्थलमा अवतरण गरेका सचिव छुङछेङसहित १२ सदस्यीय टोलीलाई राष्ट्रियसभा उपाध्यक्ष उर्मिला अर्यालले स्वागत गरेकी थिइन् ।
तिब्बतको पार्टी सेक्रेटरी छुङछेङले नेपाल भ्रमणको क्रममा द्धिपक्षीय तथा आपसी हितका बारेमा छलफल गर्नेछन ।
प्रधानमन्त्री पुष्पकमल दाहालको हालै भएको चीन भ्रमणको क्रममा तिब्बत क्षेत्रसँग सम्बन्धित विषयमा भएका सहमति कार्यान्वयनबारे छलफल हुने जनाइएको छ ।
नेपालमा रहँदा उनले प्रधानमन्त्री, राष्ट्रपति, उपराष्ट्रपति, मन्त्रीहरू, विभिन्न पार्टीका शीर्ष नेताहरूसँग भेटवार्ता गर्ने बताइएको छ ।
वाङलाई चीन सरकारले नेपाल-चीन सम्बन्धको इन्चार्ज तोकेको छ । प्रधानमन्त्री पुष्पकमल दाहाल ‘प्रचण्ड’ को चीन भ्रमणपछि चीनबाट पहिलो उच्चस्तरीय प्रतिनिधिमण्डल आएको हो ।
प्रधानमन्त्री प्रचण्ड र तिब्बत सेक्रेटरी वाङबीच १० असोजमा तिब्बतको राजधानी ल्हासामा भेटवार्ता भएको थियो । भेटवार्तामा नेपाल र चीनबीचका परम्परागत सीमा नाकाका पूर्वाधार व्यवस्थापन गर्दै क्रमशः खुला गर्ने सहमति भएको थियो ।
सम्बन्धित समाचार
प्रतिक्रिया