विश्वम्भरप्रसाद श्रेष्ठ प्रधानन्यायाधीश नियुक्त
४ भदौ २०८० २०:१७
कायममुकायम प्रधानन्यायाधीश विश्वम्भरप्रसाद श्रेष्ठ प्रधानन्यायाधीश पदमा नियुक्त भएका छन्।
नेपालको संविधानको धारा १२९ को उपधारा २ बमोजिम संवैधानिक परिषद्को सिफारिसमा राष्ट्रपति रामचन्द्र पौडेलले आज श्रेष्ठलाई प्रधानन्यायाधीश पदमा नियुक्त गरेका हुन्।
संसदीय सुनुवाइ समितिको आजको बैठकले प्रधानन्यायाधीशमा उनकाे नाम सर्वसम्मत अनुमोदन गरेकाे थियो।
सन् १९५९ अक्टोबर १६ मा सिलगढी डोटीमा जन्मेका श्रेष्ठले सन् १९८४ मा सुदूरपश्चिम क्षेत्रीय अदालतमा शाखा अधिकृतका रुपमा सरकारी सेवामा प्रवेश गरेका थिए।
श्रेष्ठले सन् २००४ मा गोरखा दक्षिणबाहु तेस्रो र सन् १९९१ मा गोरखा दक्षिणबाहु चौथो प्राप्त गरेका थिए।
प्रतिक्रिया