वर्तमान गठबन्धन पाँच वर्ष टिक्छ : प्रधानमन्त्री
२५ भदौ २०८० १७:१९
प्रधानमन्त्री पुष्पकमल दाहाल ‘प्रचण्ड’ ले वर्तमान सत्ता साझेदार दलबीचको गठबन्धन पाँच वर्ष टिक्ने बताएका छन्।
आज विराटनगर पुगेका प्रधानमन्त्री दाहालले विराटनगर विमानस्थलमा पत्रकारहरूलाई संक्षिप्त प्रतिक्रिया दिँदै सो टिप्पणी गरेका हुन्।
प्रधानमन्त्री दाहालसहित समाजवादी मोर्चाको सन्देशसभालाई सम्बोधन गर्न सो मोर्चामा सहभागी नेताहरू पनि विराटनगर पुगेका छन्।
सत्तारूढ दल नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी र नेकपा विप्लप समूह आबद्ध समाजवादी मोर्चाद्वारा आज विराटनगरमा सो सभाको आयोजना गरिएको छ।
सो सभालाई नेकपा (एस) का अध्यक्ष माधवकुमार नेपाल, जसपा अध्यक्ष उपेन्द्र यादव र नेकपाका महासचिव नेत्रविक्रम चन्द ‘विप्लव’ ले सम्बोधन गर्ने कार्यक्रम छ।
सम्बन्धित समाचार
प्रतिक्रिया