हवाई भाडामा भ्याट लगाउने सरकारको निर्णय तत्काल कार्यान्वयन नगर्न सर्वोच्चको आदेश

सर्वोच्च अदालतले हवाई टिकटमा भ्याट (मूल्य अभिवृद्धि कर) लगाउने सरकारको तत्काल निर्णय कार्यान्वयन नगर्न नगराउन अन्तरिम आदेश दिएको छ ।

न्यायाधीश अनिलकुमार सिन्हाको एकल इजलासले टिकटमा भ्याट लगाउने सरकारको निर्णयविरुद्ध अल्पकालीन अन्तरिम आदेश जारी गरेको हो ।

नेपाल एसोसिएसन अफ टुर एण्ड ट्राभल एजेन्ट्स (नाट्टा) ले दर्ता गरेको रिटमा आइतबार बहसपछि सर्वोच्चले तत्काल उक्त निर्णय कार्यान्वयन नगर्न आदेश दिँदै सरकारी पक्षलाई छलफलका लागि बोलाएको छ ।

नाट्टाले हवाई टिकटमा भ्याट लगाउने सरकारको निर्णय गैरकानुनी र अव्यावहारिक भएको भन्दै यसले नेपालको पर्यटन उद्योगलाई थप संकटमा पार्ने जिकिर गर्दै उत्प्रेषण आदेशले बदर गर्न माग गरेको थियो ।