मोरङमा पोखरीमा डुबेर दुई बालिकाको मृत्यु
३० भदौ २०८० १५:३८
सांकेतिक तस्बिर।
मोरङको ग्रामथानमा आज नुहाउने क्रममा पोखरीमा डुबेर दुई बालिकाको मृत्यु भएको छ।
ग्रामथान गाउँपालिका-२ स्थित रम्भा देवको माछा पोखरीमा डुबेर ग्रामथान-२ खुनियाकट्टाका घनश्याम माझीकी छोरी १२ वर्षीया समीक्षा माझी र मनोज खवासकी छोरी १० वर्षीया रेजिना खवासको मृत्यु भएको जिल्ला प्रहरी कार्यालयका प्रवक्ता प्रहरी नायब उपरीक्षक रञ्जनकुमार दाहालले जानकारी दिए।
उनका अनुसार दुवै बालिकालाई डुबेर गम्भीर घाइते भएको अवस्थामा बिहान ११:३० बजेतिर स्थानीयले फेला पारेका थिए।
पोखरीमा नुहाउने क्रममा डुबेर घाइते भएका उनीहरूलाई उपचारका लागि विराटनगरको कोसी अस्पताल लगिएको थियो।
प्रहरी र स्थानीयले उद्धार गरेर अस्पताल पु¥याउनासाथ चिकित्सकले मृत घोषणा गरेको दाहालले बताए।
सम्बन्धित समाचार
प्रतिक्रिया