एसिया कपको उपाधिका लागि भारत र श्रीलंका भिड्दै

एसिया कप क्रिकेटको उपाधिका लागि आज भारत र श्रीलंका खेल्दै छन् । खेल नेपाली समयअनुसार दिउँसो ३:१५ बजे कोलोम्बोमा हुँदैछ ।

सुपर फोरमा भारतसँग श्रीलंका ४१ रनले पराजित भए पनि पाकिस्तानलाई दुई विकेट र बंगलादेशलाई २१ रनले हराउँदै फाइनलमा स्थान बनाएको हो ।

भारतले श्रीलंकालाई ४१ रन र पाकिस्तानलाई २ सय २८ रनले हराएको थियो । बंगलादेशसँग भने ६ रनले पराजित भएको थियो ।

श्रीलंकाले २०२२ मा टी-२० र भारतले २०१८ मा एकदिवसीय एसिया कप जितेका थिए । यसअघि भारतले ७ पटक र श्रीलंकाले ६ पटक एसिया कपको उपाधि जितेका छन् ।