घट्यो सुनचाँदीको भाउ, कतिमा हुँदैछ किनबेच?

आज नेपाली बजारमा सुनचाँदीको मूल्य घटेको छ । नेपाल सुनचाँदी व्यवसायी महासंघका अनुसार बुधबार प्रतितोला १ लाख ११ हजार २ सय रूपैयाँमा कारोबार भएको छापावाल सुनको मूल्य आज ८ सयले घटेर १ लाख १० हजार ४ सय रूपैयाँमा कारोबार भइरहेको छ।

यस्तै तेजाबी सुनको मूल्य तोलाको १ लाख ९ हजार ८ सय ५० रूपैयाँ कायम छ। हिजो तेजाबी सुनको मूल्य तोलाको १ लाख १० हजार ६ सय ५० रूपैयाँ थियो।

आज चाँदीको मूल्यसमेत घटेको छ। महासंघले आज तोलामा ५ रूपैयाँले घटेर चाँदीको मूल्य प्रतितोला १ हजार ३ सय ७० रूपैयाँ कायम रहेको जनाएको छ। हिजो बुधबार चाँदीको मूल्य तोलाको १ हजार ३ सय ७५ रूपैयाँ थियो।