एमालेले संसदीय दलको बैठकमा सुन तस्करीका विषयमा छलफल गर्ने

प्रमुख प्रतिपक्षी नेकपा एमालेले संसदीय दलको बैठक बोलाएको छ। केही दिन अघि त्रिभुवन विमानस्थलबाट अवैध रुपमा ल्याइएको करिब एक क्विन्टल सुन बाहिरिएको विषयमा पार्टीको आधिकारिक धारणा बनाउन संसदीय दलको बैठक बोलाइएको बताइएको छ । बैठक १२ बजेका लागि बोलाइएको छ। सुन तस्करीमा मन्त्रीहरूले पनि जिम्मेवारी लिनु पर्ने एमालेको धारणा रहेको एमाले नेताहरुको बुझाइ छ ।

एमाले अध्यक्ष केपी शर्मा ओलीले मंगलबार नै गृहमन्त्रीले सुन तस्करीमा आफ्नो संलग्नता छ वा छैन भन्ने कुरा प्रमाणित गर्नुपर्ने र आफ्नो संलग्नता नभए कसको छ भन्नुपर्ने बताएका थिए।

उनले सुन तस्करीको विषयलाई छोप्न गृहमन्त्रीले कुराहरु मोड्ने काम गरिरहेको बताउँदै सुन काण्डको सिलसिलाको कारबाही अन्तिमसम्म नपुर्याइकन एमालेले नछोड्ने बताएका थिए। उनले सुन बोक्ने भन्दापनि बोक्न लगाउनेहरुलाई समातेर कारबाही नगरेसम्म एमाले चुप लागेर नबस्ने चेतावनी दिएका थिए।