राष्ट्रपति कार्यालयका सहसचिव शेरजंग कार्कीको निधन
१२ असोज २०८० १२:५१
राष्ट्रपतिको कार्यालयका सहसचिव शेरजंग कार्कीको निधन भएको छ। शुक्रबार बिहान उपचारका लागि नर्भिक अस्पताल लगिएका कार्कीलाई अस्पताल पुर्याएलगत्तै चिकित्सकले मृत घोषणा गरेका हुन्।
५२ वर्षीय सहसचिव कार्की राष्ट्रपति कार्यालयको कानून महाशाखामा कार्यरत थिए। कार्कीलाई शुक्रबार बिहान सवा ७ बजे अस्पताल लगिएकामा उनमा जीवनकाे कुनै संकेत नदेखिएको भन्दै अस्पतालले मृत घोषणा गरेको थियो।
राष्ट्रपति कार्यालय स्रोतका अनुसार कार्कीलाई बिहीबार साँझ नै वान्ता भएको थियो र उनले शारीरिक अस्वस्थता महसुस गरेका थिए।
सम्बन्धित समाचार
प्रतिक्रिया