राष्ट्रिय अनुसन्धान विभागमा एआईजीकाे दरबन्दी थपेर हुतराज थापा र ओम जोशीको बढुवा
२६ साउन २०७९ २०:४२
सरकारले देशको एकमात्र बाह्य गुप्तचर निकाय राष्ट्रिय अनुसन्धान विभाग (राअवि) मा अतिरिक्त मुख्य अनुसन्धान निर्देशक (एआईजी) को एउटा दरबन्दी थपेर अनुसन्धान निर्देशक (डीआईजी) हुतराज थापा र ओम जाेशीको बढुवा गरेको छ ।
बिहीबार बसेको मन्त्रिपरिषद्को बैठकले एक एआईजीको दरबन्दी थपगर्दै थापा र जोशीलाई बढुवा गर्ने निर्णय गरेको हो ।
राअविका डीआईजीमध्ये २०७४ भदौ १४ मा बढुवा भएका ४ अधिकृतहरु मुख्य प्रतिस्पर्धामा थिए ।
बढुवा प्रत्यासीमा डीआईजीहरु हुतराज थापा, ओम जोशी, हरिहर पौडेल र सुनील ढकाल थिए ।
सरकारले अघिल्लो बढुवाकै बरियतालाई कायम राख्दै दरबन्दी थप गरेर बढुवा गरेको छ ।
यो बढुवासँगै भदौं अन्तिम साता मुख्य अनुसन्धान निर्देशक यदुनाथ खरेलले अनिवार्य अवकाश पाएमा थापा राअवि प्रमुखका प्रवल दावेदार बनेका छन् ।
प्रतिक्रिया